ខេត្តពោធិ៍សាត់ ៖ តាមរបាយការណ៍របស់ការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តពោធិ៍សាត់បានឲ្យដឹងថា រយៈពេល៣ថ្ងៃកន្លងមកនេះគឺចាប់ពីថ្ងៃទី១៤ ១៥ និង១៦ ខែមេសា ឆ្នាំ២០១៧ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរនេះ
ខេត្តពោធិ៍សាត់ ៖ តាមរបាយការណ៍របស់ការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តពោធិ៍សាត់បានឲ្យដឹងថា រយៈពេល៣ថ្ងៃកន្លងមកនេះគឺចាប់ពីថ្ងៃទី១៤ ១៥ និង១៦ ខែមេសា ឆ្នាំ២០១៧ ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរនេះនៅខេត្តពោធិ៍សាត់មានគ្រោះថ្នាក់ចរាចរណ៍កើតឡើងចំនួន៨លើក បណ្ដាលឲ្យមនុស្សស្លាប់ម្នាក់ និងរបួសធ្ងន់ស្រាលចំនួន២០នាក់ ។
លោកវរសេនីយ៍ទោ រស់ ចំរើន ប្រធានការិយាល័យចរាចរណ៍ផ្លូវគោកខេត្តឲ្យដឹងថា គ្រោះថ្នាក់ចរាចរណ៍ទាំង៨លើកនេះកើតឡើងតែពីរស្រុកប៉ុណ្ណោះ គឺស្រុក បាកាន និងស្រុកក្រគរ ក្នុងនោះស្រុកបាកានមាន៦លើក ចំណែកឯស្រុកក្រគរមាន២លើក ។ ដោយក្នុងករណីគ្រោះថ្នាក់ចរាចរណ៍នេះបណ្តាលឱ្យស្លាប់មនុស្សស្រីម្នាក់ របួសធ្ងន់៧នាក់មានស្រី៥នាក់ និងរបួសស្រាល១៣នាក់មានស្រី៣នាក់ ។
គ្រោះថ្នាក់ចរាចរណ៍ទាំងនេះបង្កឡើងរវាងរថយន្ដបុកជាមួយរថយន្ដ, រថយន្ដបុកម៉ូតូ, រថយន្ដបុកគោយន្ដ និងម៉ូតូបុកម៉ូតូជាដើម ។ មូលហេតុនៃគ្រោះថ្នាក់ចរាចរណ៍នេះបណ្ដាលមកពីអ្នកបើកបរមិនគោរពសិទ្ធិអាទិភាព, បើកបរប្រើល្បឿនលឿន, សេពគ្រឿងស្រវឹង ជាដើម ។ លោកប្រធានការិយាល័យចរាចរណ៍ផ្លូវគោកក៏បានបញ្ជាក់ថា បើប្រៀបធៀបទៅនឹងឆ្នាំ២០១៦គឺមានការថយចុះ១១% ៕
ចែករំលែកព័តមាននេះ