តាមប្រភព Metro បានឱ្យដឹងថា ការអាប់ដេតថ្មីរបស់កម្មវិធី Instagram ដែលគ្រប់គ្នាដឹងថា ជាកម្មវិធីសម្រាប់បង្ហោះរូបថត គឺនឹងអាចឱ្យអ្នកប្រើប្រាស់ មិនចាំបាច់ត្រូវការអ៊ីនធើណេត ។
ពួកគេអាចចុច Like និង Comment នៅលើរូបថត ឬក៏អាច Follow ឬ Unfollow នរណាម្នាក់ក៏បាន ទោះបីគ្មានអ៊ីនធើណេត ក៏ដោយ ។ នៅពេលអ្នកប្រើប្រាស់ភ្ជាប់អ៊ីនធើណេតពេលក្រោយ កម្មវិធីInstagram នឹងដំណើរការនូវអ្វីដែលពួកគេបានចុចមុនហ្នឹង ។ នេះបើយោងតាមការរាយការណ៍របស់ TechCrunch។
ក្រុមហ៊ុនយក្ស Facebook ដែលជាម្ចាស់របស់កម្មវិធី Instagram បានប្រកាសប្រាប់ពីជំហានដ៏ប្រសើរនេះ នៅក្នុងសន្និសីទអ្នកអភិវឌ្ឍន៍កម្មវិធី F8 ។ Facebook ថ្លែងកាលពីថ្ងៃនោះថា អ្នកប្រើប្រាស់ Instagram មួយចំនួនគ្មានមានប្រព័ន្ធអ៊ីនធើណេតប្រើប្រាស់ត្រឹមត្រូវទេ ។
ដូច្នេះហើយ ការអាប់ដេតលើកក្រោយរបស់ Instagram នឹងអាចឱ្យអ្នកទាំងនោះ ប្រើប្រាស់កម្មវិធីនេះកាន់តែច្រើន ហើយធ្វើឲ្យកម្មវិធី Instagram អាចរីកលូតលាស់នៅក្នុងប្រទេសកំពុងអភិវឌ្ឍ ។
ជាមួយគ្នានេះដែរ នៅក្នុងឆ្នាំនេះ Twitter បានចេញកម្មវិធី Twitter Lite ដែលរចនាឡើង ដើម្បីកាត់បន្ថយ Data សម្រាប់ប្រើប្រាស់ នៅពេលអ៊ីនធើណេតដើរយឺត ឬសម្រាប់ឲ្យកម្មវិធីដើរកាន់តែលឿនជាងមុន សម្រាប់ Google ក៏ដូចគ្នាដែរ ។
យោងតាម Digital Trends បានឲ្យដឹងថា Google បានដាក់ឲ្យប្រើប្រាស់នូវសេវាកម្ម ដែលបង្កើតឡើងឱ្យស្របតាមតំបន់ខ្សត់
អ៊ីនធើរណេត ។
ចែករំលែកព័តមាននេះ