រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បាន អះអាងថា ករណីស្ត្រីម្នាក់ដែលយកស្បែកជើងគប់លើរូបថ្នាក់ដឹកនាំប្រទេសត្រូវ
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បាន អះអាងថា ករណីស្ត្រីម្នាក់ដែលយកស្បែកជើងគប់លើរូបថ្នាក់ដឹកនាំប្រទេសត្រូវទទួលខុសត្រូវចំពោះមុខច្បាប់ ។
លោក សុខ ឥសាន បានឲ្យដឹងនៅថ្ងៃទី១០មេសាថា កាលពីពេលថ្មីៗនេះ តាមរយៈវីដេអូគ្លីបមួយបានបង្ហាញសកម្មភាពរបស់ស្ត្រីម្នាក់បានយកស្បែកជើងរបស់ខ្លួនគប់ចំនួន ពីរដងលើរូបសម្តេចតេជោ ហ៊ុន សែននិង សម្តេច ហេង សំរិន។ លោកបញ្ជាក់ថា«សកម្មភាពអសីលធ៌មរបស់ស្ត្រីរូបនេះ ឆ្លុះបញ្ចាំងពីចរិតអសីលធ៌ម និងប្រមាថដោយចេតនាលើថ្នាក់ដឹកនាំកំពូលរបស់ប្រទេស ដែលចាំបាច់ត្រូវទទួលខុសត្រូវចំពោះមុខច្បាប់ជាធរមាន» ។
ករណីនេះដែរ ព្រះរាជអាជ្ញាអមសាលាដំបូងខេត្តកំពង់ស្ពឺ លោក កែវ សុធា កាលពីថ្ងៃទី០៩ មេសា បានចេញដីកាកោះហៅសកម្មជនគណបក្សប្រឆាំងម្នាក់ឲ្យចូលខ្លួនឆ្លើយបំភ្លឺនៅចំពោះមុខមន្ត្រីនគរបាលយុត្តិធម៌នៃស្នងការដ្ឋាននគរបាលខេត្តកំពង់ស្ពឺ ឲ្យបានមុនថ្ងៃទី០៨ មិថុនា ២០១៧ខាងមុខនេះ ពាក់ព័ន្ធនឹងបទប្រមាថ និងញុះញង់ឲ្យមានការរើសអើង។ ស្ត្រីដែលគេអះអាងថាជាសកម្មជនបក្សប្រឆាំងនិងត្រូវបានតុលាការកោះហៅនោះឈ្មោះ សំ សុខា អាយុ៣៨ឆ្នាំ ស្នាក់នៅភូមិត្រស់សាលា សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ៕
ចែករំលែកព័តមាននេះ