ប្រទេសថៃ ៖ អតិថិជនកំពុងត្រូវបានជំរុញឲ្យសម្រេចចិត្តទិញផ្ទះនៅឆ្នាំនេះ ខណៈយុទ្ធនាការផ្សព្វផ្សាយរបស់ក្រុមហ៊ុនអចលនទ្រព្យមានភាពទាក់ទាញ និងក្នុងអំឡុងពេលអត្រាការប្រាក់នៅទាប ។
ប្រទេសថៃ ៖ អតិថិជនកំពុងត្រូវបានជំរុញឲ្យសម្រេចចិត្តទិញផ្ទះនៅឆ្នាំនេះ ខណៈយុទ្ធនាការផ្សព្វផ្សាយរបស់ក្រុមហ៊ុនអចលនទ្រព្យមានភាពទាក់ទាញ និងក្នុងអំឡុងពេលអត្រាការប្រាក់នៅទាប ។
លោក Issara Boonyoung ប្រធានសមាគមអាជីវកម្មផ្ទះរបស់ប្រទេសថៃ និយាយថា ឆ្នាំនេះ អាចនឹងជាឆ្នាំចុងក្រោយសម្រាប់អត្រាការប្រាក់ដ៏ទាបនេះ ព្រោះតែអត្រាការប្រាក់តែងកើនឡើងស្របនឹងការប្រសើរឡើងនៃសេដ្ឋកិច្ចពិភពលោក ។
លោកបាននិយាយកាលពីថ្ងៃព្រហស្បតិ៍មុនថា ៖ « ឆ្នាំនេះ គឺជាពេលដ៏ល្អសម្រាប់អតិថិជនទិញផ្ទះមានតម្លៃល្អ ព្រោះក្រុមហ៊ុនអចលនទ្រព្យកំពុងព្យាយាមធ្វើយុទ្ធនាការដើម្បីជំរុញការលក់ បន្ទាប់ពីបានអន់ថយមួយរយៈតាំងពីត្រីមាសចុងក្រោយឆ្នាំមុន » ។
លោក Issara និយាយថា ព្រោះតែតម្លៃដីកើនឡើង គ្មានផ្ទះផ្ទាល់ដីថ្មីណាមួយឡើយ ដែលមានតម្លៃទាបជាង១លានបាតនឹងត្រូវបានដាក់លក់ក្នុងឆ្នាំនេះ ខណៈប៉ុន្មានឆ្នាំខាងមុខទៀត មើលមិនឃើញថា ផ្ទះទាំងនោះមានតម្លៃទាបជាង១,៥លានបាតឡើយ ។
ជាមួយគ្នានេះ ការសាងសង់ផ្លូវធ្វើដំណើរក្នុងឆ្នាំនេះត្រូវបានគិតថា នឹងបង្កើតទីតាំងស្នាក់នៅថ្មីៗ និងជំរុញដល់តម្រូវការទិញផ្ទះផងដែរ ។
លោក Prajin Juntong ឧបនាយករដ្ឋមន្ត្រីរបស់ប្រទេសថៃ ថ្លែងថា ៖ « សេដ្ឋកិច្ចថៃនឹងលូតលាស់៣,៥%ក្នុងឆ្នាំនេះ ដែលត្រូវបានជំរុញដោយការវិនិយោគរបស់រដ្ឋាភិបាលប្រមាណ១០០លានបាតទូទាំងប្រទេស ។ ការចំណាយក្នុងស្រុកក៏បានប្រសើរឡើងដែរ ដែលជួយដល់ដំណើរការរបស់ទីផ្សារ » ។
ជាមួយគ្នានេះ សមាគមខុនដូ សមាគមអាជីវកម្មផ្ទះ និងសមាគមអចលនទ្រព្យរបស់ប្រទេសថៃ បានតាំងពិព័រណ៍ផ្ទះ និងខុនដូនៅ Queen Sirikit National Convention Centre រវាងថ្ងៃទី៨ ដល់ទី១២ មីនា ទៀតផង ។ សមាគមទាំងនោះមានគោលដៅប្រមូលប្រាក់ចំណូលប្រមាណ៧ប៊ីលានបាតសម្រាប់ការលក់ក្នុងពិធីខាងលើ និង៤ប៊ីលានបាតទៀតបន្ទាប់ពីពិធី ។
យុទ្ធនាការផ្សព្វផ្សាយក្នុងពិធីខាងលើរួមមាន ការលក់បញ្ចុះតម្លៃរហូតដល់១លានបាត, អត្រាការប្រាក់ថេរចាប់ពី០,៧៥%ឡើងទៅ, គ្មានការគិតថ្លៃលើការផ្ទេរ, និងមានអំណោយផ្សេងៗដូចជា ខ្សែកមាស, ម៉ូតូ BMW ១គ្រឿង និងម៉ូតូ Mercedes-Benz តម្លៃ២,៥លានបាត ១គ្រឿងផងដែរ ៕
ចែករំលែកព័តមាននេះ