រាជធានីភ្នំពេញ ៖ អ្នកសិល្បៈ ចាស់ៗចំនួន៤រូប ស្ថិតក្នុងបញ្ជីអ្នកសិល្បៈដែលមានជីវភាពដុនដាបខ្លាំងជាងគេ ។
យោងតាមបញ្ជីឈ្មោះអ្នកសិល្បៈក្រីក្រដែលផ្តល់ដោយលោកអឹុម ជីវ៉ា ក្រុមប្រឹក្សាភិបាលរបស់សមាគមសិល្បករខ្មែរឲ្យដឹងថា
រាជធានីភ្នំពេញ ៖ អ្នកសិល្បៈ ចាស់ៗចំនួន៤រូប ស្ថិតក្នុងបញ្ជីអ្នកសិល្បៈដែលមានជីវភាពដុនដាបខ្លាំងជាងគេ ។
យោងតាមបញ្ជីឈ្មោះអ្នកសិល្បៈក្រីក្រដែលផ្តល់ដោយលោកអឹុម ជីវ៉ា ក្រុមប្រឹក្សាភិបាលរបស់សមាគមសិល្បករខ្មែរឲ្យដឹងថា តាមការស្រង់ទិន្ន័យដំបូងមានអ្នកសិល្បៈប្រមាណ៣០រូប ស្ថិតក្នុងបញ្ជីឈ្មោះអ្នកក្រីក្រក្នុងនោះ៤រូបក្រីក្រជាងគេ ។ អ្នកសិល្បៈដែលស្ថិតនៅក្នុងបញ្ជីក្រីក្រទាំង៣០រូបនោះបានជំនួយសប្បុរសធម៌ ក្នុងកម្មវិធីកតញ្ញូរាត្រីដែលរៀបចំដោយសមាគមអ្នកសិល្បៈ កាលពីថ្ងៃទី៦ ខែមេសា ឆ្នាំ២០១៧ ។
បើតាមលោកអឹុម ជីវ៉ា សិល្បករ ស្ថិតក្នុងជីវភាពក្រលំបាកជាងគេមានលោកតាហ៊្វុយ ហ្សូ,អ្នកគ្រូង៉ែត រ៉ាវី,លោកតាប៉ិ គក់ និងព្រឹទ្ធាចារ្យប្រាជ្ញ ឈួន ។
តារាកំប្លែងលោកតាហ៊្វុយ ហ្សូ ធ្លាក់ខ្លួនឈឺ និងកំពុងជួបការលំបាកផ្នែកជីវភាព ក្នុងពេលគាត់មានភារកិច្ចចិញ្ចឹមបីបាច់ថែរក្សាកូនសិស្សដែលហាត់រៀននៅក្នុងក្លឹបរបស់គាត់ផងដែរ ។
ចំណែកអ្នកគ្រូង៉ែត រ៉ាវី ជាតារាសម្តែង អ្នកដឹកនាំរឿង និងគ្រូសិល្បៈផងនោះ ធ្លាក់ខ្លួនឈឺ ហើយកំពុងត្រូវការប្រាក់ជាចាំបាច់ ដើម្បីព្យាបាល និងថែទាំសុខភាព ក្នុងពេលដែលអ្នកគ្រូស្ទើរតែបាត់បង់សមត្ថភាពប្រកបអាជីពសិល្បៈទៅហើយនោះ។
ដោយឡែកតារាកំប្លែងលោកតាប៉ិគក់ កំពុងតែញាំញីដោយជំងឺ ខណៈពេលគាត់កំពុងស្នាក់អាស្រ័យក្នុងផ្ទះជួលមួយ និងគ្មានកូនចៅចិញ្ចឹមទេ ។
តារាកំប្លែងលោកតាប៉ិគក់ មានជំងឺពកឆ្អឹងខ្នង ត្រូវវះកាត់ ប៉ុន្តែដោយសារជីវភាពក្រីក្រមិនមានលទ្ធភាព ទើបជំងឺរបស់គាត់បានអូសបន្លាយរហូតដល់បច្ចុប្បន្ន ខណៈពេលគាត់បានចាកឆ្ងាយពីអាជីពសិល្បៈជិត១០ឆ្នាំមកហើយ ។
ចំណែកព្រឹទ្ធាចាប៉ីដងវែងដ៏ល្បីល្បាញលោកតាប្រាជ្ញ ឈួន ស្ថិតក្នុងសភាពចាស់ជរា និងញាំញីដោយជំងឺ ហើយកំពុងស្ថិតក្នុងស្ថានភាពលំបាកខាងផ្នែកជីវភាពនៅស្រុកកំណើតស្រុងទ្រាំង ខេត្តតាកែវ ។
បញ្ជីឈ្មោះអ្នកសិល្បៈក្រីក្រដែលស្រង់ដោយលោកអឹុម ជីវ៉ា ក្នុងជំហានដំបូងមាន១-នាយប៉ិគួក តារាកំប្លែង, ២-នាយស្មាញ តារាកំប្លែង, ៣-នាយគ្រោង តារាកំប្លែង, ៤-នាយសង់ស៊ីស តារាកំប្លែង, ៥-នាយចេក តារាកំប្លែង, ៦-នាយផ្លយ តារាកំប្លែង, ៧-នាយព្រីង តារាកំប្លែង, ៨-នាយឆើត តារាកំប្លែង, ៩-នាយវីតាមីនសេ តារាកំប្លែង, ១០-លោកយាយណយ សំណាង តារាកំប្លែង ។ ១១-ស្មៀនផ្លុង មឿក អ្នកចម្រៀងអាយ៉ៃ, ១២-លោកតាប្រាជ្ញ ឈួន អ្នកចម្រៀងចាប៉ីដងវែង, ១៣-លោកតាគង់ ណៃ អ្នកចម្រៀងចាប៉ីដងវែង, ១៤-ស្មៀនប៉េ អ្នកចម្រៀងចាប៉ីដងវែង, ១៥-លោកនូ ស៊ិប អ្នកចម្រៀង, ១៦-លោកយាយស៊ិន សូម៉ាដឹកឆូ គ្រូល្ខោនខោល, ១៧-លោកយិន សារិន អ្នកចម្រៀងបុរាណ, ១៨-លោកតាសួន សាន អ្នកចម្រៀងចាប៉ីដងវែង, ១៩-លោកតាអ៊ុំ ដរា តន្ត្រីករវីយូឡុង, ២០-លោកយាយ ញឹម សុខា ។ ២១-លោកយាយផល្លា តារាសម្តែង,២២-លោកតាវែង តារាសម្តែង,២៣-លោកតាសារី តារាសម្តែង,២៤-លោកយាយវែង តារាសម្តែង,២៥-នាយគ្រៀវ តារាកំប្លែង,២៦-លោកសួស សងវាចា តារាចម្រៀង,២៧-អ្នកគ្រូងែត រ៉ាវី,២៨-អ្នកគ្រូយូ កុសល,២៩-អ្នកគ្រូសុខ លី និង៣០-លោកប៊ូ សារ៉ាត់ ៕
ចែករំលែកព័តមាននេះ