ពលរដ្ឋមានការយល់ដឹងតិចតួចពីច្បាប់ចរាចរណ៍
រាជធានីភ្នំពេញ ៖ ដើម្បីអប់រំនិងកាត់បន្ថយគ្រោះថ្នាក់ចរាចរណ៍ ក្នុងឱកាសបុណ្យចូលឆ្នាំថ្មីប្រពៃណីជាតិឆ្នាំនេះ អាជ្ញាធររាជធានីភ្នំពេញ
រាជធានីភ្នំពេញ ៖ ដើម្បីអប់រំនិងកាត់បន្ថយគ្រោះថ្នាក់ចរាចរណ៍ ក្នុងឱកាសបុណ្យចូលឆ្នាំថ្មីប្រពៃណីជាតិឆ្នាំនេះ អាជ្ញាធររាជធានីភ្នំពេញ
រាជធានីភ្នំពេញ ៖ ដើម្បីអប់រំនិងកាត់បន្ថយគ្រោះថ្នាក់ចរាចរណ៍ ក្នុងឱកាសបុណ្យចូលឆ្នាំថ្មីប្រពៃណីជាតិឆ្នាំនេះ អាជ្ញាធររាជធានីភ្នំពេញ បានចុះទៅចែកកូនសៀវភៅច្បាប់ស្ដីពីចរាចរណ៍ផ្លូវគោក បិទស្ទីកគ័រអប់រំចរាចរណ៍ ស្ទីកគ័រចំណាំងប្លាតរាប់ម៉ឺនសន្លឹក និងផ្តល់មួកសុវត្ថិភាពដល់ប្រជាពលរដ្ឋធ្វើចរាចរណ៍តាមផ្លូវជាតិលេខ៦ ដែលជាច្រកចេញចូលរាជធានីភ្នំពេញ ។
ការចែកផ្សាយនេះ ធ្វើឡើងស្របពេលដែលប្រជាពលរដ្ឋចាប់ផ្តើមចេញដំណើរពីរាជធានីភ្នំពេញ ឆ្ពោះទៅស្រុកកំណើតតាមបណ្តាខេត្តនានា ក្នុងឱកាសបុណ្យចូលឆ្នាំថ្មីប្រពៃណីជាតិ។
លោកស្រី បុផ្ផា ផានី អនុប្រធានមន្ទីរសាធារណការនិងដឹកជញ្ជូនរាជធានីភ្នំពេញ បានឲ្យដឹងថា ការចែកផ្សាយខិតប័ណ្ណអប់រំច្បាប់ចរាចរណ៍នាពេលនេះ ជាគោលការណ៍របស់រដ្ឋបាលរាជធានីភ្នំពេញ សំដៅដាស់ស្មារតីអ្នកបើកបរទាំងឡាយឲ្យបើកបរម៉ូតូត្រូវពាក់មួកសុវតិ្ថភាព ឯអ្នកបើកបររថយន្តត្រូវពាក់ខ្សែក្រវាត់ បើកបរគោរពច្បាប់ចរាចរណ៍ បើកបរមិនស្ថិតក្រោមឥទ្ធិពលនៃគ្រឿងស្រវឹង និងបើកបរត្រូវមានការយោគយល់គ្នា ដើម្បីបញ្ចៀសបាននូវគ្រោះថ្នាក់ចរាចរណ៍ ដែលគួរឲ្យភ័យខ្លាច ។
ក្នុងពេលចុះអប់រំផ្សព្វផ្សាយច្បាប់ស្តីពីចរាចរណ៍នោះ មានការរៀបចំសំណួរ-ចម្លើយដើម្បីទទួលរង្វាន់មួកសុវត្ថិភាព ។ តាមរយៈការសួរសំណួរពាក់ព័ន្ធនឹងច្បាប់ចរាចរណ៍ គឺនៅមានបងប្អូនប្រជាពលរដ្ឋភាគច្រើនហាក់មិនបានយល់ដឹងពីច្បាប់ចរាចរណ៍នៅឡើយទេ ។
លោក សាំ ពិសិដ្ឋ នាយកមន្ទីរសាធារណការនិងដឹកជញ្ជូនរាជធានីភ្នំពេញ បានឲ្យដឹងថា ការចុះអប់រំផ្សព្វផ្សាយច្បាប់ស្តីពីចរាចរណ៍ផ្លូវគោកនាពេលនេះ គឺដើម្បីបង្កើនសុវត្ថិភាពដល់ប្រជាពលរដ្ឋ កាត់បន្ថយគ្រោះថ្នាក់ចរាចរណ៍ ដែលជាបញ្ហាប្រឈម ។ លោកបន្តថា ជារៀងរាល់ឆ្នាំ ប្រជាពលរដ្ឋរាជធានីភ្នំពេញដែលចាកចេញពីរាជធានី ទៅស្រុកកំណើតតាមបណ្តាខេត្តនានា តែងជួបគ្រោះថ្នាក់ចរាចរណ៍ច្រើន ហេតុនេះហើយ អាជ្ញាធរាជធានីភ្នំពេញ បានចុះអប់រំណែនាំអំពីច្បាប់ចរាចរណ៍ បិទស្ទីកគ័រ
អប់រំច្បាប់ចរាចរណ៍ និងស្ទីកគ័រចំណាំងប្លាត ដើម្បីជួយដាស់តឿនឲ្យប្រជាពលរដ្ឋមានការប្រុងប្រយ័ត្នខ្ពស់ក្នុងការបើកបរ ៕
ចែករំលែកព័តមាននេះ