ចិននឹងចូលរួមយុទ្ធនាការប្រើប្រាស់ថាមពលប្រកបដោយប្រសិទ្ធភាព
ប្រទេសចិន ៖ ចិននឹងចូលរួមយុទ្ធនាការប្រើប្រាស់ថាមពលប្រកបដោយប្រសិទ្ធភាពបំផុតរបស់ពិភពលោក ក្នុងរយៈពេល២ទសវត្សរ៍ទៀត និងជួយជំរុញកំណែទម្រង់ថាមពលសកល ដោយអភិវឌ្ឍថាមពលកកើត
ប្រទេសចិន ៖ ចិននឹងចូលរួមយុទ្ធនាការប្រើប្រាស់ថាមពលប្រកបដោយប្រសិទ្ធភាពបំផុតរបស់ពិភពលោក ក្នុងរយៈពេល២ទសវត្សរ៍ទៀត និងជួយជំរុញកំណែទម្រង់ថាមពលសកល ដោយអភិវឌ្ឍថាមពលកកើត
ប្រទេសចិន ៖ ចិននឹងចូលរួមយុទ្ធនាការប្រើប្រាស់ថាមពលប្រកបដោយប្រសិទ្ធភាពបំផុតរបស់ពិភពលោក ក្នុងរយៈពេល២ទសវត្សរ៍ទៀត និងជួយជំរុញកំណែទម្រង់ថាមពលសកល ដោយអភិវឌ្ឍថាមពលកកើតឡើងវិញ។ នេះបើតាមក្រុមហ៊ុនប្រេង British Petroleum។
ក្រុមហ៊ុន BP បានព្យាករក្នុងរបាយការណ៍នៅទីក្រុងសៀងហៃថា ការប្រើប្រាស់ថាមពលរបស់ប្រទេសនេះ ក្នុង១ឯកតានៃផលិតផលក្នុងស្រុកសរុប នឹងធ្លាក់ចុះ៣%ក្នុង១ឆ្នាំ លឿនជាងការរំពឹងទុកនៃការធ្លាក់ចុះមធ្យមកម្រិតសកល។ វានឹងធ្វើឲ្យចិនខិតកាន់តែជិតកម្រិតបណ្តាប្រទេសជឿនលឿនដូចជា សហរដ្ឋអាមេរិក នៅឆ្នាំ២០៣៥ ។
លោក Spencer Dale ប្រធានសេដ្ឋកិច្ចវិទូរបស់ក្រុមហ៊ុន BP ឲ្យដឹងថា កំណើនសេដ្ឋកិច្ចចិនកំពុងផ្លាស់ប្តូរឆ្ងាយពីទិន្នផលឧស្សាហកម្មប្រើប្រាស់ថាមពលច្រើន ខណៈមានការជំរុញបន្ថែមដោយអ្នកប្រើប្រាស់ វិស័យសេវាកម្ម និងផលិតកម្មទំនើប ដើម្បីធ្វើឲ្យប្រសើរឡើងនូវប្រសិទ្ធភាពប្រើប្រាស់ថាមពល ។
ទន្ទឹមនឹងនេះ ប្រទេសចិនត្រូវបានគេរំពឹងថា នឹងរួមចំណែកដល់ការកើនឡើងតម្រូវការចំនួន៣៥% នៃការប្រើប្រាស់ថាមពលកកើតឡើងវិញនៅទូទាំងពិភពលោក ក្នុងរយៈពេល២ទសវត្សរ៍ខាងមុខ ដែលអាចរួមចំណែកដល់ការធ្វើកំណែទម្រង់ថាមពលសកល ។
រដ្ឋាភិបាលកណ្តាលចិនសន្យាថា សមាមាត្រនៃការប្រើប្រាស់ប្រេងមិនមែនផូស៊ីលនេះ គួរតែកើនឡើងលើសពី១៥%នៅត្រឹមឆ្នាំ២០២០ ពី១២%ក្នុងឆ្នាំ២០១៥ ហើយការប្រើប្រាស់ធ្យូងថ្ម គួរត្រូវបានកាត់បន្ថយឲ្យនៅក្រោម៥៨%នៃការប្រើប្រាស់ថាមពលសរុប ពី៦៤%នៅឆ្នាំ២០១៥។ នេះបើតាមផែនការទី១៣ មានរយៈពេល៥ឆ្នាំ (២០១៦-២០២០) ។
លោក Dale ឲ្យដឹងថា ការប្រើប្រាស់ធ្យូងថ្មនៅលើពិភពលោក នឹងចាប់ផ្តើមធ្លាក់ចុះនៅឆ្នាំ២០២៥ ដែលជំរុញឲ្យផ្លាស់ប្តូរការប្រើប្រាស់ប្រេងឥន្ធនៈរបស់ចិន ជំនួសដោយប្រេងឥន្ធនៈផ្តល់ភាពស្អាតដល់បរិស្ថាន និងបញ្ចេញឧស្ម័នកាបូនតិចជាងមុន ៕
ចែករំលែកព័តមាននេះ