ឱកាសបុណ្យចូលឆ្នាំ ទណ្ឌិត391នាក់ត្រូវបានពិនិត្យសម្រាប់ការលើកលែងនិងបន្ធូរបន្ថយទោស
រាជធានីភ្នំពេញ ៖ ក្រសួងយុត្តិធម៌បានលើកយកសំណើសុំលើកលែង និងបន្ធូរបន្ថយទោសពីពន្ធនាគារចំនួន១៧ខេត្ត និងមណ្ឌលអប់រំកែប្រែចំនួន៤
រាជធានីភ្នំពេញ ៖ ក្រសួងយុត្តិធម៌បានលើកយកសំណើសុំលើកលែង និងបន្ធូរបន្ថយទោសពីពន្ធនាគារចំនួន១៧ខេត្ត និងមណ្ឌលអប់រំកែប្រែចំនួន៤
រាជធានីភ្នំពេញ ៖ ក្រសួងយុត្តិធម៌បានលើកយកសំណើសុំលើកលែង និងបន្ធូរបន្ថយទោសពីពន្ធនាគារចំនួន១៧ខេត្ត និងមណ្ឌលអប់រំកែប្រែចំនួន៤ សម្រាប់ឱកាសបុណ្យចូលឆ្នាំថ្មីប្រពៃណីជាតិខ្មែរសរុបចំនួន៣៩១នាក់ ។ លោក គឹម សន្តិភាព អ្នកនាំពាក្យបានឱ្យដឹងថា កិច្ចប្រជុំពិនិត្យបញ្ជីឈ្មោះស្នើសុំលើកលែង និងបន្ធូរបន្ថយអ្នកទោសនៅរសៀលថ្ងៃទី៣០ខែមីនា ប្រារព្ធធ្វើក្រោមអធិបតីភាពលោក អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ និងជាប្រធានគណៈកម្មការជាតិពិនិត្យលើបញ្ជីឈ្មោះបន្ធូបន្ថយ និងលើកលែងទោសទណ្ឌិតនៅទីស្តីការក្រសួង ។
លោកបញ្ជាក់ថា «ទណ្ឌិតដែលត្រូវបានដាក់សំណើមកគណៈកម្មការជាតិ ដើម្បីត្រូតពិនិត្យមានចំនួន៣៩១នាក់ (ស្រី២៤នាក់) ក្នុងចំណោមទណ្ឌិតទាំងនេះ មានទណ្ឌិត៧៧នាក់ស្នើលើកលែងទោស និងជាង៣០០នាក់ស្នើសុំបន្ធូរបន្ថយទោស» ។ លោកបន្តថា មុននឹងធ្វើការលើកលែងទោស និងបន្ធូរបន្ថយទោសគណៈកម្មការជាតិបាន ធ្វើការពិនិត្យពិចារណាយ៉ាងម៉ត់ចត់លើករណីចំនួនពីរ គឺទី១ ទាក់ទងនិងផ្នែកច្បាប់ ដែលជាប់ពាក់ព័ន្ធនឹងការអប់រំ កែប្រែនៅក្នុងពន្ធនាគារ របស់ទណ្ឌិត និងទី២ ការទទួលទោសនៅក្នុងពន្ធនាគារ ។
លោកបញ្ជាក់ថា «ប្រសិនបើទណ្ឌិតត្រូវបានអប់រំកែប្រែខ្លួននិងអនុវត្តទោស១ភាគ៣ នោះអាចទទួលបានបន្ធូបន្ថយទោស និងទណ្ឌិតដែលអនុវត្តទោសបាន២ភាគ៣ និងបានលើកលែងទោស ។ ប៉ុន្តែលក្ខណៈផ្លូវច្បាប់ដែលសំខាន់នោះ គឺទណ្ឌិតត្រូវមានសាលក្រមជាស្ថាពរពីតុលាការ ហើយក្នុងនោះក៏មានការពាក់ព័ន្ធនឹងអង្គហេតុនិមួយៗ នៃសំណុំររឿងរបស់ទណ្ឌិតផងដែរ» ។ ជាមួយគ្នានោះដែរ លោក គឹម សន្តិភាព ក៏បានអះអាងសម្រាប់បញ្ជីឈ្មោះទណ្ឌិត និងពិនិត្យឱ្យបានល្អិនល្អន់លើសំណុំរឿងពីប្រភេទចៀសវាងវាមានការលើកលែងទណ្ឌិតដែលបានប្រព្រឹត្តិតបទល្មើសយ៉ាងព្រៃផ្សៃ បទល្មើសដែលប៉ះពាល់ដល់សង្គមនោះ គណៈកម្មការនឹងមិនលើកសំណើសុំលើកលែង និងបន្ធូបន្ថយនោះទេ។
