គោយន្តកន្ត្រៃសោះកែច្នៃដឹកសម្ភារបានច្រើនត្រូវសមត្ថកិច្ចហៅម្ចាស់ណែនាំ
ខេត្តឧត្តរមានជ័យ ៖ ការិយាល័យប៉ូលិសចរាចរណ៍ផ្លូវគោកនៃស្នងការដ្ឋាននគបាលខេត្តឧត្តរមានជ័យបានធ្វើការឃាត់ម្ចាស់គោយន្តកន្ត្រៃ២គ្រឿង
ខេត្តឧត្តរមានជ័យ ៖ ការិយាល័យប៉ូលិសចរាចរណ៍ផ្លូវគោកនៃស្នងការដ្ឋាននគបាលខេត្តឧត្តរមានជ័យបានធ្វើការឃាត់ម្ចាស់គោយន្តកន្ត្រៃ២គ្រឿងដែលកែច្នៃខុសលក្ខណៈបច្ចេកទេសនាំយកទៅសាកសួរកាលពីព្រឹកថ្ងៃទី១៩ ខែមិនា ឆ្នាំ២០១៧ ។ ហេតុការណ៍នេះកើតឡើងនៅក្នុងភូមិសំរោង សង្កាត់សំរោង ក្រុងសំរោង ខេត្តឧត្តរមានជ័យ។
តាមការឱ្យដឹងពីមន្ត្រីប៉ូលិសការិយាល័យចរាចរណ៍ផ្លូវគោកនៃស្នងការដ្ឋាននគបាលខេត្តគោយន្តកន្ត្រៃទាំង២គ្រឿងបានកែច្នៃទ្រុងដោយខុសបច្ចេកទេសហើយបានផ្ទុកទំនិញ និងសម្ភារផ្សេងដឹកជញ្ជូនដូចរថយន្តធុនធំដែលអាចបង្កឱ្យមានការគ្រោះថ្នាក់ដោយយថាហេតុដល់អ្នកដ៍ទៃ ។
ប៉ូលិសដដែលបានបន្តថា សមត្ថកិច្ចប៉ូលិសបានឃាត់គោយន្តកន្ត្រៃទាំង២គ្រឿងនាំយកទៅការិយាល័យចរាចរណ៍ឱ្យម្ចាស់រុះរើទ្រុងចេញ និងធ្វើការអប់រំ និងធ្វើកិច្ចសន្យាបញ្ឈប់ការកែច្នៃដោយខុសបច្ចេកទេសបែបនេះតទៅទៀតនឹងឱ្យពួកគាត់វិលត្រឡប់ទៅលំនៅឋានក្នុងថ្ងៃដដែល ៕
ចែករំលែកព័តមាននេះ