ខេត្តឧត្តរមានជ័យ ៖ ពលរដ្ឋ២នាក់ បានចោទប្រកាន់ទៅលើមន្ត្រីកងរាជអាវុធហត្ថស្រុកត្រពាំងប្រាសាទ៣នាក់ថា បានចាប់វា.យដំទៅលើពួកគាត់ឱ្យរងរបួសបែកមុខ បែកមាត់ ខណៈជិះម៉ូតូឌុបគ្នាតាមផ្លូវ កើតឡើងកាលពីម៉ោង០៣រសៀលថ្ងៃទី១៨ មេសា ស្ថិតនៅចំណុចលើផ្លូវជាតិទល់មុខមណ្ឌលសុខភាពស្រុក ត្រពាំងប្រាសាទ ។
ខេត្តឧត្តរមានជ័យ ៖ បុរសនិងស្ត្រីជាគូដណ្តឹងគ្នា បានធ្វើការចោទប្រកាន់ទៅលើមន្ត្រីកងរាជអាវុធហត្ថស្រុកត្រពាំងប្រាសាទចំនួន៣នាក់ បានចាប់វាយដំទៅលើពួកគាត់ឱ្យរងរបួសបែកមុខបែកមាត់ ខណៈជិះម៉ូតូឌុបគ្នាតាមផ្លូវ កើតឡើងកាលពីម៉ោង០៣រសៀលថ្ងៃទី១៨ មេសា ស្ថិតនៅចំណុចលើផ្លូវជាតិទល់មុខមណ្ឌលសុខភាពស្រុក ត្រពាំងប្រាសាទ ។
ប្រភពឱ្យដឹងថា ជនរងគ្រោះទី១-ឈ្មោះសន បូរ៉ា ភេទប្រុស អាយុ២៥ឆ្នាំ និងទី២-ឈ្មោះអឿន ស្រីល័ក្ខ ភេទស្រី អាយុ១៩ឆ្នាំ (អ្នកទាំង២ជាគូដណ្តឹងគ្នា) មានទីលំនៅភូមិ-ឃុំ ស្រុកត្រពាំងប្រាសាទ ខេត្តឧត្តរមានជ័យ ។ បើតាមជនរងគ្រោះឱ្យដឹងទៀតថា ប៉េអឹមបង្កទាំង៣មាន ១-ឈ្មោះសោម សុផល, ២-ឈ្មោះហៀង សុភាព និង៣-ឈ្មោះលី អ្នកទាំង៣ ជាមន្ត្រីកងរាជអាវុធហត្ថស្រុកត្រពាំងប្រាសាទ ។
ប្រភបន្តថា មុនពេលកើតហេតុ គាត់ទាំង២នាក់ បានជិះម៉ូតូចេញពីផ្ទះសំដៅទៅផ្សារ មានទិសដៅពីកើតមកលិច លុះដល់ចំណុចកើតហេតុ ស្រាប់តែមានរថយន្តមួយគ្រឿងបំពាក់សារ៉ែ និងមានស្លាកសម្គាល់ជាស្ថាប័នកងរាជអាវុធហត្ថស្រុកត្រពាំងប្រាសាទ ជិះមកក្បែរ ហើយចុះវាយឱ្យរងរបួសបែកមុខមាត់តែម្តង ហើយក៏បើករថយន្តចេញទៅ ។
ពាក់ព័ន្ធការចោទប្រកាន់ខាងលើ លោកគង់ តារា មេបញ្ជាការកងរាជអាវុធហត្ថស្រុកត្រពាំងប្រសាទឱ្យដឹងតាមទូរស័ព្ទថា រឿងនេះមិនបាច់ផ្សាយទេ ព្រោះរូបលោកក៏មិនដឹងមូលហេតុច្បាស់លាស់ដែរ ដោយសារលោករវល់នៅក្រុងភ្នំពេញនៅឡើយ ។
មានការលើកឡើងថា សមត្ថកិច្ចមានតួនាទីការពារ និងបង្ក្រាបបទល្មើសហិង្សា និងអសន្តិសុខគ្រប់ប្រភេទជូនប្រជាពលរដ្ឋ តែបែរជាមន្ត្រីអាវុធហត្ថស្រុកត្រពាំងប្រាសាទ បង្កអំពើហិង្សាតាមទីសាធារណៈលើប្រជាពលរដ្ឋទៅវិញ ។
ចែករំលែកព័តមាននេះ