រាជធានីភ្នំពេញ ៖ សេចក្តីរាយការណ៍ឱ្យដឹងថា មនុស្ស២នាក់ស្លា.ប់ និង៥នាក់ទៀតរងរបួសធ្ងន់-ស្រាល ក្នុងហេតុការណ៍ផ្ទុះឡបំពង់ខ្យល់ សម្រាប់បញ្ចេញកំដៅដ៏ធំមួយ ស្ថិតនៅចំណុចរោងសិប្បកម្មពុម្ភសម្លៀកបំពាក់មួយកន្លែងគ្មានឈ្មោះ ស្ថិតក្នុងភូមិប្ញស្សី សង្កាត់ស្ទឹងមានជ័យ ខណ្ឌមានជ័យ កើតឡើងកាលពីវេលាម៉ោង១០ និង៣០នាទីព្រឹកថ្ងៃទី០៨ មេសា នេះ ។
រាជធានីភ្នំពេញ ៖ សេចក្តីរាយការណ៍ឱ្យដឹងថា មនុស្ស២នាក់ស្លាប់ និង៥នាក់ទៀតរងរបួសធ្ងន់-ស្រាល ក្នុងហេតុការណ៍ផ្ទុះឡបំពង់ខ្យល់ សម្រាប់បញ្ចេញកំដៅដ៏ធំមួយ ស្ថិតនៅចំណុចរោងសិប្បកម្មពុម្ភសម្លៀកបំពាក់មួយកន្លែងគ្មានឈ្មោះ ស្ថិតក្នុងភូមិប្ញស្សី សង្កាត់ស្ទឹងមានជ័យ ខណ្ឌមានជ័យ កើតឡើងកាលពីវេលាម៉ោង១០ និង៣០នាទីព្រឹកថ្ងៃទី០៨ មេសា នេះ ។
ប្រភពឱ្យដឹងថា ជនរងគ្រោះស្លាប់ទាំង២នាក់ ម្នាក់ឈ្មោះសឿត ផល ភេទប្រុស អាយុ២៦ឆ្នាំ ជាសន្តិសុខយាមរោងចក្រ មានស្រុកកំណើតនៅភូមិបឹងខ្នារ ឃុំបឹងខ្នារ ស្រុកបាកាង ខេត្តពោធិ៍សាត់ និងម្នាក់ទៀតឈ្មោះគង់ ផាន្នី ភេទស្រី អាយុ៦១ឆ្នាំ ជាអ្នកអនាម័យ ។ ដោយឡែក ជនរងគ្រោះប្រុស-ស្រី៥នាក់ទៀតរបួស ត្រូវបញ្ចូនទៅសង្គ្រោះនៅមន្ទីរពេទ្យផ្សេងៗគ្នា ពុំត្រូវស្គាល់អត្តសញ្ញាណឡើយ ។
មន្ត្រីសមត្ថកិច្ចឱ្យដឹងថា ម្ចាស់ទីតាំងខាងលើ ឈ្មោះហៀក ធា ភេទស្រី អាយុ២៩ឆ្នាំ មានទីលំនៅក្នុងសង្កាត់វាលវង់ ខណ្ឌ៧មករា ដែលនារីជាម្ចាស់ទីតាំងមានភាគហ៊ុនជាមួយជនជាតិចិនម្នាក់ ស្នាក់នៅឯប្រទេសចិន ។
តាមប្រភពឱ្យដឹងថា មុនពេលមានការហេតុការណ៍ផ្ទុះនេះ មានក្រុមកម្មករដែលធ្វើការសរុបនៅទីតាំងខាលើប្រមាណជាង២០នាក់ ដែលនាំគ្នាចាកចេញទៅរកបាយទឹកអស់ហើយ នៅសល់តែ៦ទៅ៧នាក់ រួមទាំងអ្នកអនាម័យ និងសន្តិសុខ កំពុងបង្ហើយការងារ ។ខណៈនោះ បំពង់ឡខ្យល់ទាំង២បំពង់ មិនទាន់ត្រូវបានបន្ថយភ្លើងកំដៅភ្លើងអុសនៅឡើយ ក៏បណ្តាលឱ្យឡមួយក្នុងចំណោមឡទាំង២ត្រូវផ្ទុះតែម្តង បណ្តាលឱ្យបញ្ចេញកម្លាំងខ្យល់ដ៏ខ្លាំងផ្ទុកនៅក្នុងឡ ប៉ើងយុវជនជាសន្តិសុខដែលកំពុងឈរយាមនៅក្បែរឡខ្ទាតផ្ទប់ទៅនឹងជញ្ចាំងរបងថ្មបែកក្បាលស្លាប់យ៉ាងអាណោចអាធ័ម ។
រីឯមនុស្សចំនួន៦នាក់ផ្សេងទៀតនៅក្បែរទីនោះ ក៏ត្រូវខ្ទាតបំណែកឡប៉ះចំខ្លួនប្រាណរងរបួសធ្ងន់ស្រាលផងដែរ ប៉ុន្តែក្នុងនោះលោកយាយចំណាស់ម្នាក់ ត្រូវរងរបួសខ្ទេចជើងទាំង២ និងត្រូវបានស្លាប់ពេលបញ្ចូនទៅសង្គ្រោះដល់មន្ទីរពេទ្យរុស្ស៊ី ។ ចំណែករបងថ្ម ដំបូលដែក និងសម្ភារមួយចំនួនធំត្រូវរងការខូចខាត ។
បើតាមសម្តីរៀបរាប់របស់នារីជាម្ចាស់ទីតាំងឱ្យដឹងថា ឡនេះគឺប្រើសម្រាប់រំហួតយកកម្តៅខ្យល់ ដើម្បីពុម្ភសម្លៀកបំពាក់ឱ្យស្ងួតស្អាត និងខោអាវខ្លះ អាចលាយឡំពណ៌ចូលគ្នាបានស្អាតល្អ ។ ដោយឡនេះ គេប្រើប្រាស់កំដៅភ្លើងអុស លាយលំជាមួយទឹកបន្តិច និងចរន្តអគ្គីសនី ភ្ជាប់ជាមួយកង្ហារ ដើម្បីបក់ភ្លើងឱ្យឆាបឆេះខ្លាំង ក្នុងការបង្កើនកម្តៅខ្យល់ឱ្យកាន់តែខ្លាំង ។
សូមបញ្ជាក់ថា ក្រោយកើតហេតុ នារីជាម្ចាស់ទីតាំងត្រូវបានសមត្ថកិច្ចនាំខ្លួនយកទៅកាន់ប៉ុស្តិ៍រដ្ឋបាលនគរបាល ដើម្បីសាកសួរនាំព័ត៌មានបន្ថែម ។
ជុំវិញករណីខាងលើនេះ លោកហ៊ុយ វីរៈ នាយករដ្ឋបាលសាលាខណ្ឌឱ្យដឹងថា ក្រោយការពិនិត្យយ៉ាងល្អិតល្អន់ឃើញថា ទីតាំងសិប្បកម្មនេះ ពុំមានច្បាប់អនុញ្ញាតត្រឹមត្រូវពីមន្ទីរជំនាញ ឬក្រសួងពាក់ព័ន្ធឡើយ ដូច្នេះហើយ ក្រោយសមត្ថកិច្ចពិនិត្យវិច្ច័យរួចរាល់ អាជ្ញាធរនឹងសម្រេចបិទទីតាំងអាជីវកម្មនេះ ជាបណ្តោះអាសន្នសិន ។
ចែករំលែកព័តមាននេះ