រាជធានីភ្នំពេញ ៖ អចិន្ត្រៃយ៍ព្រឹទ្ធសភាបានកំណត់យកថ្ងៃទី២១ ខែមេសា បើកសម័យប្រជុំពេញអង្គលើកទី១០ ដើម្បីពិភាក្សា និងអនុម័តលើកសេចក្តីព្រាងច្បាប់ចំនួនពីរ ក្រោមអធិបតីភាព
រាជធានីភ្នំពេញ ៖ អចិន្ត្រៃយ៍ព្រឹទ្ធសភាបានកំណត់យកថ្ងៃទី២១ ខែមេសា បើកសម័យប្រជុំពេញអង្គលើកទី១០ ដើម្បីពិភាក្សា និងអនុម័តលើកសេចក្តីព្រាងច្បាប់ចំនួនពីរ ក្រោមអធិបតីភាពសម្តេចវិបុលសេនាភក្តី សាយ ឈុំ ប្រធានព្រឹទ្ធសភា ។
យោងតាមសេចក្តីសម្រេចរបស់កិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា បានឲ្យដឹងនៅថ្ងៃទី២០ ខែមេសា បានអនុម័តលើករបៀបវារៈចំនួនពីរ រួមមាន៖
ទី១-ពិនិត្យ និងឲ្យយោបល់លើសេចក្តីស្នើច្បាប់ស្តីពីវិសោធនកម្ម ច្បាប់ស្តីពីលក្ខន្តិកៈមន្ត្រីរាជការនៃក្រុមនីតិបញ្ញត្តិ។
ទី២-ពិនិត្យ និងឲ្យយោយល់លើសេចក្តីព្រាងច្បាប់ស្តីពី ការអនុម័តយល់ព្រមលើពិធីសារទី៣ ធ្វើវិសោធនកម្មកិច្ចព្រមព្រៀងពាណិជ្ជកម្មទំនិញនៅក្រោមកិច្ចព្រមព្រៀងក្របខ័ណ្ឌស្តីពីកិច្ចសហប្រតិបត្តិការ សេដ្ឋកិច្ចទូលំទូលាយក្នុងចំណោមរដ្ឋាភិបាលនៃប្រទេសសមាជិក សមាគម ប្រជាជាតិអាស៊ីអាគ្នេយ៍ និងសាធារណរដ្ឋកូរ៉េ ។
សូមជម្រាបថាសេចក្តីស្នើច្បាប់ខាងលើ ត្រូវបានសមាជិករដ្ឋសភាមកពីគណបក្សសង្គ្រោះជាតិ និងគណបក្សប្រជាជនកម្ពុជា លើកដៃអនុម័តកាលពីថ្ងៃទី៧ ខែមេសា កន្លងមករួចហើយ៕
ចែករំលែកព័តមាននេះ