បង្ក្រាបក្រុមបច្ចេកទេសក្រៅសាលា ច្នៃគ្រាប់បែកសងសឹកសត្រូវ
ខេត្ដបាត់ដំបង ៖ ក្រុមអ្នកបច្ចេកទេសក្រៅសាលាវ័យក្មេងចំនួន៥នាក់ បានត្រូវសមត្ថកិច្ចស្រាវជ្រាវតាមឃាត់ខ្លួនជាបន្តបន្ទាប់ កាលពីថ្ងៃទី១៧និង១៨ ខែមីនា
ខេត្ដបាត់ដំបង ៖ ក្រុមអ្នកបច្ចេកទេសក្រៅសាលាវ័យក្មេងចំនួន៥នាក់ បានត្រូវសមត្ថកិច្ចស្រាវជ្រាវតាមឃាត់ខ្លួនជាបន្តបន្ទាប់ កាលពីថ្ងៃទី១៧និង១៨ ខែមីនា
ខេត្ដបាត់ដំបង ៖ ក្រុមអ្នកបច្ចេកទេសក្រៅសាលាវ័យក្មេងចំនួន៥នាក់ បានត្រូវសមត្ថកិច្ចស្រាវជ្រាវតាមឃាត់ខ្លួនជាបន្តបន្ទាប់ កាលពីថ្ងៃទី១៧ និង១៨ ខែមីនា ក្រោយពីមានការសង្ស័យថា ពួកគេបានកែច្នៃគ្រាប់បែកដែលផ្សំឡើងពីរំសេវផាវនិងដុំថ្ម ហើយជិះម៉ូតូយកទៅបោកបង្កជាសំឡេងលាន់ដូចរន្ទះ ធ្វើឲ្យភ្ញាក់ផ្អើលដល់អ្នកភូមិដង្គត់ថ្នង់ ឃុំតាគ្រាម ស្រុកបាណន់ ។
យោងតាមរបាយការណ៍របស់អធិការដ្ឋាននគរបាលស្រុកបាណន់ បានឲ្យដឹងថា អ្នកបច្ចេកទេសក្រៅសាលាវ័យក្មេងទាំង៥នាក់នេះមាន ៖
១-ឈ្មោះ អុន ផានេត អាយុ១៨ឆ្នាំ ជាអ្នកបញ្ជា
២-ឈ្មោះ អ៊ន សុភាព ហៅពៅ អាយុ១៩ឆ្នាំ ជាអ្នកច្នៃ
៣-ឈ្មោះ សុំ ចាន់រ៉ុង ហៅញ៉ាញ់អាយុ១៥ឆ្នាំ ជាអ្នកច្នៃ
៤-ឈ្មោះ ហៀប ថានុន អាយុ១៣ឆ្នាំ ជាអ្នកបង្រៀនគេឲ្យចេះច្នៃបន្ត
និង៥-ឈ្មោះ ម៉េត ភារៈ អាយុ១៦ឆ្នាំ កំពុងរៀនតាមគេ ។ ពួកគេទាំងអស់គ្នាជាសិស្ស រស់នៅក្នុងឃុំតាគ្រាម ស្រុកបាណន់ ។
លោក ជេត វណ្ណនី ស្នងការរងនគរបាលខេត្ត ថ្លែងថា ករណីនេះផ្ដើមចេញពីពលរដ្ឋម្នាក់ប្រទះឃើញថង់ខ្មៅមួយច្រកដុំថ្មនៅក្បែររបងផ្ទះគាត់កាលពីដើមខែមីនា ហើយគាត់យកទៅបោះចោលស្រាប់តែផ្ទុះលាន់ដូចគ្រាប់បែកធ្វើឲ្យមានការភ្ញាក់ផ្អើលឡើង ទើបរាយការណ៍ប្រាប់សមត្ថកិច្ចតែម្ដង ។ ក្នុងពេលសមត្ថកិច្ចកំពុងស្រាវជ្រាវ ស្រាប់តែនៅថ្ងៃទី១៥ ខែមីនា មានក្មេងប្រុស៣នាក់ជិះម៉ូតូឌុបគ្នាយកគ្រាប់បែកច្នៃបែបនេះទៅបោកនៅក្នុងភូមិថ្មី