ខេត្តមណ្ឌលគិរី ៖ សេចក្តីរាយការណ៍ឱ្យដឹងថា កាលពីវេលាម៉ោង០៩ និង១០នាទីព្រឹកថ្ងៃទី០៧ មេសា នេះ ករណីគ្រោះថ្នាក់ចរាចរណ៍មួយ ដោយម៉ូតូដឹកឈើដួលដោយខ្លួនឯង ស្ថិតត្រង់ចំណុចទំនប់ក្រោម ក្នុងភូមិជ្រៃសែន សង្កាត់មនោរម្យ ក្រុងសែនមនោរម្យ បណ្តាលឱ្យអ្នកបើកបរ រងរបួសត្រង់ក្បាលធ្ងន់ ក្រោយមកបានស្លា.ប់នៅមន្ទីរពេទ្យ ។
ខេត្តមណ្ឌលគិរី ៖ សេចក្តីរាយការណ៍ឱ្យដឹងថា កាលពីវេលាម៉ោង០៩ និង១០នាទីព្រឹកថ្ងៃទី០៧ មេសា នេះ ករណីគ្រោះថ្នាក់ចរាចរណ៍មួយ ដោយម៉ូតូដឹកឈើដួលដោយខ្លួនឯង ស្ថិតត្រង់ចំណុចទំនប់ក្រោម ក្នុងភូមិជ្រៃសែន សង្កាត់មនោរម្យ ក្រុងសែនមនោរម្យ បណ្តាលឱ្យអ្នកបើកបរ រងរបួសត្រង់ក្បាលធ្ងន់ ក្រោយមកបានស្លាប់នៅមន្ទីរពេទ្យ ។
ជនរងគ្រោះឈ្មោះនៅ រឿន ភេទប្រុស អាយុ៤១ឆ្នាំ ជាកសិករ រស់នៅក្នុងភូមិចំបក់ សង្កាត់ស្ពានមានជ័យ ក្រុងសែនមនោរម្យខេត្តមណ្ឌលគិរី ។
ប្រភពអ្នកឃើញហេតុការណ៍ថា ជនរងគ្រោះបានដឹកឈើនឹងម៉ូតូ ដែលឈើជាប្រភេទធ្នង់ មានប្រវែងប្រហែល២ម៉ែត្រ ដឹកចេញពីក្នុងភូមិពូត្រុំ ។ លុះពេលមកដល់ចំណុចកើតហេតុខាងលើ ជនរងគ្រោះបានងាកក្រោយ ហាក់បីដូចជាមានអ្នកណាម្នាក់ ហៅពីក្រោយ ទើបជនរងគ្រោះដួលម៉ូតូ ហើយឈើបានបោកត្រូវចំក្បាល ។
បន្ទាប់មក អ្នកដែលឃើញហេតុការណ៍បានហៅឡានសាមុយរបស់ពេទ្យបង្អែក ក្រុងសែនមនោរម្យ មកដឹកជនរងគ្រោះទៅសង្គ្រោះបន្ទាន់ ។ ក្រោយពីបញ្ជូនជនរងគ្រោះដល់មន្ទីពេទ្យបង្អែកក្រុងសែនមនោរម្យ ត្រូវក្រុមគ្រូពេទ្យប្រឹងជួយសង្គ្រោះអស់លទ្ធភាពដែរ តែជនរងគ្រោះនៅតែមិនអាចរស់ ។
ហើយសពត្រូវបានក្រុមគ្រួសារដឹកយកទៅធ្វើបុណ្យតាមប្រពៃណី៕
ចែករំលែកព័តមាននេះ