អង់គ្លេស ៖ តាមប្រភពព័ត៌មាន Metro បានឱ្យដឹងថា គ្រូស្រីម្នាក់ដែលសារភាពថា ខ្លួនពិតជាបានរួមភេទជាមួយសិស្សប្រុស២នាក់ដែលមានអាយុ១៧ឆ្នាំពិតមែន មិនត្រូវបានគេដាក់ទោសឱ្យជាប់ពន្ធនាគារទេ ។
អ្នកគ្រូខាងលើ ឈ្មោះ Haeli Noelle Way អាយុ២៨ឆ្នាំ បានរួមភេទជាមួយសិស្សប្រុសម្នាក់ជាង១០ដង បន្ទាប់ពីបានដើរលេងជាមួយគ្នានៅអាហ្វ្រិក ។ ក្រោយមក នាងក៏ទៅទាក់ទងជាមួយសិស្សប្រុសម្នាក់ទៀត ហើយរួមភេទនៅពេលទៅឡើងភ្នំ ។ បន្ទាប់ពីបានរួមភេទរួចរាល់ហើយ នាងបានប្រាប់ឱ្យសិស្សប្រុសម្នាក់នោះ លុបសារទាំងប៉ុន្មានចេញឲ្យអស់។
ដោយមិនបានកាត់ទោសឱ្យជាប់គុក នាងត្រូវធ្វើការបម្រើសង្គមរយៈពេល២០០ម៉ោង ដោយមិនយកប្រាក់កម្រៃ ហើយមិនត្រូវប្រព្រឹត្តបទល្មើសផ្សេងទៀត ក្នុងកំឡុងពេល១០ឆ្នាំ។
មេធាវីរបស់នាង លោក Larry Sauer ឱ្យដឹងថា ការដាក់ទោសនេះ ពិតជាមានហេតុផលត្រឹមត្រូវ ។ លោកបានបន្តថា «និយាយរួមទៅ ប្រសិនបើនាងមិនធ្វើអ្វីខុសទៀត នៅក្នុងកំឡុងពេល១០ឆ្នាំនេះ នាងនឹងអាចលុបលាងទោសបានទាំងស្រុង» ។
ជាមួយគ្នានឹងការកាត់ទោសនេះ មានមតិមហាជនខ្លះលើកឡើងថា «វាពិតជាមិនស្មើភាពសោះ សម្រាប់មនុស្សប្រុស ។ ឱ្យតែគ្រូប្រុសរួមភេទជាមួយសិស្សស្រី មិនទាន់គ្រប់អាយុវិញ ប្រាកដជាប់គុកហើយ» ។
ចែករំលែកព័តមាននេះ