រាជធានីភ្នំពេញ ៖ នាឱកាសបុណ្យចូលឆ្នាំថ្មី ឆ្នាំរកានេះ គេឃើញបងប្អូនប្រជាពលរដ្ឋខ្មែរទាំងអស់ បានត្រៀមខ្លួនរួចជាស្រេច ដើម្បីចេញដំណើរ ទៅគេហដ្ឋានដែលនៅតាមបណ្តាមខេត្ត-ក្រុងរបស់ខ្លួនទៅជួបបងប្អូន សួរសុខទុក្ខ និងសម្តែងអំណររីករាយ ជាពិសេស មានរាំកម្សាន្ត ដើម្បីទទួលទេវតាឆ្នាំថ្មី ។
ដោយឡែក នៅតាមទីសាធារណៈវិញ គឃើញអាជ្ញាធរ រួមទាំងបងប្អូន បានរៀបចំការតាំងលំអ ដូចជាសួនច្បារមានស្លាកសញ្ញាសារជូនពរផ្សេងៗ និងតាមបណ្តាផ្សារតូច-ធំមួយចំនួន នៅតាមទីក្រុង និងជនបទបានរៀបចំលក់ដូរ និងដាក់តាំងលក់របស់ពាក់ព័ន្ធគ្រឿងសំណែន ដូចជាធូបទៀនផ្កាផ្ញីជាច្រើន ដើម្បីចែកចាយដល់អតិថិជនយកទៅសែនថ្វាយទេវតាឆ្នាំថ្មី ។
ក្នុងនោះ លោកប៉ែន រិទ្ធា អាយុ៣២ឆ្នាំ ជាបុគ្គលិកសណ្ឋាគារសូហ្វីតែលភ្នំពេញ បានសម្តែងចំណាប់អារម្មណ៍ថា ជារៀងរាល់ឆ្នាំ ឱ្យតែពិធីបុណ្យទាន ពិសេសបុណ្យចូលឆ្នាំម្តងៗ លោកតែងតែទៅលេងស្រុកកំណើតនៅឯខេត្តបាត់ដំបង ។ ដោយលោកមានទាំងពាំនាំ យកនូវរបស់របរ នំនែកគ្រឿងផ្សេងៗ ជូនដល់ឪពុកម្តាយ លោកតា លោកយាយ ព្រមទាំងសាច់ញាតិ ដើម្បីបង្កើតបរិយាកាសសប្បាយរីករាយទាំងអស់គ្នា ក្នុងឆ្នាំថ្មីនេះផងដែរ ។
ចែករំលែកព័តមាននេះ