រាជធានីភ្នំពេញ ៖ ការប្រកួតប្រដាល់វគ្គសន្សំពិន្ទុឈានទៅដណ្ដើមខ្សែក្រវាត់គោជល់រដូវកាលទី៧ក្នុងប្រភេទទម្ងន់៦៣,៥គីឡូក្រាមនៅលើសង្វៀនស៊ីអិនស៊ី ថ្ងៃសៅរ៍ទី២៥ មីនា ខាងមុខនេះ ឈានចូលដល់សប្ដាហ៍ទី២ហើយ ។
រាជធានីភ្នំពេញ ៖ ការប្រកួតប្រដាល់វគ្គសន្សំពិន្ទុឈានទៅដណ្ដើមខ្សែក្រវាត់គោជល់រដូវកាលទី៧ក្នុងប្រភេទទម្ងន់៦៣,៥គីឡូក្រាមនៅលើសង្វៀនស៊ីអិនស៊ី ថ្ងៃសៅរ៍ទី២៥ មីនា ខាងមុខនេះ ឈានចូលដល់សប្ដាហ៍ទី២ហើយ ។
ឌុម កែវដា មកពីក្លិបមកុដរាជសីហ៍ ជួបប្រកួតជាមួយកីឡាករថៃឈ្មោះមុងឃុនផេតណាយ៉ាមៈវីវ ចំណែកឃីម ឌីម៉ា មកពីក្លិបរស្មីភូមិគាបខេត្តបន្ទាយមានជ័យ ជួបប្រកួតជាមួយកីឡាករថៃឈ្មោះហ្វានិមិត្ត វិរិយៈហ្វាម។ គេនៅចាំបានថា កាលពីសប្ដាហ៍ទី១កន្លងមក កីឡាករកម្ពុជា២រូបគឺសេក គឹមរួន មកពីក្លិបអង្គរមានជ័យខេត្តសៀមរាប និងឆៃ សារ៉ា មកពីសមាគមកីឡាប្រដាល់់ក្រសួងការពារជាតិ ជាអ្នករកបាន៣ពិន្ទុមុនគេ ។ ដោយឡែកនៅក្នុងសប្ដាហ៍នេះគេមិនទាន់ដឹងថា កីឡាករកម្ពុជាទាំងពីរមានសំណាងរកបាន៣ពិន្ទុដែរឬអត់ ។
ឌុម កែវដា ចាញ់ប្រៀបទាំងកម្ពស់និងចំនួនប្រកួតរបស់កីឡាករថៃដាច់តែម្ដង ។ កីឡាករកម្ពុជារូបនេះមានកម្ពស់១,៧០ ធ្លាប់ប្រកួត៣០ដង ឈ្នះ២៥ដង ចាញ់៥ដង និងធ្លាប់ផ្ដួលគូប្រកួតឱ្យសន្លប់បាន១១ដង ក្នុងពេលកីឡាករថៃមានកម្ពស់១,៧៨ម៉ែត្រ ធ្លាប់ប្រកួត១០៩ដង ឈ្នះ៩០ដង ចាញ់១៥ដង ស្មើ៤ដង និងផ្ដួលគូប្រកួតឱ្យសន្លប់១៩ដង ។ ដូច្នេះសម្រាប់ការប្រកួតលើកនេះឌុម កែវដា ពិបាកសង្ឃឹមរកបាន៣ពិន្ទុខ្លាំងណាស់ ។
ចំណែក ឃីម ឌីម៉ា មានកម្ពស់១,៧២ម៉ែត្រ ធ្លាប់ប្រកួត៦៥ដង ឈ្នះ៥៦ដង ចាញ់៦ដង ស្មើ៣ដង និងផ្ដួលគូប្រកួតឱ្យសន្លប់បាន២០ដង ក្នុងពេលកីឡាករថៃមានកម្ពស់១,៧៥ម៉ែត្រ ធ្លាប់ប្រកួត១៨៤ដង ឈ្នះ១៣២ដង ចាញ់៥១ដង ស្មើ៣ដង និងផ្ដួលគូប្រកួតឱ្យសន្លប់៤០ដង ។
តាមរយៈប្រវត្តិប្រកួតខុសគ្នាដាច់ឆ្ងាយបែបនេះ ឃឹម ឌីម៉ា ប្រហែលជាពិបាកស្វែងរក៣ពិន្ទុជាលើកដំបូងហើយ ។
ដោយឡែកសរ រាជសីហ៍ មកពីក្លិបមោងឬស្សីមរតកគុនខ្មែរ ត្រូវជួបប្រកួតជាមួយកីឡាករបេឡារុសឈ្មោះស៊ូហ្សា អេឡិចសាន់ឌឺ ជាលក្ខណៈមិត្តភាព ។ សរ រាជសីហ៍ ធ្លាប់ប្រកួត៦៥ដង ឈ្នះ៥៩ដង ចាញ់១៥ដង ស្មើ១ដង និងធ្លាប់ផ្ដួលគូប្រកួតឱ្យសន្លប់បាន១០ដង ក្នុងពេលកីឡាករបេឡារុស ធ្លាប់ប្រកួត១៧ដង ឈ្នះ១៣ដង ចាញ់៤ដង និងផ្ដួលគូប្រកួតឱ្យសន្លប់បាន៤ដង ។
នៅលើសង្វៀនដដែល កីឡាករ បឺត សង្ឃឹម មកពីក្លិបរ៉ាហាប់ស្វាយប៉ាក ត្រូវគេផ្គូផ្គងឱ្យជួបប្រកួតជាមួយកីឡាករ ព្រំ វី មកពីក្លិបទីបញ្ជាការកងទ័ពជើងទឹកក្នុងលក្ខណៈមិត្តភាពផងដែរ ៕
ចែករំលែកព័តមាននេះ