វិធីធ្វើឱ្យ iPhone សាកថ្មបានលឿនឆាប់រហ័ស
តឹងចិត្តណាស់មែនទេ? ក្រោយទូរស័ព្ទឆាប់អស់ថ្ម តែបញ្ចូលយូរក្រពេញនោះ ។ បើមែន នេះជាដំណោះស្រាយសម្រាប់បង្កើនល្បឿន ក្នុងការសាកថ្មទូរស័ព្ទ iPhone ។
តឹងចិត្តណាស់មែនទេ? ក្រោយទូរស័ព្ទឆាប់អស់ថ្ម តែបញ្ចូលយូរក្រពេញនោះ ។ បើមែន នេះជាដំណោះស្រាយសម្រាប់បង្កើនល្បឿន ក្នុងការសាកថ្មទូរស័ព្ទ iPhone ។
វិធីទី១-ប្រើប្រាស់ឆ្នាំងសាក និងខ្សែសាក ដែលមានគុណភាពល្អ (ហ្ស៊ីន ឬប្រេនៗ) ៖ វិធីនេះធ្វើឲ្យលោកអ្នកអស់លុយបន្តិចហើយ ព្រោះថា បើប្រើឆ្នាំងសាក២៥០០រៀល ពិតណាស់មិនល្អដូចរបស់ថ្លៃទេ ។ ការប្រើប្រាស់ឆ្នាំងសាករបស់ iPad មកជំនួស ក៏អាចធ្វើឲ្យទូរស័ព្ទ iPhone របស់លោកអ្នកឆាប់ពេញលឿនដែរ ។ តែវាអាចធ្វើឲ្យខូចគុណភាពថ្មរបស់លោកអ្នកនៅពេលប្រើប្រាស់យូរទៅមុខ។ ជាមួយគ្នានេះដែរ លោកអ្នកគួរដឹងដែរថា ការសាកថ្មតាមរន្ធ USB កុំព្យូទ័រ ឬ Powerbank មិនអាចចូលលឿន ដូចការសាកថ្មធម្មតាជាមួយនឹងរន្ធឌុយទេ ព្រោះថាកម្លាំងចរន្តអគ្គិសនីរបស់រន្ធ USB មានត្រឹមតែ២,៥វ៉ាត់តែប៉ុណ្ណោះ ខណៈដែលកម្លាំងចេញពីរន្ធឌុយមានដល់ទៅ៥វ៉ាត់ ។
វិធីទី២-ដាក់ទូរស័ព្ទនៅកន្លែងត្រជាក់ ៖ យោងតាម Mashable បានឲ្យដឹងថា ថ្មទូរស័ព្ទ iPhone របស់លោកអ្នកឆាប់អស់នៅពេលវាឡើងកំដៅ ។ ដូច្នេះហើយ នៅពេលសាកវា លោកអ្នកគួរទុកទូរស័ព្ទឲ្យឆ្ងាយពីកំដៅព្រះអាទិត្យ ឬក៏អាចដោះស្រោមទូរស័ព្ទចេញពេលសាកថ្ម។ ពាក្យថា ត្រជាក់នេះគឺមិនមែនយកទៅដាក់ក្នុងទូទឹកកក ដាក់ឲ្យកកទៅជាការ៉េម iPhone នោះទេ។ ពោល គឺសីតុណ្ហភាពបន្ទប់ធម្មតា។
វិធីទី៣-ប្រើប្រាស់ Low-Power Mode ឬក៏ដាក់ Flight Mode ៖ ការដាក់ Low-Power Mode អាចជួយកាត់បន្ថយថាមពលដែលត្រូវចាយទៅលើទូរស័ព្ទ iPhone របស់លោកអ្នក ។ ជាមួយគ្នានេះដែរ ការបើកមុខងារ Flight Mode (រូបយន្តហោះ) អាចជួយកាត់បន្ថយថាមពលផងដែរ។
វិធីទី៤-បិទ Notification ៖ ការបិទការលោតនូវ Notification ក៏អាចជួយធ្វើឲ្យបញ្ចូលថ្ម iPhone ឆាប់ពេញដែរ។ គ្រាន់តែចូលក្នុង Setting ហើយចូលទៅកំណត់ក្នុង Notification ជាការស្រេច។
វិធីទី៥-បិទចោលសិនទៅ ជាការប្រសើរ ៖ ពិតណាស់ ការបិទទូរស័ព្ទពេលកំពុងបញ្ចូលថ្ម ពិតជាវិធីមួយដ៏ល្អ ដែលអាចឲ្យថ្មឆាប់ពេញបានរហ័ស។ នេះមកពីពេលយើងបិទវាទៅ វាគ្មានត្រូវការថាមពលមកចាយវាយអ្វីទេ។
យោងតាម Mac World បានឲ្យដឹងថា ការបិទទូរស័ព្ទពេលបញ្ចូលថ្មបែបនេះ ជួយធ្វើឲ្យយើងបញ្ចូលថ្មពេញក្នុងកំឡុងពេល២ម៉ោង ។
ចែករំលែកព័តមាននេះ