ខេត្តកំពង់ស្ពឺ ៖ សមត្ថកិច្ចចម្រុះ បានឃាត់ខ្លួនក្មេងទំនើង១ក្រុមមកពីស្រុកសំរោងទង ប្រដាប់ដោយកាំបិតគ្រប់ដៃ ដែលបង្កការវាយតប់អ្នកទៅកម្សាន្តដល់ស្រុកគងពិសី រួចបញ្ជូនទៅកាន់ស្នងការដ្ឋាននគរបាលខេត្តដើម្បីចាត់ការតាមនីតិវិធី ។
ខេត្តកំពង់ស្ពឺ ៖ សមត្ថកិច្ចចម្រុះ បានឃាត់ខ្លួនក្មេងទំនើង១ក្រុមមកពីស្រុកសំរោងទង ប្រដាប់ដោយកាំបិតគ្រប់ដៃ ដែលបង្កការវាយតប់អ្នកទៅកម្សាន្តដល់ស្រុកគងពិសី រួចបញ្ជូនទៅកាន់ស្នងការដ្ឋាននគរបាលខេត្តដើម្បីចាត់ការតាមនីតិវិធី ។
ប្រភពពីសមត្ថ កិច្ចបានឱ្យដឹងថា ករណីនេះកើតឡើងកាលពីថ្ងៃទី១៦ ខែមេសា ហើយកម្លាំងកងរាជអាវុធហត្ថស្រុកគងពិសី សហការជាមួយនគរបាលនិងប្រជាការពារ បានបង្ក្រាបជនទំនើងចំនួន២ក្រុម ដែលវាយកាប់ចាក់គ្នានៅខ្នងទំនប់ស្វាយ ឃាត់ខ្លួនបានចំនួន១១នាក់ ដកហូតម៉ូតូចំនួន៨គ្រឿង ។
ទោះជាយ៉ាងណា ទាំងក្រុមបង្កនិងក្រុមអ្នករងគ្រោះសមត្ថកិច្ចនៅមិនទាន់បង្ហាញអត្តសញ្ញាណនៅឡើយទេ គ្រាន់តែដឹងថាម្ខាងជាអ្នកស្រុកគងពិសី និងម្ខាងទៀតជាអ្នកមកពីស្រុកសំរោងទង ។ ក្រុមក្មេងទំនើងបង្កហេតុទាំងនោះ ត្រូវបានដឹងថាជាអ្នកស្រុកសំរោងទង ពួកគេនាំគ្នាទៅលេងនៅអាងទំនប់ស្វាយ ក្នុងស្រុកគងពីសី ដោយនៅនឹងខ្លួនប្រដាប់ដោយកាំបិតគ្រប់ដៃ និងបានយកកាំបិតទៅភ្ជង់ភាគីម្ខាងទៀងដែលមកកម្សាន្តនៅទីនោះដែរ ទើបបង្កឱ្យមានការកាប់ចាក់គ្នាកើតឡើងបែបនេះ ។
ក្រោយពីត្រូវឃាត់ខ្លួន ក្រុមក្មេងទំនើងទាំងនេះរួមទាំងវត្ថុតាង ត្រូវបានបញ្ជូនទៅខេត្តភ្លាមៗផងដែរ ។ រហូតមកដល់ថ្ងៃទី១៨ ខែ មេសា សមត្ថកិច្ចកសាងសាវតារជាតិមិនទាន់ចប់នៅឡើយទេ ហើយក៏មិនដឹងថា តើវាសនាពួកគេបានស្គាល់រសជាតិគុកដែរឬយ៉ាណានោះឡើយ ។
ចែករំលែកព័តមាននេះ