ប្រទេសកូរ៉េខាងត្បូង ៖ សេដ្ឋកិច្ចកូរ៉េខាងត្បូងបានកើនឡើងច្រើនជាងការរំពឹងទុកបន្តិចកាលពីឆ្នាំមុន ខណៈប្រទេសនេះមានសេដ្ឋកិច្ចធំជាងគេទី៤នៅតំបន់អាស៊ី ។ នេះបើតាមអាជ្ញាធរកូរ៉េខាងត្បូងបាន
ប្រទេសកូរ៉េខាងត្បូង ៖ សេដ្ឋកិច្ចកូរ៉េខាងត្បូងបានកើនឡើងច្រើនជាងការរំពឹងទុកបន្តិចកាលពីឆ្នាំមុន ខណៈប្រទេសនេះមានសេដ្ឋកិច្ចធំជាងគេទី៤នៅតំបន់អាស៊ី ។ នេះបើតាមអាជ្ញាធរកូរ៉េខាងត្បូងបាននិយាយកាលពីថ្ងៃទី២៨ មីនា ។
ធនាគារកណ្តាលកូរ៉េបានដំឡើងអត្រាកំណើនសេដ្ឋកិច្ចក្នុងឆ្នាំ២០១៦ ពី០,១% មកនៅ២,៨% ដោយនិយាយថា វិស័យផលិតកម្មមានដំណើរការល្អប្រសើរជាងការព្យាករកាលពីពេលមុន ។
ការប្រែប្រួលនេះមានន័យថា ការកើនឡើងនៃផលិតផលក្នុងស្រុកសរុប(GDP)មិនបានផ្លាស់ប្តូរពីឆ្នាំមុនទេ ប៉ុន្តែវាប្រសើរជាងការធ្លាក់ចុះ ។
កំណើនយ៉ាងឆាប់រហ័សអស់រយៈពេលជាច្រើនទសវត្សរ៍របស់ប្រទេសនេះ បន្ទាប់ពីសង្គ្រាមរហូតក្លាយជាសមាជិកក្រុមប្រទេសមានសេដ្ឋកិច្ចឈានមុខគេរបស់អង្គការកិច្ចសហប្រតិបត្តិការ និងអភិវឌ្ឍន៍សេដ្ឋកិច្ច (OECD) ប៉ុន្តែការកើនឡើងនាពេលថ្មីៗនេះយឺតបន្តិច ។
បញ្ហាប្រែប្រួលសេដ្ឋកិច្ចកើតឡើងដោយសារការតវ៉ាប្រឆាំងនឹងអំពើពុករលួយទ្រង់ទ្រាយធំ ដែលចោទប្រកាន់លោកស្រីប្រធានាធិបតី Park Geun-Hye ។
ធនាគារកូរ៉េនិយាយថា ផលទុនជាតិសរុប (GNI) ស្មើ២៧.៥៦១ដុល្លារអាមេរិកក្នុងឆ្នាំ២០១៦ កើនឡើង១,៤% ពីឆ្នាំមុន ។
ធនាគារនេះបន្ថែមថា វិស័យផលិតកម្មបានកើនឡើង២,៣%កាលពីឆ្នាំមុន ខណៈខែមករា ស្មើ១,៧% និងឆ្នាំ២០១៥ ស្មើ១,៨% ។
ការនាំចេញបានកើនឡើង២,១%នៅឆ្នាំ២០១៦ ដែលផ្ទុយគ្នានឹងការធ្លាក់ចុះ០,១% កាលពីឆ្នាំមុនមួយទៀត ខណៈការនាំចូលកើនឡើង៤,៥% ពី២,១% ៕
ចែករំលែកព័តមាននេះ