ករណីគ្រោះថ្នាក់ចរាចរណ៍ជនរងគ្រោះសន្លប់ ហើយម៉ូតូរួញមួយកំណាត់មុខ
ខេត្តកំពត ៖ បុរសម្នាក់បានរងរបួសយ៉ាងធ្ងន់ធ្ងរសន្លប់ស្តូកស្តឹង និងមានឈាមហូរតាមមាត់ផង ដោយជួបហេតុការណ៍គ្រោះថ្នាក់ចរាចរណ៍មួយ កាលពីវេលាម៉ោង១០និង៤៥នាទីយប់
ខេត្តកំពត ៖ បុរសម្នាក់បានរងរបួសយ៉ាងធ្ងន់ធ្ងរសន្លប់ស្តូកស្តឹង និងមានឈាមហូរតាមមាត់ផង ដោយជួបហេតុការណ៍គ្រោះថ្នាក់ចរាចរណ៍មួយ កាលពីវេលាម៉ោង១០និង៤៥នាទីយប់
ខេត្តកំពត ៖ បុរសម្នាក់បានរងរបួសយ៉ាងធ្ងន់ធ្ងរសន្លប់ស្តូកស្តឹង និងមានឈាមហូរតាមមាត់ផង ដោយជួបហេតុការណ៍គ្រោះថ្នាក់ចរាចរណ៍មួយ កាលពីវេលាម៉ោង១០និង៤៥នាទីយប់ ថ្ងៃទី២០ ខែមេសា ឆ្នាំ២០១៧ លើកំណាត់ផ្លូវក្រាលកៅស៊ូចូលទៅរមណីយដ្ឋានទឹកឈូ នៅត្រង់ចំណុចផ្លូវបត់ចូលទៅកន្លែងហាងជនបរទេសមួយកន្លែងស្ថិតក្នុងភូមិអូតូច សង្កាត់អណ្តូងខ្មែរ ក្រុងកំពត។
លោកវរសេនីយត្រី ឆែម ហាក់ អធិការរងក្រុងកំពតបានឲ្យដឹងថា ម៉ូតូរបស់ជនរងគ្រោះម៉ាកឃ្លីបពណ៌ក្រហមពាក់ស្លាកលេខភ្នំពេញ1A-0989 បើកបរក្នុងទិសដៅពីត្បូងទៅជើង ក្រោយពីមានហេតុការណ៍គេឃើញប្រជាពលរដ្ឋនៅក្បែរកន្លែងកើតហេតុមកឈរមើល ប៉ុន្តែពុំមានប្រជាពលរដ្ឋណាមួយដឹងពីមូលហេតុនៃការគ្រោះថ្នាក់នេះឡើយ ទើបសមត្ថកិច្ចសន្និដ្ឋានថាគ្រោះថ្នាក់នេះបង្កឡើងដោយបើកម៉ូតូដួលខ្លួនឯង។ បន្ទាប់មកសមត្ថកិច្ចក៏បានយករថយន្តចរាចរណ៍ក្រុងដឹកជនរងគ្រោះទៅសង្គ្រោះនៅមន្ទីរពេទ្យស៊ុនយ៉ាឃៀល(ចំការដូង)ស្ថិតក្នុងភូមិបឹងទូក ឃុំបឹងទូក ស្រុកទឹកឈូ ខេត្តកំពត។
លោកអធិការរងបន្តទៀតថា ជនរងគ្រោះក្នុងហេតុការណ៍នេះមានឈ្មោះ ឃាង ហៃ ភេទប្រុស អាយុ២៥ឆ្នាំ មានទីលំនៅភូមិបត់ក្បាលដំរី ឃុំម៉ាក់ប្រាង្គ ស្រុកទឹកឈូ (រងរបួសធ្ងន់) តែពុំឃើញស្លាកស្នាមខាងក្រៅនោះទេ ឃើញតែឈាមហូរចេញតាមមាត់ (ជនរងគ្រោះមានពាក់មួកសុវត្ថិភាព)។ ក្រោយពីពិនិត្យវាស់វែងរួច សមត្ថកិច្ចបាននាំយកម៉ូតូជនរងគ្រោះទៅរក្សាទុកនៅអធិការដ្ឋាននគរបាលក្រុង ទុកប្រគល់ជូនក្រុមគ្រួសារឲ្យមកទទួលយកទៅផ្ទះវិញ៕
ចែករំលែកព័តមាននេះ