រាជធានីភ្នំពេញ ៖ មហាសង្ក្រាន្តឆ្នាំថ្មីឆ្នាំនេះ នឹងចូលមកដល់នៅថ្ងៃសុក្រ ៣រោច ខែចែត្រ ត្រូវនឹងថ្ងៃទី១៤ មេសា វេលាម៉ោង០៣ និង១២នាទីទៀបភ្លឺ ដែលជាការប្តូរវេនពីឆ្នាំវក ចូលឆ្នាំរកា តាមដំណើរចន្ទគតិ ។
រយៈពេល៣ថ្ងៃ គិតចាប់ពីថ្ងៃទី១៤-១៦ មេសា នៃពិធីបុណ្យប្រពៃណីជាតិ រដ្ឋបាលរាជធានីភ្នំពេញ បានរៀបចំសង្ក្រាន្ត ទទួលទេវតាឆ្នាំថ្មី នៅរមណីយដ្ឋានវត្តភ្នំ ជាមួយនឹងការរៀបចំឱ្យមាននូវល្បែងប្រជាប្រិយខ្មែរចំនួន១៦ប្រភេទ ដើម្បីបង្កលក្ខណៈជូនពលរដ្ឋក្នុងរាជធានី ដែលមិនបានចាកចេញទៅស្រុកកំណើត និងទេសចរណ៍បរទេសចូលរួមលេងកម្សាន្តសប្បាយ ។
ទន្ទឹមគ្នានេះ កម្លាំងចម្រុះ ក៏នឹងត្រូវដាក់ពង្រាយនៅតាមគោលសំខាន់ៗជាពិសេស ទីវត្តអារាម រមណីយដ្ឋាន សួនកម្សាន្ត ដើម្បីបង្កលក្ខណៈជូនប្រជាពលរដ្ឋដោយសប្បាយរីករាយ ។
ចែករំលែកព័តមាននេះ