«The Guardina» របស់អង់គ្លេស កាលពីពេល ថ្មីៗកន្លងមកផ្សាយថា អ្នកវិទ្យាសាស្ដ្រជនជាតិបារាំងនៅវិទ្យាស្ថានវេជ្ជសាស្ដ្រផ្នែកអវកាស និងការប្រតិបត្ដិរបស់អវយវៈនៃរាងកាយ«MEDES» បានប្រកាសរើសបុរសអាយុពី២០ទៅ៤៥ឆ្នាំ ចំនួន២៤នាក់
«The Guardina» របស់អង់គ្លេស កាលពីពេល ថ្មីៗកន្លងមកផ្សាយថា អ្នកវិទ្យាសាស្ដ្រជនជាតិបារាំងនៅវិទ្យាស្ថានវេជ្ជសាស្ដ្រផ្នែកអវកាស និងការប្រតិបត្ដិរបស់អវយវៈនៃរាងកាយ«MEDES» បានប្រកាសរើសបុរសអាយុពី២០ទៅ៤៥ឆ្នាំ ចំនួន២៤នាក់ ដើម្បី «ស៊ីដេក» និងប្រតិបត្ដិគ្រប់យ៉ាងក្នុងជីវិតប្រចាំថ្ងៃនៅលើគ្រែរយៈពេល២ខែ ដោយទទួលប្រាក់ឈ្នួល១៦.០០០អឺរ៉ូក្នុងមួយ
ខែ ។
ការជ្រើសរើសនេះ គឺជាផ្នែកមួយក្នុងការសាកល្បងស្ថានភាពបរិយាកាសដែលគ្មានកម្លាំងទំនាញ«Microgravity» ។ អ្នកដែលទទួលការជ្រើសរើសជាបុរសមានសុខភាពល្អអាយុពី២០ទៅ៤៥ឆ្នាំ មិនជក់បារី មិនធ្លាប់ពុលឡាន ឬចាញ់អាកាសធាតុ ។ នៅមុនពេលចូលទៅធ្វើការងារ ពួកគេត្រូវចូលទទួលបទពិសោធន៍រយៈពេល២សប្ដាហ៍ជាបុរសសិន ។
លោកសាស្ដ្រាចារ្យអាណាល ប៊េក អ្នកប្រតិបត្ដិនៃគម្រោងការនោះឱ្យដឹងថា ការជួលមនុស្សនេះ គឺជាផ្នែកមួយក្នុងការសាកល្បងដកបទពិសោធន៍ពីស្ថានភាពគ្មានកម្លាំងទំនាញដែលអ្នកអវកាសបានជួបក្នុងស្ថានីយអាវកាសអន្ដរជាតិ(ISS) ។ ក្រុមអ្នកស្ម័គ្រត្រូវប្រតិបត្ដិការងារនានា ក្នុងជីវិតប្រចាំថ្ងៃស្ថិតក្នុងឥរិយាបទដេក ហាមអើតក្បាលលើសពីមុំ៦អង្សា ឬប្រសិនបើកម្រិតបន្ដិចត្រូវឱ្យស្មាម្ខាសាប់នឹងគ្រែ ។
ក្នុងរយៈពេល២សប្ដាហ៍នៃការសាកល្បងនេះជាអំឡុងពេលលើកកម្ពស់រាងកាយ និងស្មារតីដើម្បីត្រួតពិនិត្យថា តើការមិនបានយកជើងទៅប៉ះដីក្នុងរយៈពេល២ខែនេះនឹងមានសភាពបែបណា ?អ្នកវិទ្យាសាស្ដ្រនឹងឃ្លាំមើលការខាតបង់ជាយថាហេតុទៅលើរាងកាយ ដើម្បីអភិវឌ្ឍពីវិធីសាស្ដ្រការពារបន្ដទៀត ៕
ចែករំលែកព័តមាននេះ