ចក្រភពអង់គ្លេស ៖ នាយកដ្ឋានពាណិជ្ជកម្មអន្តរជាតិអង់គ្លេស (DIT) បានដឹកនាំបេសកកម្មពាណិជ្ជកម្មមួយទៅកាន់តំបន់អាស៊ីអាគ្នេយ៍ ហើយគណៈប្រតិភូនឹងធ្វើទស្សនកិច្ចនៅប្រទេសមីយ៉ាន់ម៉ា នៅ
ចក្រភពអង់គ្លេស ៖ នាយកដ្ឋានពាណិជ្ជកម្មអន្តរជាតិអង់គ្លេស (DIT) បានដឹកនាំបេសកកម្មពាណិជ្ជកម្មមួយទៅកាន់តំបន់អាស៊ីអាគ្នេយ៍ ហើយគណៈប្រតិភូនឹងធ្វើទស្សនកិច្ចនៅប្រទេសមីយ៉ាន់ម៉ា នៅថ្ងៃទី៣០-៣១ មីនា ។ បេសកកម្មពាណិជ្ជកម្មនេះ គឺផ្តោតលើហេដ្ឋារចនាសម្ព័ន្ធ ថាមពល និងការអប់រំ ។
មុនពេលមកដល់ប្រទេសមីយ៉ាន់ម៉ា បេសកកម្មពាណិជ្ជកម្មនេះបានទៅដល់ធនាគារអភិវឌ្ឍន៍អាស៊ី (ADB) និងតំបន់អាស៊ីអាគ្នេយ៍ ដោយជួបជាមួយមន្ត្រីធនាគារអភិវឌ្ឍន៍អាស៊ីនៅទីស្នាក់ការកណ្តាលក្នុងទីក្រុងម៉ានីល ហើយបានរកឃើញពីរបៀបដើម្បីដំណើរការគម្រោងនេះ ។
គណៈប្រតិភូបានស្ថិតនៅទីក្រុងហ្សាការតា និងបច្ចុប្បន្នស្ថិតនៅទីក្រុងហាណូយ ។ នៅទីក្រុងយ៉ាំងហ្គោន គណៈប្រតិភូរំពឹងថា នឹងផ្តល់ជំនួយអាជីវកម្មក្នុងសិក្ខាសាលា ដែលផ្តោតលើការអប់រំ និងហេដ្ឋារចនាសម្ព័ន្ធ ។
យោងតាម DIT អាស៊ានបានទាក់ទាញអាជីវកម្មពីអង់គ្លេសជាច្រើន ដោយសារតែកំណើនសេដ្ឋកិច្ចមានស្ថិរភាពក្នុងតំបន់, បង្កើនការធ្វើកំណែទម្រង់ទីផ្សារ និងការពង្រីកសកម្មភាពរបស់អតិថិជន ។
បញ្ហាប្រឈមនៅក្នុងតំបន់អាស៊ានរួមមាន ភាពក្រីក្រក្នុងប្រទេសមីយ៉ាន់ម៉ា និងឧបសគ្គផ្សេងទៀតដូចជា ប្រព័ន្ធការិយាធិបតេយ្យ ជាពិសេស ទាក់ទងនឹងលទ្ធកម្មសាធារណៈ បញ្ហាអភិបាលកិច្ចនិងគ្រោះមហន្តរាយធម្មជាតិ ។ ទីភ្នាក់ងារអភិវឌ្ឍន៍អន្តរជាតិ និងម្ចាស់ជំនួយក៏បានចូលរួមដោះស្រាយបញ្ហាទាំងនោះផងដែរ ។
កាលពីខែកក្កដា សភាអង់គ្លេសនៅក្រោមរដ្ឋលេខាធិការនាយកដ្ឋានពាណិជ្ជកម្មអន្តរជាតិ លោក Mark Garnier បានធ្វើទស្សនកិច្ចនៅប្រទេសមីយ៉ាន់ម៉ា ដើម្បីចូលរួមជាមួយសហគមន៍អាជីវកម្មក្នុងស្រុក ដោយសង្កត់ធ្ងន់ទៅលើតម្រូវការលើកកម្ពស់ទំនាក់ទំនងពាណិជ្ជកម្មទ្វេភាគីជាមួយមីយ៉ាន់ម៉ា ។
យោងតាមស្ថិតិរបស់នាយកដ្ឋានរដ្ឋបាលវិនិយោគ និងក្រុមហ៊ុន (DICA) បង្ហាញថា ការវិនិយោគរបស់អង់គ្លេសនៅមីយ៉ាន់ម៉ា ជាប់ចំណាត់ថ្នាក់ទី៤ ស្មើទឹកប្រាក់ជាង៣,៤ប៊ីលានដុល្លារអាមេរិក ក្នុងអត្រា៦,៤% គិតត្រឹមខែមិថុនា ឆ្នាំ២០១៦ នៃការវិនិយោគពីបរទេសសរុបរបស់ប្រទេសនេះ ៕
ចែករំលែកព័តមាននេះ