ដណ្តឹងកូនក្រមុំមិនបានប្រហារមេបា អ្នកភូមិសម្លា.ប់វិញ
ខេត្តកណ្តាល ៖ បុរសថ្លើមខ្មៅម្នាក់ដែលលែងលះប្រពន្ធពីរនាក់រួចមកហើយបានព្យាយាមក្រសោបយកបេះដូងក្រពុំមួយទៀត តែនរណា គេមិនដឹងថា
ខេត្តកណ្តាល ៖ បុរសថ្លើមខ្មៅម្នាក់ដែលលែងលះប្រពន្ធពីរនាក់រួចមកហើយបានព្យាយាមក្រសោបយកបេះដូងក្រពុំមួយទៀត តែនរណា គេមិនដឹងថា
ខេត្តកណ្តាល ៖ បុរសថ្លើមខ្មៅម្នាក់ដែលលែងលះប្រពន្ធពីរនាក់រួចមកហើយបានព្យាយាមក្រសោបយកបេះដូងក្រពុំមួយទៀត តែនរណា គេមិនដឹងថា ជនគម្រក់នេះជាមនុស្សកំពូលខូចក៏ត្រូវបានមេបានាងក្រមុំបដិសេធ ។ ព្រោះតែដណ្តឹងកូនក្រមុំមិនព្រមលើកឱ្យបែបនេះក៏បានយកដាវសាម៉ូរ៉ៃទៅកាប់ប្រហារឪពុកម្តាយកូនក្រមុំដល់ផ្ទះ បណ្តាលឱ្យបុរសជាឪពុកត្រូវរបួសជាច្រើនកន្លែងស្លាប់ភ្លាមៗនៅនឹងកន្លែង។ ចំណែកម្តាយត្រូវច្រើនកន្លែង រងរបួសធ្ងន់ធ្ងរ ត្រូវបានគេបញ្ជូនទៅសង្គ្រោះនៅមន្ទីរពេទ្យរាជធានីភ្នំពេញ ។
ពេលកើតហេតុនោះ អ្នកភូមិក៏បានគោះជួងវាយប៉ោត វាយធុង ប្រកាសអាសន្នក្នុងភូមិ នាំគ្នាមកចោមវាយប្រហារ លើបុរសថ្លើមខ្មៅនោះវិញដោយកាប់សម្លាប់ដេកដួលក្នុងថ្លុកឈាមនៅកន្លែងកើតហេតុវិញដែរ ។
ហេតុការណ៍ដ៏ឃោរឃៅនេះបានកើតឡើងកាលពីវេលាម៉ោង១២ រំលងអធ្រាត្រឈានចូលថ្ងៃទី២៤ មេសា នៅភូមិរកា ឃុំរកា ស្រុកកណ្តាលស្ទឹង ខេត្តកណ្តាល ។
មន្ត្រីនគរបាលស្រុកកណ្តាលស្ទឹងបានឱ្យដឹងថា អំពើសាហាវព្រៃផ្សៃនេះបានផ្តើមឡើងដោយគំនុំ ដែលជនថ្លើមខ្មៅខឹងស្តីដណ្តឹងកូនក្រមុំមកធ្វើជាគូគាប់មិនឱ្យ ។ ជនឈាមខ្មៅដែលត្រូវអ្នកភូមិព្រួតគ្នាកាត់ទោសដោយកាប់ប្រហារវិញឈ្មោះ សួន ឧត្តរា អាយុ៣៥ឆ្នាំ សព្វថ្ងៃស្នាក់នៅផ្ទះលេខ៤៩ ផ្លូវលំភូមិទ្រា សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ មុខរបរ ជាងម៉ាស៊ីនដេរក្នុងរោងចក្រ ។ ជននេះបានយកដាវសាម៉ូរ៉ៃកាប់នឹងចាក់ទៅលើជនរងគ្រោះជាឪពុកម្តាយកូនក្រមុំឈ្មោះ ឡូញ លន់ ភេទប្រុស អាយុ៦២ឆ្នាំ រស់នៅភូមិរកា ឃុំរកា បណ្តាលឱ្យស្លាប់នៅនឹងកន្លែង រីឯប្រពន្ធដែលអង្គុយនៅក្បែរនោះដែររងរបួសជាទម្ងន់ ត្រូវបានអ្នកជិតខាងបញ្ជូនទៅកាន់មន្ទីរពេទ្យនៅរាជធានីភ្នំពេញ ដើម្បីសង្គ្រោះអាយុជីវិត ។
