អាមេរិក ៖ តាមប្រភពពី Metro ឱ្យដឹងថា ក្រុមអ្នកវិទ្យាសាស្ត្រនៅសាកលវិទ្យាល័យ California San Diego នាពេលនេះកំពុងធ្វើការសិក្សាទៅលើថ្នាំវ៉ាក់សាំងមុន ដែលវាមានសមត្ថភាពប្រឆាំងនឹងសារធាតុពុលបញ្ចេញដោយបាក់តេរី ដែលធ្វើឱ្យកើតមុននោះ ។
អាមេរិក ៖ តាមប្រភពពី Metro ឱ្យដឹងថា ក្រុមអ្នកវិទ្យាសាស្ត្រនៅសាកលវិទ្យាល័យ California San Diego នាពេលនេះកំពុងធ្វើការសិក្សាទៅលើថ្នាំវ៉ាក់សាំងមុន ដែលវាមានសមត្ថភាពប្រឆាំងនឹងសារធាតុពុលបញ្ចេញដោយបាក់តេរី ដែលធ្វើឱ្យកើតមុននោះ ។
អ្នកដឹកនាំការស្រាវជ្រាវ លោក Eric C. Huange បានឱ្យដឹងថា ជំងឺមុនមួយផ្នែក កើតឡើងដោយសារបាក់តេរី P.acnes ដែលវាជាបាក់តេរីរស់នៅជាមួយយើងរហូតដល់ថ្ងៃយើងស្លាប់ ។ យើងមិនអាចបង្កើតវ៉ាក់សាំង ដើម្បីសម្លាប់វាបានតែម្តងទេ ព្រោះបាក់តេរីនេះ វាមានប្រយោជន៍ដល់យើងដែរ ។
លោកបន្តថា តែយើងបានរកឃើញអង់ទីក័រ សម្រាប់ប្រឆាំងនឹងសារធាតុពុល ដែលបាក់តេរីនោះបញ្ចេញទៅលើស្បែករបស់យើង។ សារធាតុពុលនោះហើយ ដែលធ្វើឲ្យស្បែកយើងរលាកក្រហមឡើងទៅជាមុន ។ និយាយជារួម គឺអង់ទីក័រនេះ អាចការពារមិនឱ្យបង្កជាមុន ដោយសារតែបាក់តេរីនោះ តែមិនសម្លាប់វាទេ។
មកដល់ពេលនេះ វាមានប្រសិទ្ធភាពទៅលើស្បែកដែលអ្នកវិទ្យាសាស្ត្រច្រឹបពីអ្នកកើតជំងឺមុន។ នៅជំហានបន្ទាប់ គេនឹងធ្វើវានៅលើអ្នកជំងឺដោយផ្ទាល់ ។ សង្ឃឹមថា វាជាដំណឹងល្អ សម្រាប់អ្នកកើតមុនទាំងអស់គ្នា ។
ចែករំលែកព័តមាននេះ