ខេត្តកែប ៖ បើតាមសេចក្តីរាយការណ៍ពីមន្ទីរទេសចរណ៍ខេត្តកែបបានឲ្យដឹងថា រយៈពេលបីថ្ងៃបុណ្យចូលឆ្នាំប្រពៃណីជាតិខ្មែរ ចាប់តាំងពីថ្ងៃទី១៤ដល់ថ្ងៃទី១៧ ខែមេសា ឆ្នាំ២០១៧នេះ ភ្ញៀវទេសចរណ៍ជាតិ និង
អន្តរជាតិមកលេងកម្សាន្តក្នុងទឹកដីខេត្តកែប មានចំនួនសរុប ១១៨៦០៥នាក់ ក្នុងនោះភ្ញៀវជាតិ១១៧.២៣៧នាក់ ភ្ញៀវអន្តរជាតិចំនួន១៣៦៨។
យានយន្តគ្រប់ប្រភេទសរុប ១០៤០២គ្រឿង ក្នុងនោះ រថយន្តធំ១១៣គ្រឿង, រថយន្តតូច៥៨៣៣គ្រឿង រថយន្តមធ្យម ៤៤៦២គ្រឿង។ ម៉ូតូសរុប ៩១៩១គ្រឿង ម៉ូតូរ៉ឺម៉កចំនួន៤៥គ្រឿង ម៉ូតូរ៉ឺម៉កទេសចរណ៍ ១៤៧គ្រឿង។ នៅក្នុងពិធីសង្ក្រាន្តចូលឆ្នាំបីថ្ងៃនេះ សភាពការណ៍បទល្មើសផ្សេងៗនៅក្នុងខេត្តកែប គ្មានសកម្មភាពអ្វីធ្វើឲ្យមានបញ្ហាដល់ភ្ញៀវជាតិ និងអន្តរជាតិ ដែលចូលមកលេងកម្សាន្តក្នុងខេត្តដែលមានសក្តានុពលទេសចរណ៍មួយនេះទេ៕
ចែករំលែកព័តមាននេះ