ខេត្តស្វាយរៀង ៖ ភ្លើងអគ្គីភ័យបានឆាបឆេះតូបផ្សារវាលយន្ត បណ្តាលឲ្យមានការភ្ញាក់ផ្អើលដល់ប្រជាពលរដ្ឋ និងមន្ត្រីរាជការនាំគ្នាមកជួយពន្លត់ ដោយប្រើប្រាស់រថយន្តពន្លត់អគ្គិភ័យរបស់ស្នងការដ្ឋាន
ខេត្តស្វាយរៀង ៖ ភ្លើងអគ្គីភ័យបានឆាបឆេះតូបផ្សារវាលយន្ត បណ្តាលឲ្យមានការភ្ញាក់ផ្អើលដល់ប្រជាពលរដ្ឋ និងមន្ត្រីរាជការនាំគ្នាមកជួយពន្លត់ ដោយប្រើប្រាស់រថយន្តពន្លត់អគ្គិភ័យរបស់ស្នងការដ្ឋាននគរបាលខេត្តស្វាយរៀង អស់រយៈពេលមួយម៉ោង ទើបគ្រប់គ្រងបាន។
បើតាមមន្ត្រីនគបាលក្រុងស្វាយរៀង បានឲ្យដឹងថា ករណីគ្រោះអគ្គិភ័យនេះកើតឡើងកាលពីថ្ងៃទី ២១ មីនា ២០១៧ វេលាម៉ោង១១និង៥០នាទីយប់ នៅចំណុចតូបលក់ដូរ (លក់បាយ) ជួរខាងនៃផ្សារវាលយន្ត ដែលបានឆាបឆេះចំនួន១ មានម្ចាស់ឈ្មោះ កើត ចំរើន ភេទប្រុស អាយុ៤៧ឆ្នាំ ស្ថិតក្នុងភូមិវាលយន្ត សង្កាត់ស្វាយរៀង ក្រុងស្វាយរៀង។
ប្រភពដដែលបន្តទៀតថា ក្រោយពីទទួលបានព័ត៌មានកម្លាំងអធិការដ្ឋាននគរបាលក្រុងស្វាយរៀង បាន សហការជាមួយកម្លាំងស្នងការដ្ឋាននគរបាលខេត្ត ធ្វើការចុះជួយអន្តរាគមន៍ពន្លត់អគ្គិភ័យភ្លាមៗ ដោយប្រើប្រាស់រថយន្តពន្លត់អគ្គិភ័យរបស់ស្នងការដ្ឋាននគរបាលខេត្តចំនួន០១គ្រឿង និងប្រើប្រាស់ប្រព័ន្ធទុយយោទឹកសម្រាប់ពន្លត់អគ្គិភ័យ របស់សមាគមយុវជនកម្ពុជាខេត្ត រហូតដល់ម៉ោ០០ និង៤០នាទីយប់រំលងអធ្រាត្រ ទើបគ្រប់គ្រងបានភ្លើង ។
អគ្គិភ័យខាងលើនេះ បណ្តាលឱ្យខូចខាតម៉ាស៊ីនភ្លើង០១គ្រឿង ទូរទស្សន៍ Samsung LCD ៣២អ៊ីញ ០១គ្រឿង ទូរទឹកកក ០១គ្រឿង ម៉ាស៊ីនកិនទឹកអំពៅ ០១គ្រឿង និងសម្ភារលក់ដូរមួយចំនួន ។ មូលហេតុផ្ទុះកំប៉ុងហ្គាសចង្ក្រានបាយ ។
ក្នុងឱកាសនោះដែរ មន្ត្រីនគរបាលក្រុងបានមានប្រសាសន៍ថា ដើម្បីជៀសវាងអគ្គិភ័យកើតឡើងបន្តទៀត លោក ប្រាក់ ជុត អធិការនៃអធិការដ្ឋាននគបាលក្រុងស្វាយរៀង បានពន្យល់ប្រាប់បងប្អូនប្រជាពលរដ្ឋ និងក្រុមអាជីវករផ្សារវាលយន្តថា សូមបងប្អូនអាជីវករទាំងអស់មេត្តាប្រុងប្រយ័ត្នភ្លើងចង្ក្រាន ធូប ទៀន និងអគ្គិសនី ត្រូវពិនិត្យឱ្យបានច្បាស់លាស់ត្រឹមត្រូវ ពីព្រោះវាជាបញ្ហាបង្កគ្រោះអគ្គិភ័យ ហើយបើមកជួយពន្លត់មិនទាន់ទេ ហ្នឹងឆាបឆេះផ្សារទាំងមូល បណ្តាលឲ្យខាតបង់ទ្រព្យសម្បត្តិអ្នកដទៃ និងអាចគ្រោះថ្នាក់ដល់អាយុជីវិតមនុស្ស និងសត្វទៀតផង ។
ចែករំលែកព័តមាននេះ