ពុទ្ធោជួញដូរគ្រឿងញៀ.នច្រើនដល់ថ្នាក់ណឹង !
ខេត្តបន្ទាយមានជ័យ ៖ មុខសញ្ញាជួញដូរ និងប្រើប្រាស់គ្រឿងញៀ.នប្រុស-ស្រីចំនួន៤នាក់
ខេត្តបន្ទាយមានជ័យ ៖ មុខសញ្ញាជួញដូរ និងប្រើប្រាស់គ្រឿងញៀ.នប្រុស-ស្រីចំនួន៤នាក់
ខេត្តបន្ទាយមានជ័យ ៖ មុខសញ្ញាជួញដូរ និងប្រើប្រាស់គ្រឿងញៀនប្រុស-ស្រីចំនួន៤នាក់ត្រូវបានកម្លាំងនគរបាលក្រុងប៉ោយប៉ែតចាប់ឃាត់ខ្លួនបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី៣១ ខែមីនា ឆ្នាំ២០១៧ ។
បើតាមលោកវរសេនីយ៍ទោ ធិន ស៊ិនដេត អធិការនគរបាលក្រុងប៉ោយប៉ែតបានឲ្យដឹងថា អនុវត្តតាមបទបញ្ជារបស់លោកឧត្តមសេនីយ៍ទោ អាត់ ខែម ស្នងការនគរបាលខេត្តដែលតែងក្រើនរំលឹកនៅក្នុងអង្គប្រជុំ ឲ្យគ្រប់អធិការដ្ឋាននគរបាលស្រុក-ក្រុង និងវរសេនាតូចការពារព្រំដែនគោកទាំង៤ យកចិត្តទុកដាក់ធ្វើការស្រាវជ្រាវស៊ើបអង្កេតតាមវិធានការជំនាញ គឺធ្វើឲ្យដូចជាភ្លៀងរលឹម ។ ជាលទ្ធផលនៅថ្ងៃទី២៩និង៣០ ខែមីនា ឆ្នាំ២០១៧ កន្លងទៅនេះលោកបានដឹកនាំកម្លាំងចុះបង្ក្រាបមុខសញ្ញាជួញដូរ និងប្រើប្រាស់គ្រឿងញៀនឃាត់ខ្លួនជនសង្ស័យប្រុស-ស្រីចំនួន៤នាក់ នៅចំណុចភូមិក្បាលស្ពាន ចំណុចភូមិចាន់គីរី និងភូមិអូរជ្រៅ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
ជនដែលបានឃាត់ខ្លួនទី១-ឈ្មោះ ឡុង អៀប ភេទប្រុស អាយុ២៥ឆ្នាំ, ទី២-ឈ្មោះ អ៊ូច ណារ៉េត ភេទប្រុស អាយុ២៣ឆ្នាំ, ទី៣-ឈ្មោះ វឿន ស៊ីនិត ភេទស្រី អាយុ២០ឆ្នាំ, ទី៤-ឈ្មោះ ស្រេង ចាន់រិទ្ធ ភេទប្រុសអាយុ២២ឆ្នាំ ជនសង្ស័យទាំង៤នាក់មានទីលំនៅមិនពិតប្រាកដ ។
លោកអធិការបានបញ្ជាក់ថា ជាមួយ និងកិច្ចប្រតិបត្តិការបង្ក្រាបមុខសញ្ញាជួញដូរ និងប្រើប្រាស់គ្រឿងញៀននេះសមត្ថកិច្ចដកហូតបានវត្ថុតាងថ្នាំញៀនម្សៅពណ៌សថ្លា ចំនួន២០ថង់តូច, ដបកែច្នៃសម្រាប់ជក់ចំនួន៣, ទុយយោ និងសំបកថង់ប្លាស្ទិកសម្រាប់ច្រកគ្រឿងញៀនមួយចំនួន ។ បច្ចុប្បន្នជនសង្ស័យប្រុស-ស្រីទាំង៤នាក់ រួមទាំងវត្ថុតាងត្រូវបានបញ្ជូនទៅស្នងការដ្ឋាននគរបាលខេត្តបន្តាយមានជ័យជាមួយគ្នានោះដែរការិយាល័យជំនាញប្រឆាំងគ្រឿងញៀនក៏បានរៀបចំសំណុំរឿងទៅសាលាដំបូងខេត្តហើយផងដែរ ៕
ចែករំលែកព័តមាននេះ