ជម្លោះព្រំដី កូនប្រុស3នាក់បង្ហូរឈាមអ្នកជិតខាង ចាប់ខ្លួនឪពុកម្ដាយ
ខេត្តពោធិ៍សាត់ ៖ ប្ដីប្រពន្ធពីរនាក់ត្រូវសមត្ថកិច្ចឃាត់ខ្លួនពីបទជាប់ពាក់ព័ន្ធនឹងករណីកា.ប់សម្លា.ប់មនុស្សយ៉ាងសាហា.វព្រៃ.ផ្សៃនៅភូមិទទឹង
ខេត្តពោធិ៍សាត់ ៖ ប្ដីប្រពន្ធពីរនាក់ត្រូវសមត្ថកិច្ចឃាត់ខ្លួនពីបទជាប់ពាក់ព័ន្ធនឹងករណីកា.ប់សម្លា.ប់មនុស្សយ៉ាងសាហា.វព្រៃ.ផ្សៃនៅភូមិទទឹង
ខេត្តពោធិ៍សាត់ ៖ ប្ដីប្រពន្ធពីរនាក់ត្រូវសមត្ថកិច្ចឃាត់ខ្លួនពីបទជាប់ពាក់ព័ន្ធនឹងករណីកាប់សម្លាប់មនុស្សយ៉ាងសាហាវព្រៃផ្សៃនៅភូមិទទឹង ឃុំក្បាលត្រាច ស្រុកក្រគរ កាលពីថ្ងៃទី១៨ មេសា វេលាម៉ោង១៨និង៤០នាទីកន្លងទៅនេះ ។
សមត្ថកិច្ចបានឲ្យដឹងថា ប្ដីប្រពន្ធដែលត្រូវឃាត់ខ្លួននេះឈ្មោះ កែម សារ៉ែន ភេទប្រុស អាយុ៥២ឆ្នាំ និងប្រពន្ធឈ្មោះ ប្រឹម ខន អាយុ៥០ឆ្នាំ រស់នៅភូមិឃុំកើតហេតុខាងលើ ។ ការឃាត់ខ្លួនជនសង្ស័យទាំងពីរនាក់ប្ដីប្រពន្ធនេះធ្វើឡើងតាមពាក្យបណ្ដឹងក្រុមគ្រួសារជនរងគ្រោះពាក់ព័ន្ធនឹងការបញ្ជាឲ្យកូនៗរបស់ខ្លួនចំនួន៣នាក់វាយ និងកាប់សម្លាប់អ្នកជិតខាងម្នាក់ក្នុងរឿងទំនាស់ព្រំដី ។
គួររំលឹកថា កាលពីយប់ថ្ងៃទី១៨ មេសា មានករណីទំនាស់ព្រំដីភូមិជាប់គ្នាមួយនៅភូមិទទឹង ឃុំក្បាលត្រាច ស្រុកក្រគរ រហូតបង្កជាជម្លោះនឹងគ្នា ។ ខណៈនោះប្ដី-ប្រពន្ធទាំងពីរនាក់ខាងលើបានបញ្ជាឲ្យកូនប្រុសចំនួន៣នាក់ចូលទៅកាប់ប្រហារភាគីម្ខាងទៀតដោយស្រែកថា «កាប់វាឲ្យស្លាប់ទៅឲ្យប្រពន្ធកូនវាកំព្រា»។ ពេលនោះកូនៗទាំង៣នាក់បានហែករបងចូលទៅវាយនិងកាប់ឈ្មោះ ធូ សារ៉េន ភេទប្រុស អាយុ៣៩ឆ្នាំ ត្រូវជាច្រើនកន្លែងរងរបួសយ៉ាងធ្ងន់ធ្ងរហើយបានដាច់ខ្យល់ស្លាប់ពេលបញ្ជូនដល់មន្ទីរពេទ្យបង្អែកខេត្ត ។
ក្រោយកើតហេតុជនដៃដល់ជាកូនៗទាំង៣បានរត់គេចខ្លួនបាត់អស់ ។ លុះនៅថ្ងៃទី១៩ មេសា សមត្ថកិច្ចបានស្រាវជ្រាវឈានទៅឃាត់ខ្លួនឪពុកម្ដាយដែលជាអ្នកបញ្ជាតែម្ដង ។ កូនៗជាជនដៃដល់ទាំង៣នាក់ ដែលរត់គេចខ្លួន ១-ឈ្មោះ រ៉ែន រី ភេទប្រុស អាយុ២៩ឆ្នាំ ២-ឈ្មោះ រ៉ែន រ៉ា ភេទប្រុស អាយុ២៧ឆ្នាំ និង៣-ឈ្មោះ រ៉ែន រ៉ូ ភេទប្រុស អាយុ២៥ឆ្នាំ ។
ពេលនេះសមត្ថកិច្ចកំពុងតាមស៊ើបអង្គេតដើម្បីឃាត់ខ្លួនជនដៃដល់ទាំង៣នាក់យកមកផ្ដន្ទាទោសតាមផ្លូវច្បាប់ ។ ចំណែកជនសង្ស័យជាឪពុកម្ដាយ សមត្ថកិច្ចបានកសាងសំណុំរឿងបញ្ជូនខ្លួនទៅសាលាដំបូងចាត់ការបន្តតាមនីតិវិធីនាថ្ងៃទី២០ មេសា ៕
ចែករំលែកព័តមាននេះ