ចៅក្រមបង្គាប់ឲ្យនាំខ្លួនលោក គឹម សុខ ជាលើកទី២ មកសាកសួរឡើងវិញ
រាជធានីភ្នំពេញ ៖ ជាលើកទី២ហើយ នៅរសៀលថ្ងៃទី២១ មីនា ២០១៧ ចៅក្រមស៊ើបសួរសាលាដំបូងរាជធានីភ្នំពេញ បានបង្គាប់ទៅអនុរក្សពន្ធនាគារព្រៃស
រាជធានីភ្នំពេញ ៖ ជាលើកទី២ហើយ នៅរសៀលថ្ងៃទី២១ មីនា ២០១៧ ចៅក្រមស៊ើបសួរសាលាដំបូងរាជធានីភ្នំពេញ បានបង្គាប់ទៅអនុរក្សពន្ធនាគារព្រៃស
រាជធានីភ្នំពេញ ៖ ជាលើកទី២ហើយ នៅរសៀលថ្ងៃទី២១ មីនា ២០១៧ ចៅក្រមស៊ើបសួរសាលាដំបូងរាជធានីភ្នំពេញ បានបង្គាប់ទៅអនុរក្សពន្ធនាគារព្រៃស ឲ្យនាំខ្លួនលោក គឹម សុខ មកសាកសួរឡើងវិញ ដែលគិតពីថ្ងៃចាប់ខ្លួនមកដល់ពេលនេះ នៅមិនទាន់មានចម្លើយណាមួយជាផ្លូវការនោះទេ។
ថ្ងៃនេះចាត់ទុកជាលើកទី២ ដែលលោក រស់ ពិសិដ្ឋ ចៅក្រមស៊ើបសួរសាលាដំបូងរាជធានីភ្នំពេញ តម្រូវសាកសួរយកចម្លើយពីជនជាប់សង្ស័យឈ្មោះ គឹម សុខ ដែលអមដោយលោក ជួង ជូងី ជាមេធាវីការពារក្តីចូលរួមស្តាប់ផងដែរ។ ប៉ុន្តែលទ្ធផលឆ្លើយមិនឆ្លើយ នៅមិនទាន់ត្រូវបានទម្លាយពីមន្ត្រីសាលាដំបូងរាជធានីភ្នំពេញនៅឡើយទេ ។
គួរបញ្ជាក់ថា កាលពីព្រឹកថ្ងៃទី១០ មីនា ២០១៧ លោក រស់ ពិសិដ្ឋ ចៅក្រមស៊ើបសួរ បានបង្គាប់ទៅសមត្ថកិច្ចពន្ធនាគាព្រៃស ឲ្យនាំខ្លួនលោក គឹម សុខ អ្នកវិភាគនយោបាយ និងជាអ្នកតាមដានកិច្ចការសង្គម ដែលកំពុងជាប់នៅក្នុងឃុំ ឲ្យមកសាកសួរម្តងរួចហើយដែរ ប៉ុន្តែលោក គឹម សុខ មិនឆ្លើយអវត្តមានមេធាវី ។ សំណុំរឿងលោក គឹម សុខ ពាក់ព័ន្ធការចោទប្រកាន់មានពីរបទល្មើសទី១.បទញុះញង់ឲ្យប្រព្រឹត្តបទឧក្រិដ្ឋជាអាទិ និងទី២.បទបរិហាកេរ្តិ៍ជាសាធារណៈ តាមមាត្រា៤៩៤ មាត្រា៤៩៥ និងមាត្រា៣០៥ នៃក្រមព្រហ្មទណ្ឌ តម្រូវយកមកសាកសួរឡើងវិញ យោងលើពាក្យបណ្តឹងរបស់លោក គី តិច ជាមេធាវីការពារក្តីជូនសម្តេចតេជោ ហ៊ុន សែន នាយករដ្ឋមន្ត្រី
។ សំណុំរឿងនេះកំពុងស្ថិតនៅដៃលោក រស់ ពិសិដ្ឋ ចៅក្រមស៊ើបអង្កេតសាលាដំបូងរាជធានីភ្នំពេញនៅឡើយទេ។ ប្រភពព័ត៌មានបានឲ្យដឹងថា លោក គឹម សុខ នៅតែប្រកាន់ជំហរ មិននិយាយមិនឆ្លើយ នូវអី្វទាំងអស់រាល់សំណួរ របស់លោកចៅក្រមស៊ើបសួរ។ ហើយក៏មិនមែនតែលើកនេះទេ តាំងពីពេលចាប់ខ្លួនទាំងនៅដំណាក់កាលតំណាងអយ្យការ ក៏ដូចជាខាងចៅក្រមដែរ ពោលគឺមកដល់ពេលនេះមិនទាន់មានចម្លើយណាមួយពីលោក គឹម សុខ ជាផ្លូវការនៅឡើយ នេះបើតាមការបង្ហើបពីមន្ត្រីសាលាដំបូងរាជធានីភ្នំពេញ ។
ទោះជាយ៉ាងណាលោក ជួង ជូងី មេធាវីការពារក្តីដោយអាណត្តិឲ្យលោក គឹម សុខ បានប្រាប់អ្នកសារព័ត៌មាននៅព្រឹកថ្ងៃទី១០ មីនា នេះដែរថា ក្នុងនាមលោកជាមេធាវីការពារក្តីឲ្យជនជាប់សង្ស័យលោកបានដាក់ពាក្យស្នើសុំទៅលោកចៅក្រមស៊ើបសួរសាលាដំបូង ដើម្បីសុំពន្យាពេលក្នុងការឲ្យនាំកូនក្តីមកសាកសួរនៅព្រឹកនេះដែរ ដោយសាររូបលោកជាប់រវល់នៅសាលាឧទ្ធរណ៍ មិនបានទៅស្តាប់ចម្លើយ ឬក៏អាចថាមិនបាននាំកូនក្តីជូនលោកចៅក្រមសាកសួរតាមនីតិវិធីនោះទេ។
លោកមេធាវី ជួង ជូងី ប្រាប់តាមទូរស័ព្ទទៀតថា ការស្នើសុំលោកចៅក្រមពន្យាពេលនោះ មិនបានជោគជ័យទេ ដូច្នោះហើយបានជាអនុរក្សពន្ធនាគារ នាំកូនក្តីលោកទៅកាន់សាលាដំបូងរាជធានីភ្នំពេញ តាមការបង្គាប់របស់លោកចៅក្រមស៊ើបសួរ។ ម៉ោងប្រមាណ១១ព្រឹកថ្ងៃដដែលអនុរក្សពន្ធនាគារព្រៃស នាំលោក គឹម សុខ យកទៅឃុំខ្លួនជាបណ្តោះអាសន្នវិញ៕
ចែករំលែកព័តមាននេះ