កម្លាំងសីលធម៌ទល់នឹងកម្លាំងដុល្លារ
មានការបន្ទោសគ្នាច្រើននៅក្នុងសង្គមខ្មែរអំពីការមិនគោរពតាមក្រមសីលធម៌។ ដូចជាគ្រូពេទ្យមួយចំនួនត្រូវបានគេបន្ទោសថា មិនគោរពសីធម៌នៅក្នុងការសង្គ្រោះជីវិតមនុស្ស ដោយយកដុល្លារជាធំ។
មានការបន្ទោសគ្នាច្រើននៅក្នុងសង្គមខ្មែរអំពីការមិនគោរពតាមក្រមសីលធម៌។ ដូចជាគ្រូពេទ្យមួយចំនួនត្រូវបានគេបន្ទោសថា មិនគោរពសីធម៌នៅក្នុងការសង្គ្រោះជីវិតមនុស្ស ដោយយកដុល្លារជាធំ។
មានការបន្ទោសគ្នាច្រើននៅក្នុងសង្គមខ្មែរអំពីការមិនគោរពតាមក្រមសីលធម៌។ ដូចជាគ្រូពេទ្យមួយចំនួនត្រូវបានគេបន្ទោសថា មិនគោរពសីធម៌នៅក្នុងការសង្គ្រោះជីវិតមនុស្ស ដោយយកដុល្លារជាធំ។
ឧទាហរណ៍នេះបញ្ជាក់អំពីកម្លាំងប្រទាញផ្ទុយគ្នាពីររវាងសីលធម៌ និងលុយដុល្លារ។ នៅក្នុងសង្គមខ្មែរយើង គេនាំគ្នាគិតថា មនុស្សច្រើនផ្តល់ជម្រើសទៅលើលុយដុល្លារច្រើនជាងសីលធម៌។ តម្រូវការប្រចាំជីវិតប្រចាំថ្ងៃតម្រូវឱ្យមនុស្សត្រូវរកលុយចិញ្ចឹមគ្រួសារ។ បញ្ហាប្រាក់ខែទាបក៏ក្លាយជាដែកឆក់ឱ្យមនុស្សងាកទៅរកវិធីផ្សេងៗដែលខុសសីលធម៌ ដើម្បីរកលុយសម្រាប់ចិញ្ចឹមគ្រួសារ។
នៅពេលដែលសីលធម៌នៅក្នុងវិជ្ជាជីវ:នីមួយៗត្រូវបានខ្ទេចខ្ទាំ វានឹងធ្វើឱ្យមនុស្សពិបាកនឹងរស់នៅក្នុងជីវិត។ នៅពេលត្រូវការស្វែងរកយុត្តិធម៌ គេមិនហ៊ានទៅតុលាការ។ នៅពេលឈឺ គេនាំគ្នាធ្វើដំណើរទៅក្រៅប្រទេស ដើម្បីពិនិត្យ និងព្យាបាលជំងឺ។ នៅពេលដែលត្រូវការសេវាកម្មសធារណ: គេក៏សុខចិត្តចំណាយលុយទឹកតែ ដើម្បីបង្កើនល្បឿន ឬដើម្បីទទួលបានសេវាកម្មសាធារណ:។ ចំណែកអ្នកក្រីក្រដែលគ្មានលទ្ធភាពក៏ត្រូវទ្រាំទទួលយកសេវាកម្មសាធារណ:ដែលយឺតយ៉ាវ ឬមិនសូវមានប្រសិទ្ធភាព បើប្រៀបធៀបនឹងសេវាកម្មឯកជន។
ដើម្បីដោះស្រាយអតុល្យភាពរវាងកម្លាំងដុល្លារ និងសីលធម៌ គេចាំបាច់ត្រូវតែផ្តល់ប្រាក់ខែគ្រប់គ្រាន់សម្រាប់អ្នកផ្តល់សេវាទាំងអស់ដល់ប្រជាជន ដើម្បីពួកគេអាចរស់នៅបានដោយមិនបាច់ប្រព្រឹត្តខុសសីលធម៌។ ចំណែកមនុស្សនៅក្នុងគ្រប់វិជ្ជាជីវ:ទាំងអស់ត្រូវផ្តល់តម្លៃដល់ជីវិតមនុស្សគ្រប់រូបនៅក្នុងការបំពេញវិជ្ជាជីវ:របស់ខ្លួន។ គេមិនត្រូវក្បត់វិជ្ជាជីវ: ដើម្បីភាពមានបាននៅក្នុងសង្គមឡើយ។
សូមកុំឱ្យកម្លាំងលុយដុល្លារកំទេចខ្ទេចខ្ទីរសីលធម៌របស់មនុស្ស៕
ចែករំលែកព័តមាននេះ