គ្រាប់ពេជ្រថ្លៃជាងគេបំផុតលើពិភពលោក
ហុងកុង៖ តាមប្រភពព័ត៌មាន Metro បានឲ្យដឹងថា គ្រាប់ពេជ្រពណ៌ផ្កាឈូកមួយគ្រាប់ក្លាយទៅជាគ្រាប់ពេជ្រថ្លៃជាងគេបំផុតលើពិភពលោកនាពេលបច្ចុប្បន្ន។
វាត្រូវបានគេលក់ចេញបានសម្រេចនៅក្នុងតម្លៃ
ហុងកុង៖ តាមប្រភពព័ត៌មាន Metro បានឲ្យដឹងថា គ្រាប់ពេជ្រពណ៌ផ្កាឈូកមួយគ្រាប់ក្លាយទៅជាគ្រាប់ពេជ្រថ្លៃជាងគេបំផុតលើពិភពលោកនាពេលបច្ចុប្បន្ន។
វាត្រូវបានគេលក់ចេញបានសម្រេចនៅក្នុងតម្លៃ៧១.២លានដុល្លារសហរដ្ឋអាមេរិក។ គេហៅវាថា «Pink Star! ឬ «តារាផ្កាឈូក» ដែលដំបូងគេរំពឹងថា វានឹងលក់បានក្នុងតម្លៃ៦០លានដុល្លារ។
មានមនុស្ស៣នាក់ ជាអ្នកចូលរួមដេញថ្លៃតាមប្រព័ន្ធទូរស័ព្ទអស់រយៈពេល៥នាទី ទម្រាំតែសម្រេចរកឃើញម្ចាស់ពិតប្រាកដ។
គួរបញ្ជាក់ផងដែរថា គ្រាប់ពេជ្រតម្លៃកប់ពពកនេះ ធ្លាប់ត្រូវបានគេទិញក្នុងតម្លៃខ្ពស់ជាងនេះនៅ Geneva តែម្ចាស់អ្នកទិញនោះគ្មានលុយគ្រប់បង់ឲ្យ ហើយក៏សុខចិត្តមិនទិញវិញទៅ។
យោងតាមវិទ្យាស្ថានត្បូងពេជ្ររបស់អាមេរិកបានឲ្យដឹងថា វាគឺជាគ្រាប់ពេជ្រមួយគ្រាប់ ដែលគ្មានស្នាមល្អក់កករបន្តិចណាឡើយ ជាមួយនឹងទំហំធំជាងគេបំផុត រួមទាំងពណ៌ផ្កាឈូកដ៏សែនស្រស់ស្អាត។
អ្នកដែលជាម្ចាស់ឈ្នះការដេញថ្លៃខាងលើ គឺជាអ្នកលក់គ្រឿងអលង្ការជនជាតិហុងកុង Chow Tai Fook។ នាងបាននិយាយថា៖ «ពួកយើងពិតជារីករាយណាស់។ នាងខ្ញុំដឹងថា មានមនុស្សជាច្រើននិយាយមិនល្អពីសេដ្ឋកិច្ចប្រទេសចិនកាលពីប៉ុន្មានឆ្នាំមុន។ តែវាមិនដូច្នេះទេ ពេលនេះ ព្រោះថា លទ្ធផលដេញថ្លៃអាចឆ្លុះបញ្ចាំងឲ្យឃើញច្បាស់ហើយ»។
គួរបញ្ជាក់ផងដែរថា ពេជ្រមហាសែនថ្លៃខាងលើនេះ ត្រូវបានជីករកឃើញនៅអាព្រិច ដោយលោក De Beers នៅឆ្នាំ១៩៩៩ ដែលកាលនោះ ទំហំទាំងមូលរបស់វាមានដល់ទៅ១៣២.៥ការ៉ាត់។ គេបានចំណាយពេល២ឆ្នាំក្នុងការច្នៃវាយ៉ាងផ្ចិតផ្ចង់៕
ចែករំលែកព័តមាននេះ