លោក គឹម សន្តិភាព បានឱ្យដឹងទៀត ថា ក្រោយពីមានការរឹតបណ្តឹងលើបញ្ហាគ្រឿងញៀនមកសំណើរសុំលើកលែង និងបន្ធូបន្ថយអ្នកទោស រឿងគ្រឿងញៀន និងបទឧក្រិដ្ឋមិនមាននោះទេ ។ លោកបន្ថែមថា សម្រាប់សំណើរសុំមកគណៈកម្មការពិនិត្យ និងបន្ធូរបន្ថយអ្នកទោស ភាគច្រើនមានបទល្មើសមួយចំនួនប៉ុន្តែបទល្មើសដែលមានចរិកមានលក្ខណៈសាហាវ មានកាត់បន្ថយច្រើន ។
យ៉ាងណាក្តីសម្រាប់ឈ្មោះទណ្ឌិត ដែលស្នើសុំមកសម្រាប់ការលើកលែង និងបន្ធូបន្ថយទោស នៅថ្ងៃបុណ្យចូលឆ្នាំថ្មីខាងមុខនេះ ត្រូវបានអ្នកនាំពាក្យ គនបក្សក្រសួងយុត្តិធម៌បានឱ្យដឹងថា ភាគច្រើនជាបទល្មើសមជ្ឈិម។ លោកថា «ខ្ញុំមិនអាចបញ្ជាក់ពីបទល្មើសជាក់លាក់នោះទេ គ្រាន់តែដឹងថា គណៈកម្មការជាតិពិនិត្យនេះ គឺសំខាន់ ទិថភាពច្បាប់ និងទិថភាពប្រទេសនៃបទល្មើស»។
ចំពោះការព្រួយបារម្ភរបស់ប្រជាជនលើករណីលើកលែងអ្នកទោស ហើយកើតឱ្យមានករណីប្លន់ លួច លោក គឹម សន្តិភាព បានបញ្ជាក់ថា «ចំណុចនេះហើយ ដែលធ្វើឱ្យក្រុមការងារថ្នាក់ជាតិ ធ្វើការពិនិត្យ ពិចារណាលើអង្គហេតុនៃបទល្មើសនិមួយៗ នៃរឿងថាតើសំណុំរឿងនេះទណ្ឌិតបានប្រព្រឹត្តិក្នុងលក្ខណៈបែបណា ថាតើទណ្ឌិតនេះមិនរាងចាល។ ក្នុងករណីខ្លះមានសាលក្រមរហូតដល់ពីរ ឬបី។ ករណីនេះគណៈកម្មការជាតិរឹតបណ្តឹងមិនអនុញ្ញាតឱ្យលើកលែងនោះទេ»។
ជាមួយគ្នានោះដែរលោកគឹម សន្តិភាពបានអះអាងថា កន្លងមកដោយឃើញមានករណីនៃសំណុំរឿងមានលក្ខណៈមិនប្រក្រតីច្រើន ទើបនៅថ្ងៃបុណ្យអុំទូក កាលពីឆ្នាំ២០១៦ មានការស្នើសុំលើកលែង និងបន្ធូរបន្ថយ ទណ្ឌិតជាង៥០០នាក់ តែគណៈកម្មការជាតិសម្រេចលើកលែង និងបន្ធូរបន្ថយទោសតែជាង៨០នាក់ប៉ុណ្ណោះ ។
សូមជម្រាបថា ការលើកលែងនិងបន្ធូរបន្ថយទោសនៅក្នុងប្រទេសកម្ពុជាត្រូវបានធ្វើឡើងចំនួន៣លើកគឺ ថ្ងៃបុណ្យចូលឆ្នាំប្រពៃណីជាតិខ្មែរ បុណ្យពិសាខបូជា និងបុណ្យអុំទូក ៕
ចែករំលែកព័តមាននេះ