រាជធានីភ្នំពេញ ៖ ប្រទេសកម្ពុជាកំពុងធ្វើជាម្ចាស់ផ្ទះរៀបចំកិច្ចប្រជុំគណៈកម្មាធិការ សម្របសម្រួលគយអាស៊ានលើកទី២៦ ដែលប្រារព្ធធ្វើរយៈពេល៣ថ្ងៃចាប់ពីថ្ងៃទី២៥ ដល់២៧ មេសា ឆ្នាំ២០១៧ នៅទីក្រុងសៀមរាប ។
រាជធានីភ្នំពេញ ៖ ប្រទេសកម្ពុជាកំពុងធ្វើជាម្ចាស់ផ្ទះរៀបចំកិច្ចប្រជុំគណៈកម្មាធិការ សម្របសម្រួលគយអាស៊ានលើកទី២៦ ដែលប្រារព្ធធ្វើរយៈពេល៣ថ្ងៃចាប់ពីថ្ងៃទី២៥ ដល់២៧ មេសា ឆ្នាំ២០១៧ នៅទីក្រុងសៀមរាប ។
ប្រធានបទសំខាន់ៗជាច្រើន ត្រូវបានលើកឡើងក្នុងកិច្ចប្រជុំនេះរួមមាន វឌ្ឍនភាពនៃការអនុវត្តផែនការយុទ្ធសាស្ត្រអភិវឌ្ឍន៍គយ និងការងារសមាហរណកម្មគយអាស៊ានរបស់ក្រុមការងារកិច្ចសម្រួលពាណិជ្ជកម្ម និងនីតិវិធីគយ, ក្រុមការងារអនុវត្តច្បាប់គយ និងអនុលោមភាព និងក្រុមការងារកសាងសមត្ថភាពចំណេះដឹងគយ ត្រូវបានដាក់ក្នុងកិច្ចប្រជុំនេះ ។
លោកបណ្ឌិត គុណ ញឹម អគ្គនាយកគយ និងរដ្ឋាករកម្ពុជា និងជាប្រធានកិច្ចប្រជុំអគ្គនាយកគយអាស៊ានដែលមានការចូលរួមពីរដ្ឋបាលគយអាស៊ានទាំង១០ និងរដ្ឋបាលគយចិន រដ្ឋបាលគយជប៉ុន រដ្ឋបាលគយកូរ៉េ រដ្ឋបាលគយ អូស្ត្រាលី ក្រុមប្រឹក្សាពាណិជ្ជកម្មអាស៊ាន-អាមេរិក និងក្រុមប្រឹក្សាពាណិជ្ជកម្មអាស៊ាន-អឺរ៉ុប។
លោក នួន ច័ន្ទរិទ្ធ អគ្គនាយករងនៃអគ្គនាយកដ្ឋានគយ និងរដ្ឋាករកម្ពុជា និងជាប្រធានកិច្ចប្រជុំគណៈកម្មាធិការសម្របសម្រួលគយអាស៊ានបានថ្លែងឲ្យដឹងថា គោលបំណង នៃកិច្ចប្រជុំនេះ ដើម្បីពិនិត្យនិងពិភាក្សាលើវឌ្ឍនភាពនៃការអនុវត្តផែនការយុទ្ធសាស្ត្រអភិវឌ្ឍន៍គយ និងការងារសមាហរណកម្មគយអាស៊ានរបស់ក្រុមការងារកិច្ចសម្រួលពាណិជ្ជកម្ម និងនីតិវិធីគយ, ក្រុមការងារអនុវត្តច្បាប់គយ និងអនុលោមភាព និងក្រុមការងារកសាងសមត្ថភាពចំណេះដឹងគយ ។
លោកបណ្ឌិត គុណ ញឹម អគ្គនាយកនៃអគ្គនាយកដ្ឋានគយ និងរដ្ឋាករកម្ពុជា បានថ្លែងអបអរសាទរខួប៥០ឆ្នាំនៃការបង្កើតសមាគមប្រជាជាតិអាស៊ីអាគ្នេយ៍ ហៅកាត់ថា អាស៊ាន (១៩៦៧-២០១៧) និងបានលើកឡើងពីជោគជ័យរបស់អាស៊ាន ក្នុងការជំរុញកំណើនទំហំពាណិជ្ជកម្ម និងការលើកកម្ពស់ឧត្តមភាព ប្រកួតប្រជែងសេដ្ឋកិច្ចក្នុងតំបន់ និងពិភពលោក ហើយប្រទេសកម្ពុជាបានចូលរួមយ៉ាងសកម្ម ក្នុងភាពជោគជ័យរបស់អាស៊ាននេះ ។
លោកក៏បានលើកឡើងពីសមិទ្ធផលដែលរដ្ឋបាលគយអាស៊ានបានចូលរួមចំណែកក្នុងការលើកកម្ពស់កិច្ចសម្រួលពាណិជ្ជកម្ម តាមរយៈការកាត់បន្ថយរបាំងពាណិជ្ជកម្ម និងលើកទឹកចិត្តឲ្យកិច្ចប្រជុំគណៈកម្មាធិការសម្របសម្រួលគយអាស៊ាន បន្ដខិតខំអនុវត្តផែនការអភិវឌ្ឍន៍គយសមាហរណកម្មគយអាស៊ាន ដើម្បីសម្រេចគោលដៅរបស់ប្រមុខរដ្ឋាភិបាលអាស៊ានដែលបានកំណត់។
ក្រោមការដឹកនាំរបស់រដ្ឋបាលគយកម្ពុជា ចាប់ពីខែឧសភា ឆ្នាំ២០១៦ ដល់ខែមេសា ឆ្នាំ២០១៧ កិច្ចប្រជុំអគ្គនាយកគយអាស៊ានបានសម្រេចសមិទ្ធផលជាច្រើន រួមមាន ការបញ្ចប់តារាងនាមវលីពន្ធគយអាស៊ានឆ្នាំ២០១៧, ការចុះហត្ថលេខាលើពិធីសារទី២ ស្តីពីការកំណត់ច្រកទ្វារព្រំដែនឆ្លងកាត់ ដោយរដ្ឋមន្ត្រីហិរញ្ញវត្ថុអាស៊ាន, ការអនុម័តលើផែនការគោលដៅ ទូលំទូលាយរបស់រដ្ឋបាលគយអាស៊ានឆ្នាំ២០១៦-២០២៥, ការបញ្ចប់ការអភិវឌ្ឍសូចនាករគន្លឹះសម្រាប់អនុវត្តផែនការសកម្មភាពយុទ្ធសាស្ត្រ ដែលជាផ្នែកមួយក្នុងការរួមចំណែកលើកកម្ពស់កិច្ចសម្រួលពាណិជ្ជកម្មក្នុងតំបន់អាស៊ានជាដើម ៕
ចែករំលែកព័តមាននេះ