ប្រធានមន្ទីរបញ្ជាឱ្យមេព្រៃចុះចាប់ឈើហុប14គោយន្តតែមានការយឺតយ៉ាវធ្វើឱ្យរត់រួចយ៉ាងស្រួល
ខេត្តកំពង់ឆ្នាំង ៖ ដោយសារតែមានការយឺតយ៉ាវក្នុងការបង្ក្រាបបទល្មើសព្រៃឈើធ្វើឱ្យឈើហ៊ុបធំៗចំនួន១៤គោយន្ត
ខេត្តកំពង់ឆ្នាំង ៖ ដោយសារតែមានការយឺតយ៉ាវក្នុងការបង្ក្រាបបទល្មើសព្រៃឈើធ្វើឱ្យឈើហ៊ុបធំៗចំនួន១៤គោយន្តដែលបានកាប់ចេញពីដែនជម្រកសត្វព្រៃភ្នំឱរ៉ាល់ខេត្តពោធិ៍សាត់ បានរបូតរត់រួចដោយសុវត្ថិភាព កាលពីរសៀលថ្ងៃទី១៩ ខែមីនា ឆ្នាំ២០១៧ នៅក្នុងភូមិដំណាក់ខ្លុង ឃុំក្តុលសែនជ័ យ ស្រុកទឹកផុស ខេត្តកំពង់ឆ្នាំង ។ មានក្រុមអ្នកកាសែតមួយក្រុមបានប្រទះឃើញគោយន្ត១៤គ្រឿងដឹកឈើហុបប្រភេទផ្ចឹកមកដល់ចំណុចភូមិតំណាក់ខ្លុង ហើយបានរាយការណ៌ទៅលោកប្រធានមន្ទីរកសិកម្មខេត្តបញ្ជារឱ្យសង្កាត់រដ្ឋបាលព្រៃឈើគ្រាំងស្គារចុះបង្ក្រាប ប៉ុន្តែដោយសារតែភាពអសកម្មយឺតយ៉ាវយូរម៉ោងពេកគោយន្តដឹកឈើល្មើសច្បាប់ទាំងអស់នោះបាននាំគ្នាបើកគេចចូលព្រៃអស់ ។
ក្រុមអ្នកបើកគោយន្តទាំងនោះបាននិយាយថា ពួកគាត់រស់នៅក្នុងស្រុកសាមគ្គីមានជ័យបាននាំគ្នាឡើងកាប់ឈើទាំងនេះនៅក្នុងដែនជម្រកសត្វព្រៃភ្នំឱរ៉ាល់ខេត្តពោធិ៍សាត់ដោយត្រូវបង់លុយឱ្យមន្ត្រីការពារដែនជម្រកសត្វព្រៃក្នុង១គោយន្ត៦ម៉ឺនរៀលទើបចូលកាប់ឈើលើភ្នំបាន ។ នៅពេលដឹកឈើត្រឡប់មកវិញត្រូវបង់លុយឱ្យមេព្រៃស្រុកភ្នំក្រវាញក្នុង១គោយន្ត៦ម៉ឺនរៀល បង់ឱ្យនគរបាល និងប៉េអឹមក្នុងមួយស្ថាប័ន២ម៉ឺនរៀល ពេលចូលដល់ដីស្រុកទឹកផុសត្រូវបង់ឱ្យមេព្រៃក្តុលក្នុង១គោយន្ត១០ម៉ឺនរៀល មេព្រៃរមាស១០ម៉ឺនរៀល ពេលជួបនគរបាលស្រុក និងប៉េអឹមស្រុកត្រូវបង់ឱ្យគេក្នុង១គោយន្ត២ម៉ឺនរៀលទៀតគឺបង់ឱ្យហូរហែរហូតឱ្យតែជួបសមត្ថកិច្ច ទើបអាចដឹកឈើទៅដល់ផ្ទះបាន ។
ក្នុងមួយជើងពួកគាត់ត្រូវចំណាយពេលឡើងកាប់ឈើ និងដឹកឈើមកវិញរយៈពេល១ខែ និងក្នុង១គោយន្តដឹកឈើបាន២ម៉ែត្រគូបយកទៅលក់បានលុយ១៥០ម៉ឺនរៀលតែត្រូវចំណាយរត់ការតាមផ្លូវអស់ពាក់កណ្តាលនៅសល់ពាក់កណ្តាល ។ គេមិនដឹងថា ការយឺតយ៉ាវក្នុងការបង្ក្រាបនេះមិនដឹងថា មកពីមន្ត្រីជំនាញនៅឆ្ងាយពេក ឬមានចេតនាដំអក់ យ៉ាងណានោះទេទើបបណ្តោយឱ្យបទល្មើសដឹកឈើយ៉ាងព្រហើននេះរត់រួចទៅបាន ៕
ចែករំលែកព័តមាននេះ