កាលពីថ្ងៃចន្ទកន្លងមក ក្រុមហ៊ុនយន្តហោះមួយ បានចាប់អូសអ្នកដំណើររបស់ខ្លួនម្នាក់ចេញពីលើកៅអីអង្គុយ ព្រោះតែមានបញ្ហាកក់សំបុត្រយន្តហោះលើសចំណុះ ។ បុគ្គលិកបម្រើការលើយន្តហោះនោះបាននិយាយថា ដោយសារតែបុរសម្នាក់នេះ ជាមនុស្ស
កាលពីថ្ងៃចន្ទកន្លងមក ក្រុមហ៊ុនយន្តហោះមួយ បានចាប់អូសអ្នកដំណើររបស់ខ្លួនម្នាក់ចេញពីលើកៅអីអង្គុយ ព្រោះតែមានបញ្ហាកក់សំបុត្រយន្តហោះលើសចំណុះ ។ បុគ្គលិកបម្រើការលើយន្តហោះនោះបាននិយាយថា ដោយសារតែបុរសម្នាក់នេះ ជាមនុស្សដែលឆេវឆាវនិយាយមិនស្តាប់គ្នា ទើបសម្រេចចិត្តធ្វើបែបនេះ ។
យោងតាមសារព័ត៌មាន Yahoo News បានឲ្យដឹងថា ជើងយន្តហោះ មានទិសដៅពី Chicago ឆ្ពោះទៅកាន់ Louisville បានទទួលសំបុត្រកក់លើសចំណុះ ។ ដើម្បីដោះស្រាយបញ្ហា គេបានជ្រើសរើសអាទិភាពអ្នកដំណើរតាមប្រព័ន្ធកុំព្យូទ័រ ។ ចុងក្រោយ បុរសដែលរងគ្រោះ ត្រូវតម្រូវឲ្យចាកចេញពីយន្តហោះ តែលោកមិនព្រម ។
បុរសខាងលើ មានមុខរបរជាគ្រូពេទ្យបាននិយាយថា ខ្លួនត្រូវប្រញាប់ទៅដល់ Louisville ឱ្យបាននៅពេលព្រឹក ដើម្បីទៅជួបអ្នកជំងឺរបស់គាត់ ។ ប៉ុន្តែហេតុការណ៍មិនល្អ្ យន្តហោះត្រូវមានបញ្ហាកក់សំបុត្រលើសចំណុះ ហើយគេក៏បណ្តេញលោកចេញដោយអូសចេញពីយន្តហោះ និងបានបង្កឲ្យមានស្នាមរបួសរហូតមានឈាមទៀតផង។
ទង្វើនេះ បានធ្វើឲ្យអ្នកដំណើរគ្រប់រូបនៅលើយន្តហោះ សម្តែងភាពមិនពេញចិត្តគ្រប់គ្នា ដោយគេគិតថា នេះគឺជាអំពើមួយយ៉ាងព្រៃផ្សៃ ដោយសារក្រុមហ៊ុនយន្តហោះ អូសអ្នកដំណើរចេញបែបនេះ ។
ចែករំលែកព័តមាននេះ