ភ្លើងប្រចណ្ឌកា.ប់ប្រពន្ធ7ពូថៅរួចទៅចង.កស្លា.ប់
ខេត្តកំពង់ចាម ៖ ភ្លើងប្រចណ្ឌគ្មានហេតុផលបានធ្វើឱ្យបុរសម្នាក់ឈ្មោះ សំ ឌុម អាយុ៧០ឆ្នាំ បានយកពូថៅកា.ប់ទៅលើប្រពន្ធរបស់ខ្លួនឈ្មោះ ជិន គីម អាយុ៥៣ឆ្នាំ
ខេត្តកំពង់ចាម ៖ ភ្លើងប្រចណ្ឌគ្មានហេតុផលបានធ្វើឱ្យបុរសម្នាក់ឈ្មោះ សំ ឌុម អាយុ៧០ឆ្នាំ បានយកពូថៅកា.ប់ទៅលើប្រពន្ធរបស់ខ្លួនឈ្មោះ ជិន គីម អាយុ៥៣ឆ្នាំ
ខេត្តកំពង់ចាម ៖ ភ្លើងប្រចណ្ឌគ្មានហេតុផលបានធ្វើឱ្យបុរសម្នាក់ឈ្មោះ សំ ឌុម អាយុ៧០ឆ្នាំ បានយកពូថៅកាប់ទៅលើប្រពន្ធរបស់ខ្លួនឈ្មោះ ជិន គីម អាយុ៥៣ឆ្នាំ ត្រូវចំនួន៧ពូថៅលើរាងកាយបណ្តាលឱ្យរងរបួសធ្ងន់ ឈាមហូរស្រោចពេញខ្លួនប្រាណ ខណៈពេលដេកនៅលើផ្ទះ ។ ហេតុការណ៍នេះកើតឡើងនៅវេលាម៉ោងប្រហែល២ និង៣០នាទី រំលងអធ្រាត្រ ឈានចូលព្រឹកថ្ងៃទី១៩ មេសា ក្នុងភូមិអូរកាប់មាន់ ឃុំអូរម្លូ ស្រុកស្ទឹងត្រង់ ជាប់ព្រំប្រទល់ខេត្តកំពង់ធំ ។
ក្រោយពីកាប់ប្រពន្ធឱ្យដេកដួលក្នុងថ្លុកឈាមហើយនោះ បុរសជាប្តីនឹកស្មានតែប្រពន្ធស្លាប់ ក៏បានរត់ទៅចងកធ្វើអត្តឃាតនៅលើដើមស្វាយចន្ទីរបស់អ្នកភូមិក្បែរខាងស្លាប់បង្កឱ្យមានការភ្ញាក់ផ្អើលដល់សមត្ថកិច្ច ។
ជុំវិញករណីនេះស្ត្រីរងគ្រោះបានប្រាប់ឱ្យដឹងថា ប្តីរបស់គាត់ឈ្មោះ ឌុម បានយកពូថៅមកកាប់លើរូបគាត់ ដែលកំពុងតែដេកនៅលើផ្ទះ ដោយមិនបានដឹងខ្លួននោះទេ គឺកាប់ប៉ងសម្លាប់តែសំណាងបានកូនប្រុសពៅឈ្មោះស៊ី ថុល អាយុ១៨ឆ្នាំ ដែលបានឃើញហេតុការណ៍ ក៏បានស្ទុះពីកន្ទេលដេក មកច្រានឪពុកចេញមិនឱ្យកាប់បន្តទៀតនោះទេ ។
ស្ត្រីរងគ្រោះឈ្មោះ ជិន គីម ប្រាប់បន្តថា ក្រោយពីប្តីកាប់ត្រូវរបួសលើរាងកាយ៧ពូថៅហើយនោះ ក៏ត្រូវបានកូនៗនាំមកសង្គ្រោះនៅមន្ទីរពេទ្យបង្អែកស្រុកស្ទឹងត្រង់ និងនាំបន្តមកកាន់មន្ទីរពេទ្យខេត្ត ដើម្បីឱ្យគ្រូពេទ្យជួយសង្គ្រោះ ។
ចំពោះមូលហេតុដែលបណ្តាលឱ្យប្តីរបស់គាត់កាប់ប្រហារនេះ ដោយសារតែភ្លើងប្រចណ្ឌ កាលពីក្នុងអំឡុងថ្ងៃទី១៥ កុម្ភៈ ២០១៧ នៅពេលដែលគាត់រៀបការកូនប្រុសឈ្មោះ ផាន់ សុភ័ក្រ បានហៅប្តីដើមជាមួយនឹងប្រពន្ធក្រោយឱ្យមកចូលរួមជាភ្ញៀវហូបការ ។ លុះពេលដែលប្តីក្រោយឈ្មោះ ឌុម បានឃើញប្តីដើមរបស់គាត់ បែរជាខឹង និងបានជេបញ្ជោរមកលើរូបគាត់នូវពាក្យចំអាសចំអូមគ្មានសីលធម៌ ។ ចាប់តាំងពីពេលនោះមក ប្តីក្រោយចេះតែរករឿងស្ទើររាល់ថ្ងៃមិនមានសេចក្តីសុខក្នុងក្រុមគ្រួសារនោះទេ
សូម្បីតែគាត់ចង់ចុះដីនៅពេលយប់ព្រលប់ក៏មិនបានដែរ គឺតាមរករឿងរហូត ។
លោកវរសេនីយ៍ឯក ប៉ាក ជាតិ អធិការនគរបាលស្រុកស្ទឹងត្រង់ប្រាប់ឱ្យដឹងដែរថា បុរសជាប្តីរបស់ស្ត្រីរងគ្រោះខាងលើ ក្រោយពីបានកាប់ប្រហារមកលើប្រពន្ធត្រូវជាច្រើនពូថៅ ទំនងនឹកស្មានតែប្រពន្ធស្លាប់ ក៏បានរត់មកចងកធ្វើអត្តឃាតនៅលើដើមស្វាយចន្ទីស្លាប់បាត់ទៅហើយដែរ ៕
ចែករំលែកព័តមាននេះ