ភ្លៀងលាយខ្យល់កន្ត្រាក់ ផ្ទះ៥ខ្នងខ្ទេច
ខេត្តកំពង់ស្ពឺ ៖ បាតុភូតធម្មជាតិបណ្តាលឱ្យមានភ្លៀងធ្លាក់យ៉ាងខ្លាំង កាលពីវេលាម៉ោង១៧និង២០នាទី ថ្ងៃទី21 មីនា 2017 ព្រមជាមួយគ្នានោះមានខ្យល់កន្ត្រាក់យ៉ាងខ្លាំង បណ្ដាលឱ្យខូចខាតផ្ទះ
ខេត្តកំពង់ស្ពឺ ៖ បាតុភូតធម្មជាតិបណ្តាលឱ្យមានភ្លៀងធ្លាក់យ៉ាងខ្លាំង កាលពីវេលាម៉ោង១៧និង២០នាទី ថ្ងៃទី21 មីនា 2017 ព្រមជាមួយគ្នានោះមានខ្យល់កន្ត្រាក់យ៉ាងខ្លាំង បណ្ដាលឱ្យខូចខាតផ្ទះ
ខេត្តកំពង់ស្ពឺ ៖ បាតុភូតធម្មជាតិបណ្តាលឱ្យមានភ្លៀងធ្លាក់យ៉ាងខ្លាំង កាលពីវេលាម៉ោង១៧និង២០នាទី ថ្ងៃទី21 មីនា 2017 ព្រមជាមួយគ្នានោះមានខ្យល់កន្ត្រាក់យ៉ាងខ្លាំង បណ្ដាលឱ្យខូចខាតផ្ទះប្រជាពលរដ្ឋអស់៥ខ្នង នៅភូមិសំបួរ ឃុំតាំងស្យា ស្រុកភ្នំស្រួច ខេត្តកំពង់ស្ពឺ។
ម្ចាស់ផ្ទះរងគ្រោះមានឈ្មោះដូចខាងក្រោម ៖
១- ឈ្មោះ កង ចន្ថន ភេទស្រី អាយុ៤៥ឆ្នាំ ផ្ទះខ្ពស់ទំហំ ៦មx៨ម ធ្វើពីឈើប្រក់ប្រូសីម៉ង រលំខូចខាតទាំងស្រុង
២- ឈ្មោះ វ៉ង់ ភាព ភេទស្រី អាយុ៣៥ឆ្នាំ ផ្ទះតៀមរបើកដំបូល
៣- ឈ្មោះ ឡាយ ចំរើន អាយុ៥០ឆ្នាំ ផ្ទះតៀមរបើកដំបូលស័ង្កសី
៤- ឈ្មោះ កៅ សន ភេទប្រុស អាយុ៣៧ឆ្នាំ ផ្ទះខ្ពស់ របើកដំបូលក្បឿង
៥- ឈ្មោះ ជី សូណា ភេទស្រី អាយុ២៩ឆ្នាំ ផ្ទះតៀមរបើកដំបូលស័ង្កសី ។
តាមការរៀបរាប់របស់ម្ចាស់ផ្ទះរងគ្រោះ គឺមុនពេលភ្លៀងមេឃមានសភាពខ្មៅងងឹត និងបានបង្អុរភ្លៀងធ្លាក់មកយ៉ាងខ្លាំង ព្រមជាមួយគ្នានោះក៏មានខ្យល់បក់បោកមកជាមួយផងដែរ បណ្តាលឱ្យបក់ចំផ្ទះរបស់ពួកគាត់រងការខូចខាត ដោយផ្ទះ១ខ្នងរលំរាបដល់ដីទាំងស្រុង និងផ្ទះផ្សេងទៀតប៉ើងរបូតដំបូល។ ក្រោយពេលភ្លៀងរាំងម្ចាស់ផ្ទះរងគ្រោះបានរាយការណ៍ទៅលោកមេភូមិអំពីការខូចខាតនេះ មួយសន្ទុះក្រោយមកពួកគាត់បានឃើញវត្តមានរបស់មន្ត្រីអាជ្ញាធរស្រុកចុះមកសួរសុខទុក្ខពួកគាត់ផងដែរ ក្នុងនោះមន្ត្រីមួយចំនួនបានធ្វើរបាយការណ៍ថា នឹងរៀបចំដាក់ទៅថ្នាក់លើជូនជ្រាប។
មិនអាចសុំការពន្យល់ពីលោកអភិបាល និងអភិបាលរងស្រុកភ្នំស្រួចបានឡើយ នៅព្រឹកថ្ងៃទី២២ មីនានេះ តែបើតាមមន្ត្រីសាលាស្រុកភ្នំស្រួចបានប្រាប់ថា ឧបទ្ទវហេតុនេះ ខាងស្រុកបានធ្វើរបាយការណ៍ដាក់ជូនថ្នាក់លើអស់ហើយ។ ករណីនេះគ្រាន់តែខូចខាតផ្ទះសម្បែងតែប៉ុណ្ណោះ មិនមានគ្រោះថ្នាក់ដល់អាយុជីវិយមនុស្សសត្វឡើយ។
ក្នុងហេតុការណ៍គ្រោះធម្មជាតិនេះដែរ លោកវ៉ី សំណាង អភិបាលនៃគណៈអភិបាលខេត្ត និងជាប្រធានកាកបាទក្រហមខេត្តបានប្រាប់ថា «លោកបានជ្រាបអំពីករណីនេះហើយ ក្នុងនាមអាជ្ញាធរមិនព្រងើយកន្តើយឡើយ ចំពោះទុក្ខលំបាករបស់ប្រជាពលរដ្ឋ» លោកអភិបាលបន្តថា ពេលនេះលោកកំពុងធ្វើដំណើរទៅកាន់ភូមិសំបួរ ឃុំតាំងស្យាទី ដែលកើតមានហេតុការណ៍គ្រោះធម្មជាតិនេះ ដើម្បីនាំយកអំណោយខ្លះៗចែកជូនដល់ម្ចាស់ផ្ទះរងគ្រោះ គ្រាន់បានជួយសំរាលការលំបាករបស់ពួកគាត់បានមួយកំរិត៕
ចែករំលែកព័តមាននេះ