ក្រុមចោរ3នាក់ប្លន់យកទូរស័ព្ទដៃទាំងយប់កណ្តាលក្រុងស្វាយរៀង
ខេត្តស្វាយរៀង ៖ និស្សិតម្នាក់រងគ្រោះដោយក្រុមចោរញៀនថ្នាំ៣នាក់ធ្វើសកម្មភាពប្លន់យកប្រាក់ និងទូរស័ព្ទដៃ Iphone 6 មួយគ្រឿង
ខេត្តស្វាយរៀង ៖ និស្សិតម្នាក់រងគ្រោះដោយក្រុមចោរញៀនថ្នាំ៣នាក់ធ្វើសកម្មភាពប្លន់យកប្រាក់ និងទូរស័ព្ទដៃ Iphone 6 មួយគ្រឿង
ខេត្តស្វាយរៀង ៖ និស្សិតម្នាក់រងគ្រោះដោយក្រុមចោរញៀនថ្នាំ៣នាក់ធ្វើសកម្មភាពប្លន់យកប្រាក់ និងទូរស័ព្ទដៃ Iphone 6 មួយគ្រឿងកាលពីវេលាម៉ោង៨និង២០នាទីយប់ថ្ងៃទី១៨ ខែមីនា ឆ្នាំ២០១៧ នៅចំណុចខាងមុខរោងភាពយន្តស្វាយរៀងចាស់ស្ថិតនៅភូមិមេភ្លើង សង្កាត់ស្វាយរៀង ក្រុងស្វាយរៀង ១៥នាទីក្រោយមកសមត្ថកិច្ចនគបាលក្រុងស្វាយរៀងបានចុះបង្ក្រាបស្ទាក់ចាប់បានជនសង្ស័យម្នាក់រួម និងម៉ូតូមួយគ្រឿងម៉ាកហុងដាសេ១២៥ ពណ៌ខ្មៅ ពាក់ស្លាកលេខ ស្វាយរៀង 1H-4226 ។
ជនរងគ្រោះដែលក្រុមចោរវាយយកប្រាក់ និងទូរស័ព្ទដៃ ឈ្មោះ សៅ លីថូ ភេទប្រុស អាយុ២៣ឆ្នាំ ជានិស្សិតឆ្នាំទី២នៃសកលវិទ្យាលយ័ស្វាយរៀង មានទៅលំនៅភូមិកំពង់ត្រាច ឃុំកំពង់ត្រាច ស្រុករមាសហែក ។ តាមសម្តីជនរងគ្រោះបានឱ្យដឹងថា ខ្លួនជានិស្សិតឆ្នាំទី២នៃសកលវិទ្យាល័យស្វាយរៀង ដោយមានការខ្វះខាតក្នុងជីវភាពក្នុងការសិក្សា ក្រៅម៉ោងសិក្សាក៏ឆ្លៀតទៅរៀនជំនាញកាត់ដេរសំលៀកបំពាក់នៅជិតកន្លែងកើតហេតុដើម្បីរកប្រាក់បន្ថែម លុះពេលយប់ក៏ជិះម៉ូតូចេញទៅរកទិញបាយញ៉ាំ ខណៈនោះក៏មានជនសង្ស័យ៣នាក់ជិះម៉ូតូ២គ្រឿងមកស្ទាក់មុខក្រោយហើយស្រែកហៅឲ្យឈប់ ជនរងគ្រោះក៏ឈប់ចុះពីលើម៉ូតូ ខណៈនោះជនទាំង៣នាក់បានមកព័ទ្ធ រួចសំឡុតសួថា «មានលុយទេឱ្យមកអញ» ជនរងគ្រោះឆ្លើយថា «ខ្ញុំគ្មានលុយទេ» ជនសង្ស័យសួរទៀតថា «ចុះស្អីនៅក្នុងហោប៉ៅ» ជនរងគ្រោះប្រាប់ថា «ទូរស័ព្ទ» ពេលនោះជនសង្សយ័ស្ទុះចូលចាប់ និងម្នាក់ទៀតលូកយកទូរស័ព្ទដៃមួយគ្រឿង រួចវាយជនរងគ្រោះពីរបីដៃទៀតគម្រាមយកប្រាក់ ពេលនោះជនរងគ្រោះទ្រាំមិនបានក៏វាយប្រតាយប្រតប់វិញ ពេលនោះជនសង្សយ័២នាក់ពាក់មួកសុវត្ថភាពជិតមុខរត់ឡើងជិះម៉ូតូគេចខ្លួនដោយយកបានទូរសព្ទ័មួយគ្រឿង ។
រីឯចោរម្នាក់ទៀតរត់ទៅជិះម៉ូតូបម្រុងគេចខ្លួនដែរក៏ប៉ុន្តែជនរងគ្រោះបានវាយប្រតាយប្រតប់ និងយកកូនសោម៉ូតូចាក់ទៅលើជនសង្ស័យចំដើមទ្រូងពីរបីកូនសោ និងកោសដើមទ្រូងចោរឲ្យរងរបួសបីកន្លែង ជនសង្ស័យបានព្យាយាមរត់ឡើងជិះម៉ូតូបើកគេចខ្លួន ជនរងគ្រោះក៏ប្តឹងសមត្ថកិច្ចឲ្យជួយអន្តរាគមន៍ស្ទាក់ចាប់បានជនសង្ស័យម្នាក់ រីឯជនសង្ស័យ២នាក់ទៀតជិះម៉ូតូឌុបគ្នាគេចខ្លួនបាត់ស្រមោល សមត្ថកិច្ចកំពុងស្រាវជ្រាវរកចាប់ខ្លួនយកមកផ្តន្ទាទោសឲ្យខានតែបាន ។
រហូតដល់ព្រឹកថ្ងៃទី១៩ មីនា ទើបសមត្ថកិច្ចចាប់ខ្លួនជនសង្ស័យបាន២នាក់ទៀត ក៏ប៉ុន្តសមត្ថកិច្ចព្យាយាមលាក់អត្តសញ្ញាណជនសង្ស័យហើយសមត្ថកិច្ចប្រាប់ថា មិនមែនជាករណីចោរប្លន់ទេគឺជាករណីឆក់យកទូរស័ព្ទ ហើយនគបាលក្រុងបានបញ្ជូនជនសង្ស័យទៅឲ្យនគបាលខេត្ត ៕
ចែករំលែកព័តមាននេះ