ខេត្តកំពង់ស្ពឺ ៖ បុរសម្នាក់បានរងរបួសជាទម្ងន់ និងត្រូវបានបញ្ជូនទៅសង្គ្រោះនៅមន្ទីរពេទ្យឯរាជធានីភ្នំពេញភ្លាមៗ ដោយសារត្រូវចោរមួយក្រុមបា.ញ់ប្លន់យកម៉ូតូ ។ ចំណែកក្រុមចោរ ក្រោយពីបា.ញ់ប្លន់យកម៉ូតូបានហើយក៏ជិះគេចខ្លួនទៅបាត់ រីឯសមត្ថកិច្ចបានត្រឹមតែចុះធ្វើកំណត់ហេតុប៉ុណ្ណោះ ។
ខេត្តកំពង់ស្ពឺ ៖ បុរសម្នាក់បានរងរបួសជាទម្ងន់ និងត្រូវបានបញ្ជូនទៅសង្គ្រោះនៅមន្ទីរពេទ្យឯរាជធានីភ្នំពេញភ្លាមៗ ដោយសារត្រូវចោរមួយក្រុមបាញ់ប្លន់យកម៉ូតូ ។ ចំណែកក្រុមចោរ ក្រោយពីបាញ់ប្លន់យកម៉ូតូបានហើយក៏ជិះគេចខ្លួនទៅបាត់ រីឯសមត្ថកិច្ចបានត្រឹមតែចុះធ្វើកំណត់ហេតុប៉ុណ្ណោះ ។
ករណីប្លន់នេះ កើតឡើងកាលពីវេលាម៉ោង៩និង២០នាទីព្រឹកថ្ងៃទី២២ ខែមីនា នៅតាមផ្លូវលំ ក្នុងភូមិអន្លង់ធម្ម ឃុំតាំងក្រូច ស្រុកសំរោងទង។ ជនរងគ្រោះឈ្មោះ បុិន សាវុធ អាយុ៣៦ឆ្នាំ រស់នៅក្នុងភូមិ ឃុំ ខាងលើ ។
បើតាមអ្នកឃើញហេតុការណ៍និយាយប្រាប់សមត្ថកិច្ចថា ជនរងគ្រោះជិះម៉ូតូសេ១២៥ពណ៌ខ្មៅ ពាក់ផ្លាកលេខ កំពង់ស្ពឺ ១H-៣៩០៥ សំដៅទៅផ្ទះ ។ ខណៈនោះស្រាប់តែមានជន២នាក់ជិះម៉ូតូមួយគ្រឿងស៊េរី២០១៦ អត់ផ្លាកលេខ មកកៀរជនរងគ្រោះ ហើយដកកាំភ្លើងបាញ់ដូចបាញ់ចាបបណ្តាលឱ្យជនរងគ្រោះមានរបួសជាទម្ងន់ ។
ក្រោយពេលបាញ់ជនរងគ្រោះរងរបួសហើយ ក្រុមចោរក៏បានដណ្តើមយកម៉ូតូជិះគេចខ្លួនបាត់តែម្តង ។ ភ្លាមៗនោះ អ្នកភូមិបានរាយរណ៍ទៅសមត្ថកិច្ច ដើម្បីឱ្យជួយអន្តរាគមន៍ដែរ តែវាហាក់បីដូចជាយឺតពេល ព្រោះក្រុមចោរមិនដឹងជារត់គេចទៅដល់ក្រហែងណាទៅហើយ ។
ប្រជាពលរដ្ឋបានសំណូមពរដល់សមត្ថកិច្ចគ្រប់ស្ថាប័ន សូមជួយស្រាវជ្រាវរកមុខសញ្ញាជនសង្ស័យ ដើម្បីចាប់ខ្លួនយកមកផ្តន្ទាទោសឱ្យខាងតែបាន ដើម្បីកុំឱ្យប្រជាពលរដ្ឋមានការព្រួយបារម្ភអំពីសន្តិសុខក្នុងមូលដ្ឋានតទៅទៀត៕
ចែករំលែកព័តមាននេះ