ម៉ាឡេស៊ី ៖ តាមប្រភពពី Viral4real បានឲ្យដឹងថា បុរសវ័យ៣៩ឆ្នាំម្នាក់ ត្រូវចាប់ខ្លួនពេលកំពុងលួចថតសំពត់ស្រីៗ ដោយប្រើប្រាស់កាមេរ៉ាដ៏តូចមួយ លាក់ក្នុងស្បែកជើង ។ កាមេរ៉ានោះ ពិតជាតូចមែនទែន រហូតដល់ថ្នាក់មើលទៅប៉ុនចុងក្រចក បន្ទាប់ពីត្រូវគេឃើញហើយ ក៏ចាប់យកឱ្យប៉ូលិស ។
លោក Kota Setar ដែលជាអ្នកនៅទីនោះ បានប្រាប់ឱ្យដឹងថា «កាមេរ៉ាបានភ្ជាប់ទៅជាមួយនឹងទូរស័ព្ទរបស់បុរសកំហូចម្នាក់នោះ ហើយវាកំពុងតែថតជាវីឌីអូ» ក្រោយមក ក័មានការឈ្លោះប្រកែកគ្នា ហើយបានព្រួតគ្នាចាប់វាយបុរសនោះម្នាក់មួយដៃមួយជើង ។
នារីរងគ្រោះមានអាយុ៣៨ឆ្នាំ ដែលត្រូវគេថត និងមិនដឹងរឿងអ្វីទាំងអស់ ទាល់តែសាធារណៈជនចេញសកម្មភាព ទើបនាងដឹងថាមានគេលួចថតសំពត់ ។ កាមេរ៉ានោះ តូចខ្លាំងតែគេអាចដឹងតាមសកម្មភាពដ៏ចម្លែករបស់បុរសនោះ។
បុរសកំហូច គឺជាជំនួយការប្រតិបត្តិនៅក្រុមហ៊ុន ដែលមានទំនាក់ទំនងជាមួយនឹងរដ្ឋាភិបាល នៅ Alor Setar។ គេនឹងត្រូវធ្វើការស៊ើបអង្កេតពីបទប្រព្រឹត្តអំពើមិនសមរម្យនៅទីសាធារណៈ ក្រោមមាត្រា២៩៤ ដែលនឹងត្រូវដាក់ពន្ធនាគារ៣ខែ និងអាចពិន័យបន្ថែមជាប្រាក់ ។
មិនត្រឹមតែប៉ុណ្ណោះ បុរសម្នាក់នោះ នឹងអាចត្រូវបានគេចោទប្រកាន់ពីបទបំពានលើអ្នកដទៃក្រោមមាត្រា៥០៩ ដែលអាចជាប់ពន្ធនាគារ៥ឆ្នាំ និងពិន័យជាប្រាក់ ។
ចែករំលែកព័តមាននេះ