ខេត្តសៀមរាប ៖ យើងធ្លាប់តែដឹងថា ភ្លេងតន្ត្រី និងឧបករណ៍តន្ត្រីជាច្រើនសុទ្ធតែបន្សល់ទុកតាំងពីបុរាណកាលមក ប៉ុន្តែមានមនុស្សមិនច្រើនទេដែលដឹងថាឧបករណ៍តន្រី្តទាំងនោះឆ្លាក់ជាប់លើផ្ទាំងថ្មប្រាសាទ
ខេត្តសៀមរាប ៖ យើងធ្លាប់តែដឹងថា ភ្លេងតន្ត្រី និងឧបករណ៍តន្ត្រីជាច្រើនសុទ្ធតែបន្សល់ទុកតាំងពីបុរាណកាលមក ប៉ុន្តែមានមនុស្សមិនច្រើនទេដែលដឹងថាឧបករណ៍តន្រី្តទាំងនោះឆ្លាក់ជាប់លើផ្ទាំងថ្មប្រាសាទ ហើយមានឧបករណ៍អ្វីខ្លះដែលនៅសល់រហូតដល់សព្វថ្ងៃ ។
រហូតមកដល់ពេលនេះគ្មានអ្នកស្រាវជ្រាវណាម្នាក់ហ៊ានអះអាងដាច់ណាត់ថា តន្ត្រីបុរាណនាសម័យអង្គរគេបានប្រើប្រាស់ឧបករណ៍អ្វីខ្លះទេ តែតាមរយៈចម្លាក់ដែលបានបន្សល់ទុក អ្នកស្រាវជ្រាវអាចប្រាប់យើងខ្លះអំពីឧបករណ៍ដែលប្រើប្រាស់ក្នុងពេលនោះ ហើយបន្សល់ទុកដល់សព្វថ្ងៃ ។ នៅប្រាសាទបាយ័ន ក្នុងប្រាង្គខាងកើតឆៀងខាងត្បូងមានចម្លាក់ដែលបង្ហាញអំពីការប្រគំតន្ត្រីមួយ ។
លោកអឹុម សុខរិទ្ធី អ្នកស្រាវជ្រាវ និងជាអនុប្រធានមជ្ឈមណ្ឌលអន្តរជាតិស្រាវជ្រាវ និងតម្កល់ឯកសារអង្គរនៃអាជ្ញាធរជាតិអប្សរាកាលពីពេល ថ្មីៗកន្លងមកឱ្យដឹងថា វង់តន្ត្រីនោះ ប្រើប្រាស់ឧបករណ៍បី គឺឆាប (ខ្លះហៅថាឆឹង) ពិណ និងសាដៀវ ។ ដោយមើលពីឆ្វេងទៅស្តាំឃើញអ្នកគោះឆាប អ្នកដេញពិណ អ្នកដេញសាដៀវ អ្នកចម្រៀង អ្នករបាំ និងទស្សនិកជន។ បើមើលទៅរូបភាពទាំងមូល គឺសាលមហោស្រពប្រកបដោយក្បាច់រចនាយ៉ាងស្រស់ស្អាតគួរឱ្យទាក់ទាញអារម្មណ៍របស់ភ្ញៀវជាតិ អន្តរជាតិដែលចូលទៅទស្សនានៅទីនោះផងដែរ ៕
ចែករំលែកព័តមាននេះ