ប្រធានាធិបតីហ្វ៊ីលីពីន លោក RODRIGO DUTERTE ដែលគេស្គាល់ថាជាមនុស្សមាត់ដាចនិយាយត្រង់ៗកាលពីថ្ងៃទី២០ មីនា បានជះការប្រមាថឆ្លើយតបចំពោះសភាអឺរ៉ុប ដែលចេញសេចក្តីសម្រេចចិត្តមួយថ្កោលទោស
ប្រធានាធិបតីហ្វ៊ីលីពីន លោក RODRIGO DUTERTE ដែលគេស្គាល់ថាជាមនុស្សមាត់ដាចនិយាយត្រង់ៗកាលពីថ្ងៃទី២០ មីនា បានជះការប្រមាថឆ្លើយតបចំពោះសភាអឺរ៉ុប ដែលចេញសេចក្តីសម្រេចចិត្តមួយថ្កោលទោសគម្រោងនានារបស់លោកស្តារឡើងវិញ ទោសប្រហារជីវិតពីបទឧក្រិដ្ឋទាក់ទិនគ្រឿងញៀន ។
ពេលទៅបំពេញទស្សនកិច្ចជាផ្លូវការនៅរដ្ឋធានីភូមា ក្រុងណៃពិដោ លោក DUTERTE ថ្លែងថា ខ្ញុំសូមនិយាយជាភាសាអង់គ្លេស ។ ហេតុអីក៏អ្នកឯងសាកល្បងចាប់បង្ខំយើងឱ្យទទួលយកវប្បធម៌ និងទស្សនៈរបស់អ្នកឯងថាតើគេត្រូវគ្រប់គ្រងភពផែនដីបែបណា? ហេតុអីក៏អ្នកឯងមិនគិតគូរពីកិច្ចការផ្ទាល់ទាំងឡាយរបស់អ្នកឯងទៅ? ហេតុអ្វីក៏អ្នកឯងចង់ចាប់បង្ខំយើងឱ្យធ្វើបែបនេះ ឬបែបនោះ?
មេដឹកនាំហ្វ៊ីលីពីនត្រូវគេស្គាល់ថាជាអ្នកចេញការប្រកាសប្រមាថនានាដល់អតីតប្រធានាធិបតីអាមេរិកលោកបារ៉ាក់ អូបាម៉ា ។ លោក DUTERTE បង្កឱ្យមានរឿងអាស្រូវអន្តរជាតិមួយ ដោយចាត់ទុកលោកអូបាម៉ា ជាកូនសំផឹង ក្រោយពីលោកអូបាម៉ា សម្តែងពីការព្រួយបារម្ភរបស់លោកចំពោះស្ថានភាពសិទ្ធិមនុស្សនៅហ្វ៊ីលីពីន ។ បន្ទាប់មកប្រមុខរដ្ឋហ្វ៊ីលីពីនថ្លែងថា លោកបារ៉ាក់ អូបាម៉ា អាចចុះទៅឋានបិសាច ប្រសិនបើសហរដ្ឋអាមេរិកពុំចង់លក់អាវុធឱ្យដល់ហ្វ៊ីលីពីន ។
ជាប់ឆ្នោតកាលពីខែឧសភា ឆ្នាំ២០១៦ លោក RODRIGO DUTERTE ជាអ្នកតតាំងយ៉ាងប្តូរផ្តាច់ប្រឆាំងបណ្តាមនុស្សដែលចំណុះនឹងគ្រឿងញៀន ព្រមទាំងប្រឆាំងបណ្តាអ្នកចែកចាយគ្រឿងញៀន ។ វិធីសាស្ត្រនៃការតស៊ូប្រឆាំងការរត់ពន្ធគ្រឿងញៀននៅហ្វ៊ីលីពីនញ៉ាំងឱ្យមានសង្គ្រាមប៉ាកា ៕
ចែករំលែកព័តមាននេះ