បើតាមប្រភពព័ត៌មានបានឱ្យដឹងបន្ថែមទៀតថា ជនឈាមខ្មៅបង្កសោកនាដកម្មគួរឱ្យថ្កោលទោសឈ្មោះ សួន ឧត្តរា ធ្លាប់មានប្រពន្ធ២នាក់រួចមកហើយ និងបានលែងលះជាមួយប្រពន្ធទាំង២ជាបន្តបន្ទាប់ ។ ពេលថ្មីៗនេះជនគំរក់នេះក៏មានទំនាក់ទំនងស្គាល់នារីជាកូនក្រមុំជនរងគ្រោះឈ្មោះ លន់ ណេន អាយុ២៨ឆ្នាំ ជាកម្មការិនីកាត់ដេរ ។ ហើយកន្លងទៅនេះ ជននេះបានមកសាកសួរចូលស្តីដណ្តឹងកូនស្រីជនរងគ្រោះមួយលើកជាពីរលើក តែជនរងគ្រោះជាមេបាកូនក្រមុំមិនព្រមឱ្យទេ ដោយដឹងថា ជននេះជាមនុស្សប្រើប្រាស់គ្រឿងញៀន និងមានប្រពន្ធច្រើនទៀតផង ជាមនុស្សកំណាចឃោរឃៅ ។
នៅល្ងាចថ្ងៃ២៣ មេសា ជនឈាមខ្មៅនេះបានទូរស័ព្ទមកសួរឪពុកម្តាយខាងស្រីរឿងស្តីដណ្តឹងកូនស្រីមិនឱ្យខ្លួន ។ ពេលនោះក៏បានទាស់ពាក្យសម្តីគ្នាតឹងសរសៃក តាមទូរស័ព្ទផងដែរ ។
តាមប្រភពព័ត៌មានបានឱ្យដឹងបន្ថែមទៀតថា លុះដល់ម៉ោងជាង១១យប់ ពេលដែលជនរងគ្រោះនៅអង្គុយក្នុងរោងក្បែរផ្ទះធំ ដែលកំពុងធ្វើនោះ ស្រាប់តែជនកំណាចនេះប្រដាប់ដោយដាវសាម៉ូរ៉ៃ មកកាប់ទៅលើពីរនាក់ប្តីប្រពន្ធដែលជាឪពុកម្តាយខាងស្រីមិនប្រណីត្រូវចំប្តីច្រើនកន្លែង ដាច់កដៃធ្លាយពោះ ចំក្បាល ស្លាប់ភ្លាមៗតែម្តង ។ ចំណែកប្រពន្ធកាប់ត្រូវច្រើនកន្លែងដែរ រងរបួសធ្ងន់ និងបានស្រែកឆោឡោហៅអ្នកជិតខាងឱ្យជួយ ។
ចំណែកកូនស្រីជនរងគ្រោះ នៅរោងមួយផ្សេង ក៏បានស្រែកឆោឡោហៅគេឯងឱ្យជួយដែរ ។ ពេលអ្នកភូមិបានឮក៏បានគោះជួង វាយប៉ោត ប្រកាសអាសន្ន និងបាននាំគ្នាខ្លះកាន់ដំបង ខ្លះកាំបិតមកផ្ទះជនរងគ្រោះឃើញជនរងគ្រោះស្លាប់ក្នុងថ្លុកឈាមយ៉ាងអាណោចអាធ័ម និងឃើញជនឈាមខ្មៅនៅកន្លែងកើតហេតុ កាន់ដាវប្រលាក់ដោយឈាមគំរាមកាប់អ្នកភូមិទៀត ទើបអ្នកភូមិបានផ្ទុះកំហឹង នាំគ្នាសម្រុកចូល វាយកាប់លើជនរូបនេះបណ្តាលឱ្យស្លាប់ភ្លាមៗក្នុងពេលនោះតែម្តង ។
នេះជាអំពើយង់ឃ្នងមួយទៀតដែលបានកើតឡើងដោយសារតែដណ្តឹងកូនក្រមុំគេមិនបានក៏មានការតាមព្យាបាទបង្កសោកនាដកម្មលើឪពុកម្តាយខាងស្រី ។
មុននេះកាលពីថ្ងៃ១៤ មេសា ខណៈក្រោយការប្រកាសទេវតាឆ្នាំថ្មីតែប៉ុន្មាននាទីសោះការបាញ់រះចូលផ្ទះជនរងគ្រោះ បណ្តាលឱ្យស្លាប់៣នាក់ និងរបួសម្នាក់បានកើតឡើងនៅឯខេត្តបន្ទាយមានជ័យ ដែលការបាញ់ប្រហារនេះ គឺបណ្តាលមកពីការស្តីដណ្តឹងកូនក្រមុំមិនឱ្យដែរពីសំណាក់យោធាម្នាក់នៅភ្នំឆត្រ ។ រហូតមកដល់ថ្ងៃនេះនៅមិនទាន់ចាប់ខ្លួនជនដៃដល់បាននៅឡើយនោះទេ ៕
ចែករំលែកព័តមាននេះ