រាជធានីភ្នំពេញ ៖ តារាសម្តែងលោកម៉ែន អម្រុងរ័ត្ន ទទួលបានការងារសិល្បៈជាហូរហែ បន្ទាប់ពីទំនេររាប់ខែស្ទើរតែបោះបង់អាជីព ។ ការខិតខំរបស់លោកអម្រុងរ័ត្ន បានផលល្អ ដោយគេមើលឃើញពី
រាជធានីភ្នំពេញ ៖ តារាសម្តែងលោកម៉ែន អម្រុងរ័ត្ន ទទួលបានការងារសិល្បៈជាហូរហែ បន្ទាប់ពីទំនេររាប់ខែស្ទើរតែបោះបង់អាជីព ។ ការខិតខំរបស់លោកអម្រុងរ័ត្ន បានផលល្អ ដោយគេមើលឃើញពីទេពកោសល្យរបស់លោក ។
តារាសម្តែង និងបង្ហាញម៉ូដលោកម៉ែន អម្រុងរ័ត្ន តាំងពីបញ្ចូលខ្លួនជាសមាជិកក្រុមគ្រួសារតារាកម្ពុជាមក ការងារសិល្បៈរបស់លោកលូតឡើងប្លែកខុសពីមុន ។ ត្រឹមតែប៉ុន្មានខែចុងក្រោយនេះលោកម៉ែន អម្រុងរ័ត្ន ទទួលបានការងារដូចជាចូលរួមសម្តែងក្នុងកម្មវិធីសិល្បៈជាច្រើននាឱកាសច្រើនបុណ្យចូលឆ្នាំថ្មី ។ តារារលកក្រោយរូបនេះបានចូលថតបទចម្រៀងវ៉ុលចូលឆ្នាំរបស់ផលិតកម្មថោន ។ ចូលរួមក្នុងកម្មវិធី«ផ្ទះលោកតា»ដែលថតទុកសម្រាប់ចាក់ថ្ងៃបុណ្យចូលឆ្នាំ ។ កម្មវិធីថតទុកចូលឆ្នាំរបស់ស្ថានីយទូរទស្សន៍ស៊ីអិនស៊ី ។
បន្ថែមពីការងារនោះលោកអម្រុងរ័ត្នឆ្លៀតថតកម្មវិធីសមាគមទូរទស្សន៍ដែលមានសុទ្ឋតែតារាល្បីចាស់ថ្មីចូលរួម ។
លោកម៉ែន អម្រុងរ័ត្ន និយាយថា «ក្រោយពេលដែលខ្ញុំព្យាយាមខំរុលជាមួយសិល្បៈមកការងារហាក់ប្រែក្លាយទៅជារឿងល្អជាងមុនសម្បូរកិច្ចការខ្លះដែរដោយរវល់គួរសម ។ ជាពិសេសបន្ទាប់ពីងាកចូលជាមួយ បងៗក្រុមគ្រួសារតារាកម្ពុជាមក មានសកម្មភាពសិល្បៈមមាញឹកជាហូរហែតែម្តង ។
សិល្បៈពេលនេះមានការប្រែប្រួលជាងមុន តែនៅមិនទាន់សមចិត្តពេកនោះទេ ខ្ញុំត្រូវព្យាយាមបន្តទៀត ។ ខ្ញុំនៅចង់បង្ហាញវត្តមានជាមួយការថត ការសម្តែងឲ្យបានច្រើនដូចជាថតខារ៉ាអូខេ បទចម្រៀងរបស់ផលិតកម្ម ល្បីៗ និងចង់បញ្ចេញស្នាដៃក្នុងបណ្តាខ្សែភាពយន្តភាគ និងរឿងដុំដែលកំពុងរីកសាយក្នុងវិស័យកុនខ្មែរ ។
យ៉ាងណាក៏ដោយខ្ញុំនៅតែមិនភ្លេចដល់បណ្តា បងៗរៀមច្បងសិល្បៈដែលស្រឡាញ់រាប់អានជួយប្រាប់ពីវិធី ល្អៗក្នុងសិល្បៈ ក៏ដូចជាអ្នកជួយខ្ញុំមួយចំនួនទៀតបានរកពន្លឺខ្លះប្រឡូកសិល្បៈ » ។
លោកម៉ែន អម្រុងរ័ត្ន សង្ឃឹមថា ក្នុងឱកាសបុណ្យចូលឆ្នាំថ្មី វត្តមានចូលរួមសម្តែងតាមបណ្តាស្ថានីយទូរទស្សន៍នានានឹងជួយឲ្យលោកមានការចាប់អារម្មណ៍ថែមទៀត ។ លោងអម្រុងរ័ត្ន ចង់រកប្រាក់ជួយផ្គត់ផ្គង់ក្រុមគ្រួសារឲ្យបានសមរម្យ ។ ទោះជាលំបាកបែបណាក្តីលោកព្យាយាមទៅសម្តែង ទោះតម្លៃមិនរួចថ្លៃកាត់ខោអាវក៏ដោយ ព្រោះរំពឹងជួយឱ្យលោកលេចធ្លោនាពេលខាងមុខ៕
ចែករំលែកព័តមាននេះ