សេពទាំងគ្រឿងញៀ.ន លេងទាំងហ្គេមបា.ញ់ត្រី
រាជធានីភ្នំពេញ ៖ កម្លាំងនគរបាលប៉ុស្តិ៍ទន្លេបាសាក់សហការជាមួយគណៈបញ្ជាការសាលាសង្កាត់ទន្លេបាសាក់បានធ្វើការឆ្មក់ចូលទៅបង្ក្រាបទីតាំងទូហ្គេមបា.ញ់ត្រី
រាជធានីភ្នំពេញ ៖ កម្លាំងនគរបាលប៉ុស្តិ៍ទន្លេបាសាក់សហការជាមួយគណៈបញ្ជាការសាលាសង្កាត់ទន្លេបាសាក់បានធ្វើការឆ្មក់ចូលទៅបង្ក្រាបទីតាំងទូហ្គេមបាញ់ត្រីមួយកន្លែងឃាត់ខ្លួនបានមនុស្សប្រុស-ស្រីចំនួន៥នាក់ មានថ្នាំញៀនចំនួន៣០កញ្ចប់តូច និងទូហ្គេមបាញ់ត្រីចំនួន១ ដែលហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង១១និង១០នាទីយប់ថ្ងៃទី២១ ខែមីនា ឆ្នាំ២០១៧ នៅចំណុចផ្ទះលេខ10GAEo ម្លុកប៊ូឌីញ ស្ថិតនៅក្នុងក្រុម១ ភូមិ១ សង្កាត់ទន្លេបាសាក់ ខណ្ឌចំការមន ។
ជនសង្ស័យទី១មានឈ្មោះ សោម វីរៈ ភេទប្រុស អាយុ៣៦ឆ្នាំ មានមុខរបរមិនពិតប្រាកដ ស្នាក់នៅផ្ទះជួល ផ្លូវសុធារស ក្រុម១ ភូមិ១ សង្កាត់ទន្លេបាសាក់ ខណ្ឌចំការមន, ទី២មានឈ្មោះ លឹម ស៊ីណា ភេទស្រី អាយុ២៨ឆ្នាំ ស្នាក់នៅផ្ទះជួលលេខ២១៩ សង្កាត់ទឹកថ្លា ខណ្ឌសែនសុខ, ទី៣មានឈ្មោះ ម៉ុក រស្មីពេជ្រ ភេទប្រុស អាយុ២៤ឆ្នាំ ស្នាក់នៅសង្កាត់ចោមចៅ ខណ្ឌពោធិ៍សែនជ័យ, ទី៤មានឈ្មោះ ម៉ុច សុភារិន ភេទប្រុស អាយុ១៦ឆ្នាំ ស្នាក់នៅផ្ទះជួល ផ្លូវ៥១ សង្កាត់ផ្សារថ្ម៣ ខណ្ឌដូនពេញ និងទី៥ឈ្មោះ វុធ វណ្ណរី ភេទស្រី អាយុ៣៥ឆ្នាំ ជាអ្នកមើលហ្គេម ស្នាក់នៅផ្ទះលេខ២៣៩២ ផ្លូវ៩១ សង្កាត់ស្រះចក ខណ្ឌដូនពេញ។
តាមប្រភពព័ត៌មានពីនគរបាលប៉ុស្តិ៍ទន្លេបាសាក់បានឱ្យដឹងថា មុនពេលកើតហេតុកម្លាំងរបស់សមត្ថកិច្ចបានសហការជាមួយគណៈបញ្ជាការឯកភាពសាលាសង្កាត់ទន្លេបាសាក់បានចុះទៅបង្ក្រាបទីតាំងដែលសំបូរទៅដោយអ្នកជួញដូរ និងប្រើប្រាស់គ្រឿង
ខណៈពេលកើតហេតុបង្ក្រាបបានជាក់ស្តែងនៅផ្ទះមួយកន្លែងនៅតំបន់ប៊ូឌីញ ដកហូតបានវត្ថុតាងទូហ្គេមបាញ់ត្រីចំនួន១ទូ ប្រាក់រៀលចំនួន៥៨.០០០រៀល ១០០ដុល្លារ ថ្នាំញៀន៣០កញ្ចប់តូច រួមនឹងជនសង្ស័យប្រុស៣នាក់ និងស្រី២នាក់ទាំងអ្នកមើលហ្គេម ។
ក្រោយពេលកើតហេតុជនសង្ស័យទាំង៥នាក់រួមនឹងថ្នាំញៀនចំនួន៣០កញ្ចប់តូចត្រូវសមត្ថកិច្ចបញ្ចូនទៅកាន់អធិការដ្ឋានខណ្ឌចំការមន រីឯទូហ្គេមបាញ់ត្រីវិញត្រូវបានដឹកយកទៅរក្សាទុកនៅសាលាខណ្ឌចំការមនដើម្បីកំទេចចោល ៕
ចែករំលែកព័តមាននេះ