ប្រទេសថៃ ៖ ក្រុមហ៊ុនប្រឹក្សាយោបល់អចលនទ្រព្យ Knight Frank Thailand ចង់លក់ផ្ទះក្នុងទីក្រុងឡុងដ៍ចំនួន៣០យូនីត ដែលមានតម្លៃសរុបជិត២ប៊ីលានបាតទៅអតិថិជនថៃឆ្នាំនេះ ដែល
ប្រទេសថៃ ៖ ក្រុមហ៊ុនប្រឹក្សាយោបល់អចលនទ្រព្យ Knight Frank Thailand ចង់លក់ផ្ទះក្នុងទីក្រុងឡុងដ៍ចំនួន៣០យូនីត ដែលមានតម្លៃសរុបជិត២ប៊ីលានបាតទៅអតិថិជនថៃឆ្នាំនេះ ដែលច្រើនជាងការលក់ក្នុងឆ្នាំមុន១២យូនីត មានតម្លៃសរុប៧២០លានដុល្លារ ព្រោះតែមានតម្រូវការដ៏រឹងមាំពីឪពុកម្តាយ និងអតិថិជនចង់វិនិយោគ ។
លោក Frank Khan នាយកប្រតិបត្តិ និងប្រធានផ្នែកលំនៅឋាននៃក្រុមហ៊ុនខាងលើ និយាយថា ចំនួនអតិថិជនថៃកំពុងស្វែងរកអចលនទ្រព្យក្នុងទីក្រុងឡុងដ៍ បានកើនឡើងតាំងពីឆ្នាំមុន ព្រោះតែការធ្លាក់ចុះនៃតម្លៃប្រាក់ផោន២០% បើធៀបនឹងប្រាក់បាត ។ លោកថា ៖ «តម្រូវការក្នុងឆ្នាំមុន គឺមកពីឪពុកម្តាយស្វែងរកផ្ទះសម្រាប់កូនៗទៅសិក្សានៅទីនោះ និងអតិថិជនវិនិយោគចង់មានឱកាសរកប្រាក់ចំណេញពីការធ្លាក់ចុះនៃតម្លៃរូបិយវត្ថុទាប ។ និន្នាការនេះនឹងបន្តក្នុងឆ្នាំនេះផងដែរ » ។
យោងតាមសេចក្តីរាយការណ៍របស់ Independent School Councils and Knight Frank ក្នុងឆ្នាំ២០១៧ ឲ្យដឹងថា ចំនួនសិស្សថៃចាប់ផ្តើមការសិក្សាឆ្នាំ២០១៥-២០១៦ ក្នុងសាលាឯកជននៅចក្រភពអង់គ្លេស សរុបមាន៣.០០៣នាក់ ឬកើនឡើង២១៤% ពីចំនួន១៣៥នាក់ក្នុងឆ្នាំសិក្សា២០០៥-២០០៦ ។
ចំនួនជនជាតិថៃបានកើនឡើងច្រើនជាងគេក្នុងអំឡុងពេលនោះ បន្ទាប់មកពីជនជាតិចិនកើនឡើង១៩១% ស្មើ២.៩២៤នាក់ ។ ការលូតលាស់នៃចំនួនសិស្សរុស្ស៊ី គឺទទួលបានចំណាត់ថ្នាក់លេខ៣ កើនឡើង១២០% ស្មើ៧៥៣នាក់ និងសិស្សមកពីមជ្ឈិមបូព៌ាកើនឡើង៩១% ស្មើ៣៦៣នាក់ ។
កាលពីឆ្នាំមុន Knight Frank បានលក់ផ្ទះ១២យូនីតក្នុងក្រុងឡុងដ៍ទៅឲ្យអតិថិជនថៃ រួមមាន អាផាតមិនចំនួន៩ នៅក្រុងឡុងដ៍កណ្តាល ដែលមានតម្លៃពី៨០ម៉ឺនផោន ទៅ២,៥លានផោន ដោយតម្លៃមធ្យមស្មើ១,២លានផោន ។ មានផ្ទះផ្ទាល់ដីចំនួន៣ទៀតនៅក្រៅក្រុងឡុងដ៍ ដែលមានតម្លៃ២លានផោនក្នុង១ខ្នង ។
កាលពីឆ្នាំ២០១៥ ពួកគេបានលក់ផ្ទះតែ៣ខ្នងប៉ុណ្ណោះ មានតម្លៃ២លានផោនក្នុង១ខ្នង។ កត្តាជំរុញការលក់ក្នុងឆ្នាំមុន គឺ Brexit ដែលបានធ្វើឲ្យតម្លៃប្រាក់ផោនធ្លាក់ចុះ ។
លោក Khan និយាយថា ៖ « បន្ទាប់ពីការបោះឆ្នោត Brexit មានជនជាតិអឺរ៉ុបជាច្រើនដែលមានអចលនទ្រព្យក្នុងទីក្រុងឡុងដ៍ចង់ចាកចេញពីទីក្រុងនេះ និងចង់លក់ចេញឲ្យបានឆាប់ៗ » ។
តម្លៃទីផ្សារអចលនទ្រព្យធំជាងគេរបស់ពិភពលោកនេះ គឺទទួលបានការលូតលាស់ទាបជាងមុនក្នុងឆ្នាំ២០១៦ គឺកើនឡើងតែ ១,៤%ប៉ុណ្ណោះជាមធ្យម និងតិចជាងឆ្នាំ២០១៥ ដែលលូតលាស់បាន១,៨% ។
នៅទីក្រុងបាងកក តម្លៃផ្ទះក្នុងតំបន់សំខាន់ៗបានកើនឡើង៤% និងជាប់ចំណាត់ថ្នាក់លេខ២០ ជាទីក្រុងធំៗទាំង១០០ ខណៈតម្លៃផ្ទះនៅ Phuket កើនឡើង០,៥២% និងជាប់ចំណាត់ថ្នាក់លេខ៥៤ ។
ការលូតលាស់ច្រើនជាងគេនៃផ្ទះក្នុងតំបន់សំខាន់ៗរួមមាន សៀងហៃកើនឡើង២៧,៤%, ប៉េកាំងកើនឡើង២៦,៨%, Guangzhou កើនឡើង២៦,៦%, សេអ៊ូល កើនឡើង១៦,៦% និង Auckland កើនឡើង១៦% ៕
ចែករំលែកព័តមាននេះ