ឃុំតាគ្រាម បង្កការភ្ញាក់ផ្អើលទាំងព្រឹក ហើយត្រូវកម្លាំងប្រជាការពារចាប់ឆែកឃើញគ្រាប់បែកច្នៃ១គ្រាប់ទៀត ក៏យកទៅប្រគល់ឲ្យមន្ត្រីនគរបាលប៉ុស្ដ៏ តែជនទាំង៣នាក់បានជិះម៉ូតូរត់គេចបាត់ភ្លាមៗដែរ ។
លោកស្នងការរង ជេត វណ្ណនី បញ្ជាក់ថា ពេលនោះលោកស្នងការក៏បានបញ្ជាឲ្យកម្លាំងជំនាញរបស់ស្នងការដ្ឋាន និងកម្លាំងនគរបាលស្រុកបាណន់ ធ្វើការស្រាវជ្រាវរហូតតាមឃាត់ខ្លួនក្រុមកែច្នៃគ្រាប់បែកបានចំនួន៥នាក់ជាបន្តបន្ទាប់ នៅថ្ងៃទី១៧និង១៨ ខែមីនា រួមទាំងដកហូតបានវត្ថុតាងមួយចំនួនផង ។
ក្រោយពីឃាត់ខ្លួនបាន ក្រុមអ្នកបច្ចេកទេសក្រៅសាលាវ័យក្មេងទាំង៥នាក់នេះ បានឆ្លើយថា ពួកខ្លួនពិតជាបានកែច្នៃគ្រាប់បែកនេះមែន។
ក្រុមនេះនិយាយថា ការច្នៃគ្រាប់បែកនេះ គឺគ្រាន់ទុកសម្រាប់បោកគំរាមគូសត្រូវរបស់ខ្លួន ហើយការបំផ្ទុះកន្លងមកគ្រាន់តែជាការសាកល្បងកម្លាំងផ្ទុះតែប៉ុណ្ណោះ ។
ក្រុមនេះបានបង្ហាញពីបច្ចេកទេសនៃធាតុផ្សំក្នុងការកែច្នៃគ្រាប់បែក ដោយនិយាយថា ពួកគេបានយក «រំសេវផាវគ្រាប់បែក៥គ្រាប់ ដុំថ្មប៉ុនៗម្រាមដៃ១ក្ដាប់លាងទឹកហាលថ្ងៃឲ្យស្ងួត រួចយករុំស្រោបថង់៣ជាន់ និងរុំស្កុតខ្មៅពីក្រៅឲ្យតឹងណែនល្អជាការស្រេច» ។ ប៉ុន្តែពួកគេនៅមិនទាន់ទម្លាយអំពីប្រភពដែលបានហាត់រៀនវិធីសាស្ត្រកែច្នៃគ្រាប់បែកនេះនៅឡើយទេ ដែលសមត្ថកិច្ចកំពុងសួរនាំ ។
លោកស្នងការរង ជេត វណ្ណនី ក៏បានបញ្ជាក់ថា ជាមួយនឹងការសួរនាំ សមត្ថកិច្ចក៏បានឲ្យពួកគេធ្វើសាកល្បងដែរ ។ លោកនិយាយថា ក្រោយពីបង្ហាញរបៀបផលិតគ្រាប់បែកច្នៃរួចហើយ ពួកគេបានយកទៅបោកនៅក្បែរថ្នល់ គឺវាបានផ្ទុះឡើងមានសំឡេងដូចគ្រាប់បែកពិតប្រាកដដែរ ។ មន្ត្រីជំនាញបានសាកសួរពួកគេ មុនពេលបញ្ជូនទៅកាន់ស្នងការដ្ឋាននគរបាលខេត្ត ដើម្បីចាត់វិធានការបន្ត ៕
ចែករំលែកព័តមាននេះ