ខេត្តកំពង់ឆ្នាំង ៖ បទល្មើសដាក់សម្រាស់ក្នុងទន្លេ ដែលក្រុមជនល្មើសកា.ប់ព្រៃលិចទឹកប្រភេទដើមរាំង ដឹកយកទៅទម្លាក់ចូលក្នុងទន្លេ និងនៅតាមព្រែកក្នុងភូមិសាស្ត្រ ឃុំផ្លូវទូក ស្រុកកំពង់លែង ខេត្តកំពង់ឆ្នាំង នៅតែមាន
ខេត្តកំពង់ឆ្នាំង ៖ បទល្មើសដាក់សម្រាស់ក្នុងទន្លេ ដែលក្រុមជនល្មើសកាប់ព្រៃលិចទឹកប្រភេទដើមរាំង ដឹកយកទៅទម្លាក់ចូលក្នុងទន្លេ និងនៅតាមព្រែកក្នុងភូមិសាស្ត្រ ឃុំផ្លូវទូក ស្រុកកំពង់លែង ខេត្តកំពង់ឆ្នាំង នៅតែមានយ៉ាងច្រើនស្អេកស្កះ មិនត្រឹមប៉ុណ្ណឹងពេលនេះក្រុមជនល្មើសចាប់ផ្ដើមយកអួនហ៊ុមចាប់យកត្រីបណ្ដើរៗហើយ។
ជាក់ស្តែងនៅថ្ងៃទី២០ ខែមីនា ឆ្នាំ២០១៧ អ្នកសារព័ត៌មានមួយក្រុមបានចុះទៅតាមដងទន្លេដល់ចំណុចព្រែកសាលាថ្ម ព្រែកជើងលួង ព្រែកកោះអ្នកតា ព្រែកផ្លូវទូក និងព្រែកពាមឃ្នង ស្ថិតនៅភូមិពាមខ្នង ឃុំផ្លូវទូក ស្រុកកំពង់លែង បានជួបប្រទះក្រុមជនល្មើសកំពុងយកសាច់អួនហ៊ុមចាប់ត្រីទាំងកណ្ដាលថ្ងៃយ៉ាងអនាធិបតេយ្យបានដោយគ្មានខ្លាចចំពោះសមត្ថកិច្ច និងមន្ត្រីជំនាញឡើយ។ ឃើញបែបនេះ ក្រុមអ្នកកាសែតមិនហ៊ានចូលជិតទេ គ្រាន់តែថតពីចម្ងាយ ព្រោះដើម្បីសុវត្ថិភាព និងគោរពវិជ្ជាជីវៈ ក៏បានទូរស័ព្ទប្រាប់ទៅលោក ងិន ហ៊ុន ប្រធានមន្ទីរកសិកម្មខេត្តកំពង់ឆ្នាំង ហើយគាត់ក៍បានអរគុណ និងប្រាប់ថា នឹងចាត់ឱ្យមន្ត្រីជំនាញចុះបង្ក្រាបជាបន្ទាន់។
រហូរតដល់រសៀលថ្ងៃទី២១ មីនា លោក ងិន ហ៊ុន ប្រធានមន្ទីរកសិកម្មខេត្តកំពង់ឆ្នាំង បានប្រាប់តាមទូរស័ព្ទថា មន្ត្រីជលផលបានចុះបង្ក្រាបទៅឃើញមានអួនហ៊ុមសម្រាស់៣កន្លែង នៅចំណុចដែលបានរាយការណ៍ ប៉ុន្តែ២កន្លែងបានហ៊ុមរួច និងបានរត់គេចខ្លួនអស់ចាប់បានមួយកន្លែង និងបានសាច់អួន១វង់ ប៉ុន្តែមនុស្សចាប់មិនបានទេ រត់អស់ហើយ ។
ទោះយ៉ាងនេះក្តី ប្រជាពលរដ្ឋបានបង្ហើបឲ្យដឹងថា ក្រុមជនល្មើសហ៊ុមសម្រាស់ទាំងកណ្តាលថ្ងៃបានដោយរលូន ដោយគ្មានការភ័យខ្លាចបែបនេះ ដោយសារមានអ្នកដើរប្រមូលលុយពីក្រុមបទល្មើសយកទៅរត់ការ ចែកជូនសមត្ថកិច្ចគ្រប់ស្ថាប័នជាប្រព័ន្ធ ។
ប្រភពដដែលបានបន្តទៀតថា អ្នករត់ការជាក្រុមប្រឹក្សាឃុំផ្លូវទូក ដែលមានសម្រាស់រាប់សិបកន្លែង និងក្នុងសម្រាស់មួយកន្លែងបង់លុយចាប់ពី៥០ម៉ឺនទៅ១លានរៀល តាមសម្រាស់តូច ឬធំ ៕
ចែករំលែកព័តមាននេះ