ខេត្តមណ្ឌលគិរី ៖ យ៉ាងហោចណាស់មនុស្សប្រុសស្រី ចាស់ក្មេង ចំនួន២១នាក់ បានរងរបួសធ្ងន់-ស្រាល បន្ទាប់ពីធ្វើដំណើរត្រឡប់ពីស្រុកកំណើតឆ្ពោះទៅបំពេញការងារនៅស្រុកពេជ្រាដា ខេត្តមណ្ឌលគិរី ស្រាប់តែរថយន្តឈ្នូលប្រភេទសាំយ៉ុង បើកបរធ្លាក់ផ្លូវកៀរជញ្ជាំងភ្នំ។ ហេតុការណ៍នេះកើតឡើងនៅត្រង់ចំណុចភ្នំកាច់ចង្កេះជិតស្ពានអូរទេរ ផ្លូវទៅទឹកធ្លាក់ប៊ូស្រា ស្ថិតក្នុងភូមិពូក្រូច ឃុំស្រែអំពូម ស្រុកពេជ្រាដា វេលាម៉ោង១៣និង៣០នាទី ថ្ងៃទី១៧ ខែមេសា ឆ្នាំ២០១៧ ។
យោងតាមរបាយការណ៍សមត្ថកិច្ចបានឲ្យដឹងថា គ្រោះថ្នាក់ចរាចរណ៍ខាងលើបង្កដោយរថយន្តសាំយ៉ុង ពណ៌សំបកឪឡឹក បានដឹកកម្មករក្រឡាប់ដោយខ្លួនឯងធ្វើឲ្យមនុស្សរងរបួស២១នាក់ ។ អ្នកបើកបរឈ្មោះ យែម សារឿន ភេទប្រុស អាយុ54ឆ្នាំ ជនជាតិខ្មែរមូលហេតុដោយសាររថយន្តបើកចុះចំណោតខ្ពស់ចាប់ហ្វាំងមិនជាប់ ក៏រេចង្កូតបុកផ្ទប់ជាមួយជញ្ជាំងភ្នំតែម្តង។ ចំណែកអ្នករងរបួសផ្សេងទៀតមាន 1-ឈ្មោះ នូ ស្រីណា អាយុ32ឆ្នាំ របួសស្រាល 2-ឈ្មោះ តុល សុកនាក់ អាយុ18ឆ្នាំ របួសស្រាល 3-ឈ្មោះ តុល ញែក អាយុ27ឆ្នាំ របួសស្រាល 4-ឈ្មោះ ភឿន លីអេង អាយុ19ឆ្នាំ របួសស្រាល 5-ឈ្មោះ សៀវ ស្រីរ័ត្ន អាយុ18ឆ្នាំ របួសស្រាល 6-ឈ្មោះ បូរ ណាង អាយុ26ឆ្នាំ របួសស្រាល 7-ឈ្មោះ យ៉ែម សារឿន អាយុ54ឆ្នាំ របួសធ្ងន់ 8-ឈ្មោះ ឈាន ឈីវ អាយុ19ឆ្នាំ របួសស្រាល 9-ឈ្មោះ ជួន សំអាត អាយុ41ឆ្នាំ របួសធ្ងន់ 10-ឈ្មោះ ម៉ប បារាំង អាយុ21ឆ្នាំ របួសធ្ងន់ 11-ឈ្មោះ ប៊ូ បោះ អាយុ17ឆ្នាំ របួសធ្ងន់ 12-ឈ្មោះ បាវ វាសនា អាយុ40ឆ្នាំ របួសធ្ងន់ 13-ឈ្មោះ នាង ស្រីម៉ៅ អាយុ25ឆ្នាំ របួសធ្ងន់ 14-ឈ្មោះ តុល ឡៃហៀង អាយុ16ឆ្នាំ របួស ធ្ងន់ 15-ឈ្មោះ សុខ រាំង អាយុ51ឆ្នាំ របួសស្រាល 16-ឈ្មោះ ហុង ស្រីជឿន អាយុ38ឆ្នាំ របួសស្រាល 17-ឈ្មោះ ប្រែង ស៊ីណែត អាយុ40ឆ្នាំ របួសស្រាល 18-ឈ្មោះ គ្រុយ ដេវិត អាយុ24ឆ្នាំ របួសស្រាល 19-ឈ្មោះ ពិន តាំងអីន អាយុ31ឆ្នាំ របួសស្រាល 20-ឈ្មោះ ជៀវ បាវ អាយុ53ឆ្នាំ របួសធ្ងន់ និង21-ក្មេងស្រីអាយុប្រមាណ២ឆ្នាំ របួសស្រាល មិនស្គាល់ឈ្មោះ ឪពុករបួសធ្ងន់។ សរុបរងរបួស21នាក់ ប្រុស9នាក់ ស្រី12នាក់ ធ្ងន់8នាក់។
មន្ត្រីប្រចាំការនៅមន្ទីរពេទ្យបង្អែកខេត្តមណ្ឌលគិរីបានឲ្យដឹងថា ដោយសារតែស្ថានភាពអ្នករបួសធ្ងន់ខាងមន្ទីរពេទ្យពិបាកជួយសង្គ្រោះ ក៏សម្រេចបញ្ជូនបន្តទៅមន្ទីរពេទ្យបង្អែកកំពង់ចាម ដើម្បីសង្គ្រោះអ្នកជំងឺ។ ចំណែកអ្នករបួសស្រាលមន្ទីរបង្អែកខេត្តបានយកចិត្តទុកដាក់បន្តព្យាបាល។
ដោយឡែកនៅល្ងាចថ្ងៃដដែលនោះ លោក ស្វាយ សំអ៊ាង អភិបាលខេត្តមណ្ឌលគិរី និងជាប្រធានកិត្តិយសសាខាកាកបាទក្រហមប្រចាំខេត្ត រួមនិងលោក ឡុង វិបុល អភិបាលក្រុងសែនមនោរម្យ និងជាប្រធានសាខាកាកបាទក្រហមកម្ពុជាប្រចាំខេត្តមណ្ឌលគិរី បាននាំយកអំណោយទៅជូនដល់ជនរងគ្រោះក្នុងគ្រោះថ្នាក់ចរាចរណ៍ខាងលើ ដើម្បីជួយសម្រួលការលំបាករបស់ពួកគាត់។
ព័ត៌មានចុងក្រោយដែលទទួលបានកាលពីវេលាម៉ោងប្រមាណ១៩យប់ថ្ងៃទី១៧ មេសា ជនរងគ្រោះរបួសធ្ងន់ម្នាក់ ដែលត្រូវបញ្ជូនទៅសង្គ្រោះបន្តនៅខេត្តកំពង់ចាម បានស្លាប់នៅពេលធ្វើដំណើរដល់ស្រុកមេម៉ត់ ខេត្តត្បូងឃ្មុំ ៕
ចែករំលែកព័តមាននេះ