រាជធានីភ្នំពេញ ៖ ក្រៅពីផ្តល់សំណើចសើចក្អាកក្អាយតាមរយៈឈុតឆាកកំប្លែង តារាសំខាន់ៗនៃខ្សែភាពយន្តរឿង «ជួបស៊យ» នាយគ្រឿន; លោកជា សុវណ្ណនរា;កញ្ញាគៀត សុវណ្ណាឡាង និងសាឡាត់ ស្រីឡាង មាន
រាជធានីភ្នំពេញ ៖ ក្រៅពីផ្តល់សំណើចសើចក្អាកក្អាយតាមរយៈឈុតឆាកកំប្លែង តារាសំខាន់ៗនៃខ្សែភាពយន្តរឿង «ជួបស៊យ» នាយគ្រឿន; លោកជា សុវណ្ណនរា;កញ្ញាគៀត សុវណ្ណាឡាង និងសាឡាត់ ស្រីឡាង មានឈុតឆាកយំទាល់តែអ្នកទស្សនាហូរទឹកភ្នែកតាម ។
តារាកំប្លែងនាយគ្រឿនបានក្លាយជាអ្នកនិពន្ធនិងសហការដឹកនាំរឿង«ជួបស៊យ»របស់ផលិតកម្មអិលឌី ។ មិនត្រឹមតែប៉ុណ្ណោះនាយគ្រឿនថែមទាំងសម្តែងខ្លួនឯងមានទាំងឈុតកំប្លែង និងឈុតឆាកយំសោកកម្សត់ ។
កាលពីល្ងាចថ្ងៃទី១០ មេសា ឆ្នាំ២០១៧ផលិតកម្មអិលឌីប្រារព្ធពិធីសម្ពោធភាពយន្តរឿង«ជួយស៊យ»ជាប្រភេទរឿងកំប្លែងសើចបង្កប់ការអប់រំ ។ កាន់តែប្លែកគឺអ្នកទស្សនានឹងយំតាមពេលនាយគ្រឿនសម្តែងឈុតយំយែកខ្លាំងកម្រឃើញជាមួយបណ្តាតួអង្គមួយចំនួនទៀត ។ ពិធីសម្ពោធរៀបចំធ្វើនៅបរិវេណផ្សារទំនើបស្ទឹងមានជ័យ នៃរោងភាពយន្តទំនើបលេជេន ដោយមានតារាសម្តែងក្នុងផ្ទៃរឿង តារាកិត្តិយស និងទស្សនិកជនច្រើនកុះករចូលរួម ។
នាយគ្រឿនឱ្យដឹងថា នាយលំបាកណាស់ក្នុងការនិពន្ធរឿងនេះដើម្បីឱ្យល្អប្រទាក់ក្រឡាគ្នាពីមួយឆាកទៅមួយឆាកដើម្បីឱ្យទាក់ទាញការចាប់អារម្មណ៍ពីទស្សនិកជន ។ នាយនិពន្ធរឿងនេះជូនផលិតកម្មអិលឌី ដែលជាផលិតកម្មមានការទទួលស្គាល់ពីមហាជន និងជោគជ័យពីមួយរឿងទៅមួយរឿងនាពេលកន្លងមក ។
នាយគ្រឿននិយាយថា«អំឡុងពេលថតពិតជាមិនធម្មតាទេក្លាយជាអ្នកដឹក និងនិពន្ធនេះ ពិសេសពេលថត ម្តងៗលំបាកណាស់ត្រូវតាំងចិត្តព្យាយាមណាត់តួស្ទើរតែមើលមុខគ្នាលែងចំ ម្តងៗ ដោយសារតែតួមកថត តួខ្លះលេងទូរស័ព្ទ ដែលកំពុងតែធ្វើការ ទាំងនេះនាំឱ្យខូចឈ្មោះយើងជាតារាមកក៏មិនទាន់ ទើបខ្ញុំគិតថាលំបាក ។
បន្ថែមពីលើនេះខ្ញុំត្រូវសម្តែងជាតួកម្សត់លាយកំប្លែង ដោយដាក់ការកម្សត់យំបង្ហូរទឹកភ្នែក ចាប់ពីពាក់កណ្តាលសាច់រឿងព្រោះសាច់រឿងបែបបងប្អូនប្រុសបង្កើត ហើយជួបជុំវិញបែរជាបងមានជំងឺមហារីកខួរក្បាលស្លាប់ចោលទៀត ស្របពេលម្តាយឪពុកក៏ស្លាប់ចោលទៀតធ្វើឱ្យតែលតោលតែឯង» ។
លោកលៀក លីដា ចាងហ្វាងផលិតកម្មអិលឌីរំពឹងថាភាពយន្តរឿង«ជួបស៊យ»នឹងត្រូវចិត្តអ្នកទស្សនាមិនខាន ព្រោះមានឈុតសើច និងកម្សត់លាយឡំគ្នាដោយចាក់បញ្ចាំងចាប់ពីថ្ងៃទី១៣ មេសា ២០១៧តទៅ ៕
ចែករំលែកព័តមាននេះ