រាជធានីភ្នំពេញ ៖ ពិព័រណ៍ម្ហូបអាស៊ានឆ្នាំ២០១៧នេះ រំពឹងថា ទទួលបានអ្នកទស្សនាប្រហែល១,៥ម៉ឺននាក់ចូលពិសារមុខម្ហូបអាហារចម្រុះជាតិសាសន៍ និងទស្សនាការប្រគំតន្ត្រីសប្បុរធម៌នៅពហុកីឡដ្ឋានជាតិអូឡាំពិក កាលពីថ្ងៃទី១-២ មេសានេះ។
ពិព័រណ៍ម្ហូបអាហារអាស៊ានដែលរៀបចំឡើងដោយអង្គការស្មាមញញឹមដើម្បីកុមារ (PSE) មិនត្រឹមតែជាការផ្តល់នូវការកំសាន្តជូនពលរដ្ឋក្នុងស្រុក និងជនបរទេសប៉ុណ្ណោះទេ តែថែមទាំងឱ្យពួកគាត់មានឱកាយភ្លក្សរសជាតិមុខម្ហូបអាហារមកពីប្រទេសបណ្តាសមាជិកអាស៊ានរាប់រយមុខ ដែលបានដាក់តាំងនៅតាមស្តង់នីមួយៗ។
នៅក្នុងឱកាសនោះដែរ យើងសង្កេតឃើញក្រុមហ៊ុនម្សៅស៊ុបខ្នរ បានដាក់តាំងមុខម្ហូបអាហារចំនួន៨មុខជូនដល់អ្នកចូលរួមបានភ្លក្សរសជាតិ និងបានសួរនាំអំពីរបៀបផ្សំគ្រឿង និងវិធីធ្វើម្ហូបបែបណា ទើបទទួលបានរសជាតិឆ្ងាញ់ក្រុមគ្រួសារ។ បន្ថែមពីនេះ នៅក្នុងឱកាសបុណ្យចូលឆ្នាំខ្មែរដែលនឹងឈានចូលមកដល់នាពេលខាងមុខនេះ ស្ត្រីមេផ្ទះគប្បីជ្រើសរើសនូវគ្រឿងផ្សំដែលធ្វើអោយមុខម្ហូបឈ្ងុញឆ្ងាញ់នឹងមានជាតិសំរាប់ការញ៉ាំអាហារជុំគ្រួសារក្នុងឱកាសដ៏រីករាយមួយនេះ។
បើតាមលោក ភូគ តំណាងអ្នកទំនាក់ទំនងទូទៅរបស់អង្គការ PSE និយាយថា នេះជាឆ្នាំលើកទី១១ គិតមកដល់ឆ្នាំនេះ សម្រាប់ការរៀបចំពិព័រណ៍ម្ហូបអាហារអាស៊ាន។ លោកបន្តថា ពិព័រណ៍ម្ហូបអាហារអាស៊ាននេះ មានក្រុមហ៊ុនចូលរួមដាក់តាំងមុខម្ហូបជាង១២០ស្តង់ ដើម្បីឱ្យភ្ញៀវទេចរណ៍បានយល់មុខម្ហូបខ្មែរ មានអ្វីខ្លះនៅតាមតំបន់នីមួយៗ ហើយក្នុងរយៈពេល២ថ្ងៃនៃការរៀបចំពិព័រណ៍នេះ មានអ្នកចូលរួមប្រមាណ១,៥ម៉ឺននាក់ច្រើនជាងការរៀបចំនៅឆ្នាំ២០១៦កន្លងទៅនេះ។
កុំភ្លេចណា ក្នុងឱកាសបុណ្យចូលឆ្នាំថ្មីខាងមុខនេះគ្មានកន្លែងណាកក់ក្តៅដូចនៅផ្ទះជួបជុំគ្រួសារញ៉ាំអាហារដ៏ឈ្ងុញឆ្ងាញ់ប្រកបដោយក្តីរីករាយនោះទេ ! ខ្នរ ធានាធ្វើអោយម្ហូបឈ្ងុញឆ្ងាញ់មានជាតិ។ ប្រើខ្នរ «ចំណេញទាំងពេលវេលា នឹងថវិការ»៕
ចែករំលែកព័តមាននេះ